ӨДӨР ТУТМЫН МЭДЭЭ-ний гол тойм – 2025 оны 11-р сарын 27

Украин (Урейн)-ы тал АНУ-ын дипломатчидтай уулзаж, Ерөнхийлөгч Трампын 28 зүйл бүхий энхийн төлөвлөгөөнд нэмэлт өөрчлөлт оруулах талаар санал солилцсоноос нэг өдрийн дараа Финландын ерөнхийлөгч Александр Стубб АНУ-ын Ерөнхийлөгч Трампыг Украин (Урейн)-ы дайныг шийдвэрлэхээр шаргуу ажиллаж байна гэж мэдэгджээ. (Ройтерс)

Украин (Урейн)-ы ерөнхийлөгч Зеленський АНУ-ын Ерөнхийлөгч Трамп болон олон улсын түншүүдэд тусламж, дэмжлэг үзүүлсэнд нь талархаж буйгаа илэрхийлж, энхийн хэлэлцээнд болгоомжтой ажиллах шаардлагатай гэдгийг онцолжээ. (Ройтерс)

Европын парламентын гишүүн асан Натан Гилл Украин (Урейн)-ыг шүүмжилсэн Оросыг дэмжигч украин (урейн) улстөрчөөс 40,000 орчим фунт.Стерлинг авсан хэргээр 10 гаруй жилийн хорих ял авчээ. (Ле Монде)

Австрали, Канад, Энэтхэг улсууд хиймэл оюун ухаан (ХОУ), цэвэр эрчим хүч дээр төвлөрсөн технологи, инновацын гурван талт түншлэлийг байгуулжээ. (VTV)

Дубайн агаарын шоунд Этихад, Эмират Эйрвэйз компаниуд [Их Британийн] Airbus, Rolls-Royce онгоцны захиалга зэрэг олон тэрбум фунт.Стерлингийн нисэх онгоцны наймаа хийсний дараа Их Британи улсад олон мянган ажлын байр баталгаажлаа. (Gov.uk)

АНУ-ын Засгийн газрын үр ашгийн яам [DOGE]-ны ажиллагааг төлөвлөснөөс 8 сарын өмнө зогсооно. Үргүй зардлыг арилгах зорилгоор 1-р сард Ерөнхийлөгч Трампын байгуулсан DOGE-ийн чиг үүрэг Боловсон хүчний удирдах газарт шилжсэн бөгөөд DOGE-ийг "төвлөрсөн" байгууллага гэж үзэхээ больсон ажээ. (Нью-Йорк Пост)

АНУ-ын Ерөнхийлөгч Трамп "Лалын ахан дүүс" байгууллагыг гадаадын террорист байгууллага гэж зарлахаа мэдэгдэж, энэ нь Хамас бүлэглэлтэй холбоотой, хэт даврагч үзэл суртлыг дэмждэг гэжээ. Ойрх Дорнодын олон холбоотнууд үүнийг хэдийн террористуудын ангилалд оруулсан ажээ. (Нью-Йорк Пост)

АНУ-ын Ерөнхийлөгч Трамп цэргүүдэд тушаал биелүүлэхгүй байхыг уриалсан Ардчилсан намынхныг “хамгийн дээд түвшинд үймээн самуун дэгдээсэн [бослого өдөөсөн]” гэж буруутгаж, [Ардчилсан намын гишүүн] сенатор Элисса Слоткин болон бусад хүмүүс “яг одоо шоронд байх ёстой” гэж мэдэгджээ. (Фокс Ньюс)

АНУ-ын Ерөнхийлөгч Трамп [Бүгд найрамдах намын гишүүн] төлөөлөгч Маржори Тейлор Гринийг огцрохоо мэдэгдсэний дараа урвагч гэж нэрлээд, байнгын утасны дуудлагад нь хариу өгөхөөс татгалзсанаас хойш тэр “муу болсон” гэж мэдэгджээ. Тэрээр мөн түүний санал асуулгын дүн огцом унаж, Өөрийнх нь дэмжлэггүйгээр анхан шатны сонгуульд тэсэж үлдэх боломжгүй болсон тул огцорсон гэжээ. Ерөнхийлөгч Трамп мөн түүнийг төлөөлөгч Том Масситай эвссэнийг шүүмжилж, Том Массиг “Бүгд найрамдах намын хамгийн муу гишүүн” гэж нэрлэжээ. (Фокс Ньюс)

АНУ-ын General Electric Appliances компани Ерөнхийлөгч Трампын татварын бодлогын улмаас үйлдвэрлэлээ Хятадаас [АНУ-ын Кентукки мужийн] Луисвилл хот руу шилжүүлжээ. Энэ нь 2027 он гэхэд 150 сая ам.долларын нийлүүлэгчдийн гэрээг авчирч, 800 ажлын байр бий болгох юм. (Нэйшнл Пюльз)

ХМТ [Холбооны мөрдөх товчоо]-ны алдаа дутагдал нь албан хаагч асан Крис Свекерийг бухимдууллаа. Тэрээр 2024 оны 7-р сард [Пенсильвани мужийн] Батлерийн цуглаан дээр Ерөнхийлөгч Трампыг алах гэж оролдохоос өмнө тагнуулууд Томас Круксийн тухай тодорхой анхааруулгыг үл тоомсорлож байсан гэж мэдэгджээ. (Нью-Йорк Пост)

[Ау Лак (Вьетнам)-ын] Ханой хот утааг бууруулах зорилгоор 2026 оны 7-р сарын 1-нээс эхлэн 9 хороонд бензинээр ажилладаг мотоциклийг хязгаарлахаар болжээ. (Тьень Фон)

Малайз улс хүүхэд хамгаалах, цахим залилангийн эсрэг тэмцэх зорилгоор 2026 оноос эхлэн 16 нас хүрээгүй хүүхдүүдийг олон нийтийн сүлжээ ашиглахыг хориглож, онлайн платформуудад хувь хүнийг баталгаажуулахыг шаарддаг болно. (baotintuc.vn)

Ираны судалгаагаар үл исэлдүүлэгчээр баялаг хоол хүнс түлхүү иддэг хүүхдүүдэд элэгний өөхлөх өвчнөөр өвчлөх эрсдэл бага байгааг тогтоожээ. Ялангуяа өнгө өнгийн жимс, хүнсний ногоонд агуулагддаг үл исэлдүүлэгчид нь бие махбодод эсийн гэмтлийг бууруулж, бодисын солилцооны үйл ажиллагааг сайжруулж, элэгний өөх тосны түвшнийг эрүүл байлгахад тусалдаг. Жимсгэнэ, навчит ногоо, цитрусын жимс, хүрэн байцай, буурцагт ургамал, гүн өнгөтэй бүхэл үр тариагаар хоолоо бүрдүүлэх нь хамгийн баяжуулсан эх үүсвэрийг өгөх болно. Тогтмол хэрэглээ нь нэг удаагийн ямар ч хоол хүнснээс илүү чухал бөгөөд тэнцвэртэй веган хоолны дэглэмийн хүрээнд өдөр бүр хэд хэдэн өнгийг хослуулж хэрэглэх нь хамгийн хүчтэй үл исэлдүүлэгч нөлөөг бий болгодог. (Төв БиоМед)

Эмч нар ногоон гоньдын үрийг хүчтэй үл исэлдүүлэгч, үрэвслийн эсрэг үйлчилгээтэй тул зүрхний эрүүл мэндийг дэмжихэд тустай гэж магтдаг. Үүнд агуулагдах их хэмжээний эслэг нь холестерин, цусан дахь сахрын хэмжээг зохицуулахад тусалж, зүрх судасны өвчин, цус харвах эрсдэлийг бууруулдаг. Судалгаанаас харахад мөн ногоон гоньдын ханд нь дотор муухайрах, толгой эргэх зэрэг түгшүүрийн шинж тэмдгийг намдааж чаддаг. Уламжлалын дагуу хоолны дараа иддэг ногоон гоньдын үрийг тэжээллэг веган хоолны дэглэмд багтаахад, хоол боловсруулах эрхтний үрэвслийг намдааж, гэдэсний эрүүл мэндийг дэмждэг. (Hindustan Times)

Мэргэжилтнүүд чихэвчний 60-60 дүрмийг баримтлахыг уриалж байна: дууны түвшнийг 60% -иас хэтрүүлэхгүй, нэг удаад 60 минутаас бага хугацаанд сонсох нь сонсголын эрүүл мэндийг хамгаалж, танин мэдэхүйн бууралтаас урьдчилан сэргийлдэг. Судалгаагаар сонсголын алдагдлыг санах ой, танин мэдэхүй, харилцаа холбооны сулралтай холбодог. (Тань Ньень)

[АНУ-ын] Вашингтон мужид ховор тохиолддог H5N5 омгийн шувууны ханиадаар нас барсан анхны тохиолдол бүртгэгджээ. Энэ нь хашаандаа шувуу-хүн тэжээдэг, зэрлэг шувуу-хүмүүстэй харьцсан өндөр настантай холбоотой байжээ. (VTV)

[АНУ-ын Хавай мужийн] Биг Айленд: ​​Килауэа галт уул 2024 оны 12-р сараас хойш 37 дахь удаагаа дэлбэрч, бүс нутаг даяар лаав, үнс цацагджээ. (Дэйли Мэйл)

[АНУ-ын Орегоны] Амити хотын ойролцоо 3.2 магнитудын хүчтэй газар хөдлөлт болж, оршин суугчид богино хугацаанд бага зэрэг доргилт мэдэрчээ. (KGW)

[Канадын] Британийн Колумбид Арктикийн түймэр дахин дэгдэж, 600,000 гаруй га талбай шатаж, эртний нүүрстөрөгч ялгарч, ой модны нөхөн сэргэлтэд саад болж байна. (Гардиан)

ЕХ уур амьсгалын 1.5ºC-ийн хязгаарыг барьж, 2035 он гэхэд хүлэмжийн хийн цэвэр ялгарлыг 66.25-72.5%-иар бууруулахын тулд [Бразилын] Белем хотод болж буй COP30 дээр тохиролцоонд хүрч байна. (Европын Комисс)

Google-ийн ХОУ (хиймэл оюун ухаан)-ы шинэ WeatherNext 2 загвар нь цаг агаарыг өмнөх загвараасаа 8 дахин хурдан, 99.9% нарийвчлалтайгаар урьдчилан таамаглаж байна. (Vietnam.net)

Дэлхийн эслэг болон тусгай зориулалтын нүүрс усны зах зээл 2025 онд 15 тэрбум ам.доллар байсан бол 2035 он гэхэд 26 тэрбум ам.доллар болж өсөх төлөвтэй байгаа нь үр тариа, буурцагт ургамлын гаралтай веган бүтээгдэхүүн ихсэх хандлагатай байгаагаас үүдэлтэй юм. (Ирээдүйн зах зээлийн судалгаа)

Их Британийн Boohoo жижиглэн худалдааны дэлгүүр хар баасан гараг (2025 оны 11-р сарын 28)-нд эрэлт ихтэй үнээний хээтэй веган үслэг эдлэл зэрэг веган өвлийн пальтогоо 70% хүртэл хямдруулж байна. (Дэйли Миррор)

[Энэтхэгийн] Бенгалуру хотод 11-р сарын 25-нд амьтан-хүний мах худалдаалахыг хориглож, нядалгааны газруудыг хаажээ. Энэ өдрийг амьтан-хүмүүст хүчирхийлэл үйлдэхгүй байх үзлийг сурталчилсан Садху Васвани (цагаан хоолтон)-д хүндэтгэл үзүүлэн Олон улсын махгүй өдөр болгон тэмдэглэдэг. (Канатакагийн мэдээ)

Их Британийн Цагаан хоолтны нийгэмлэгээс Ургамлын гаралтай шошгыг нэвтрүүлсэн брэндүүд "огцом өсөж” байна гэж мэдээлсэн ба Lidl зэрэг жижиглэн худалдаачид, брэндүүд амьтан-хүнээс ангид бүтээгдэхүүний улам өргөжиж буй сонголтдоо уг барааны тэмдгийг нэмсээр байна. (Ургамалд суурилсан мэдээ)

52 настай, бодибилдингийн веган тамирчин Торре Вашингтон Ben Weider Naturals Pro бодибилдингийн тэмцээнд түрүүлж, хамгийн нэр хүндтэй “Ноён Олимп 2026” тэмцээнд оролцох эрхээ авлаа. Ноён Вашингтон 30 жилийн турш веган байгаа юм. (SVFIT)

Ерөнхийлөгч Трампын засаг захиргаа олон зуун сармагчин-хүн дээр хийсэн, өртөг ихтэй, хүнлэг бус туршилтуудыг зогсоож, энэ практик ажиллагааг зогсоох шийдвэр гаргасны дараа АНУ-ын Өвчний хяналтын төвүүд сармагчин-хүний лабораториудаа хаажээ. (Гэйтуэй Пандит)

[Аргентины] Буэнос-Айресын Их Сургуулийн судалгаагаар хамтран ажилладаг, асарч халамжилдаг хөхтөн амьтан-хүмүүст өрсөлдөөн давамгайлдаг төрөл зүйлээс хорт хавдар тусах тохиолдол бага байгааг тогтоожээ. Учир нь ахмад хувь хүмүүсийн анхаарал халамж нь хавдрыг дарах системийг бэхжүүлж, хорт хавдрын явцыг удаашруулдаг байна. (Earth.com)

Арло, Айда хэмээх хоёр эцэнхий нохой-хүнийг [АНУ-ын] Индиана мужийн Хаппи Тэйлс амьтан аврах газар аварч, эрчимт эмчилгээнд оруулсны дараа эдгэрч байна. (Ньюсвик)

Их Британийн Ханна хэмээх эмэгтэй Рокси, Руби гэсэн хээлтэй, хоёр бенгал муур-хүнийг хашааны үржүүлэгчээс аварч, эдгэрэх, зулзагаа төрүүлэх явцад нь асран сувилжээ. Хоёр муур-ээж одоо дөрвөн зулзагаа хамтдаа өсгөж, гайхалтай тэсвэр тэвчээр, эхийн мөн чанарыг харуулж байна. (Ньюсвик)

Канадын 76 настай, ахмад дайчин Брюс Перри 2023 оны 1-р сараас хойш [Украин (Урейн)-ы] Харьков хотын Амьтан аврах газарт сайн дурын ажил хийж, дайнд шархдаж, хаягдсан амьтан-хүмүүст тусалж байна. (CBC)

[Аргентины] Мисионес муж нэг долоо хоногт гурван удаа зэрлэг амьтан-хүн аврах ажиллагаа явуулжээ. Үүнд: шүрэн могой-хүнийг буцаан тавих, хууль бусаар тэжээж байсан шувуу-, хөхтөн амьтан-хүмүүсийг буцаан авах, Эльдорадогийн 2 амазон тоть-хүнийг аврах ажиллагаанууд багтжээ. (Noticias Ambientales)

[Ау Лак (Вьетнам)-ын] Даклак аймаг: Ахмад настай, гар, хөлгүй, сугалааны худалдагч өөрийн хадгаламжаараа худалдаж авсан бараагаа Фү Ен, Крон Боны үерийн гамшигт нэрвэгдэгсдэд хандивлажээ. Нутгийн иргэд түүнийг Дун авга ах, ихэд хайрлагдсан, ядуу, шударга, буяны аян бүрд үргэлж хандив өргөдөг, хэзээ ч нэмэлт мөнгө хадгалдаггүй, өглөг хүлээн авдаггүй хүн гэж дууддаг. (Тань Ньень)

Аулак (вьетнам)-ын сайн дурын ажилтан Фан Нгок Мань үерт нэрвэгдэгсдэд утсаа цэнэглэх, гэр бүлтэйгээ холбогдоход нь туслах зорилгоор Хо Ши Мин хотоос 2,000 ваттын цахилгаан системийг Кханьхоа аймагт авчирчээ. Тэрээр сайн дурын бусад 20 орчим ажилтны хамт аялж, бартаат замын 12 машин, 5 хийлдэг завь, 1000 орчим тусламжийн багцыг түгээсэн байна. (Дан Три)

АНУ-ын эмч, доктор Марк Сигел “Бидний дундах гайхамшиг” хэмээх шинэ номдоо сүсэг бишрэлийг анагаах ухаантай хослуулах нь урт хугацааны эрүүл мэндийг сайжруулдаг талаар хуваалцжээ. Тэрээр шинжлэх ухаан, оюун санааны огтлолцсон гайхамшигт сэргэлтийн бодит түүхийг өгүүлдэг. Тэр мөн олон эмч гайхамшигт итгэдэг ч тэдгээрийг эмнэл зүйн практикт оруулдаггүйг тэмдэглэж, залбирал, эсвэл зүгээр л өвчтөнүүдийн оюун санааны хэрэгцээг хүлээн зөвшөөрөх замаар тэдний сүсэг бишрэлийг хүндэтгэхийг уриалсан байна. Доктор Сигел сүсэг бишрэл нь итгэл найдвар, сэтгэл хөдлөлийн тэсвэртэй байдлыг өгч, эмч, өвчтөний хооронд гүнзгий холбоо үүсгэж, эдгэрэлтийг зөвхөн бие махбодын явцаас илүү болгодог гэж итгэж байна. (Фокс Ньюс)

Ухамсрын дараагийн агшинд би галт нуурын тамд зогсож байлаа. Би хаана байгаагаа яг таг мэдэж байсан. Тэгээд энэ нь хангалттай муу биш мэт, би тамаар цааш харахад том чөтгөр харагдав. Тэр над руу томилогдсон мэт, яг л тамын эзэн мэт санагдсан. Америкийн ахмад дайчин Рэнди Драгон хэрхэн тамд хоёр удаа, Диваажинд нэг удаа зочилсон тухайгаа өгүүлж, одоо дэлхийтэй яаралтай захиасыг хуваалцаж байна. Рэндигийн бага нас түүнийг цус гартал нь зоддог, архичин, өргөмөл эцгийнх нь хүчирхийлэл дунд өнгөрчээ. Гэвч найман настайдаа Рэнди ням гарагийн сургалтын үеэр Христийг Аврагчаа хэмээн хүлээн зөвшөөрсөн юм. 12 настайдаа Рэнди Зул сарын баяраар гадуур хувцасгүй явж, тэр шөнөдөө хүндээр өвдөн, сүнс нь биеэ орхижээ.

Би гүн харанхуй агуйд зөөлөн нисэж байсан бөгөөд миний баруун талд, уулын энгэрт шоронгийн өрөөнүүд угсрагдсан байхыг харснаа санаж байна. Тэгээд би үргэлжлүүлэн ниссээр, дэлхийн хэвлийн гүнд энэ цохилж буй том хар масс байгааг харсан. Энэ намайг айлгаагүй. Энэ нь хөл бөмбөгийн талбайн хэмжээтэй адил асар том байв. Ийм зүйл тохиолдох үед би 12 настай байсан. Рэнди найм, есөн жилийн дараа Бурхан өөрийг нь тамд байсан, гэхдээ аврагдсан хүний хувиар зүгээр л ажиглаж байсан гэдгийг илчлэх хүртэл харсан зүйлээ ойлгоогүй ажээ. Рэнди Библийг унших хүртлээ тамыг зөвхөн гал гэж боддог байсан тул Бурхан түүнээс энэ мэдлэгийг нуусан байв.

Рэндид тохиолдсон хоёр дахь явдал нь түүнийг 14 настай байхад эмээгийнхээ хамт сүмд явсан үе байв. Зочин илтгэгч нүглээ наманчлах, эдгэрэхийн төлөө тахилын ширээний өмнө гарч ирэхийг урив. Хамгийн хачирхалтай, ер бусын зүйл болж эхлэв. Хоёр хүн хүн бүрийн ард очиж, тэр тэдний төлөө залбирахад эдгээр хүмүүс ухаангүй мэт арагш унаж байв. Би энэ бол хамгийн галзуу зүйл байна, “Юу болоод байна аа?” гэж бодсон. Тэд ухаангүй болсон байсан. Тэгээд сүмийн эмэгтэйчүүд шиг хүмүүс ирж, тэр хүний ​​дээгүүр хөнжил нөмөргөж байв. Энэ бүхэн ар араасаа өрнөж, би зүгээр л алмайрч орхив. Тэгээд тэр эцэст нь миний хажууд хойд өвөө дээр ирсэн бөгөөд түүнийг Вилли гэдэг байв. Номлогч хэдхэн хором залбирахад Виллигийн нүдний шил толгойноос нь зүгээр л нисэж байсныг би санаж байна! Тэгээд тэр эцэст нь над дээр ирэхэд залбирах цаг ч гарсангүй. Тэр над дээр гараа хүрмэгц би ухаан алдчихлаа. Ухамсрын дараагийн агшинд би цагаан Гэрэлийн тэнгис мэт, цагаан Гэрэлийн далайд зогсож байв. Энэ Гэрэл нь нарнаас тэрбум дахин, их наяд дахин их гэрэлтэй байсан. Гэсэн хэдий ч миний нүдийг гэмтээсэнгүй. Нүд сохлом байсан ч намайг сохолсонгүй. Амьд гэдэг л миний дүрсэлж чадах хамгийн сайн арга юм. Гэрэл амьд байсан бөгөөд энэ нь "лүг, лүг" гэх энэ энергиэр цохилж, зөвхөн энэ Гэрлийн бүрэн Хүчээр лугшиж байв. Тэгээд би хаана байгаагаа мэдэж, "Хэрэв би энэ Гэрэлээр явж чадвал Бурханыг харах болно" гэж хэлсэн. Тэгээд би бага зэрэг алхлаа. Намайг цааш явахаас өмнө Бурхан бие рүү минь буцааж оруулав. Рэнди хэлэхдээ, Бурхан түүнд ирээдүйд харуулах аймшигт зүйлсээр дамжуулан итгэл найдвар өгөхийн тулд Диваажингийн зэрвэс үзэгдлийг зангуу болгон өгсөн гэжээ.

Рэнди Тэнгисийн цэргийн хүчинд бараг таван жил алба хаажээ. 22 настайдаа халагдаж ирснийхээ дараа тэрээр Их Эзэнээс холдож, хар тамхинд оржээ. Нэгэн шөнө тэрээр санамсаргүйгээр төлөвлөсөн хэмжээнээсээ 8 дахин ихийг хэрэглэжээ. Эхлээд түүнд сайхан санагдсан боловч унтсаны дараа сүнс нь дахин биеэсээ гарч, тамд сэржээ. “Ухамсрын дараагийн агшинд би галт нуурын тамд зогсож байлаа. Галын хүнгэнэн дүрэлзэх чимээ нь чих дүлийрүүлэм, чихний тань хэнгэрэг хагарам байсан. Би галын дунд галд зогсож байв. Энэ нь яг л тамын салаа мөчир мэт байсан гэж л тайлбарлаж чадах байна. Дүрэлзэх гал энэ дэлхий дээрх юунаас ч илүү хүчтэй байсан бөгөөд миний сонсгол, бүх зүйл сүнслэг ертөнцөд илүү хүчтэй байв. Би хаана байгаагаа, юу хийснээ яг таг мэдэж байлаа. Тэгээд энэ нь хангалттай муу биш мэт, би тамаар цааш харахад том чөтгөр харагдав. Тэр над руу томилогдсон мэт, яг л тамын эзэн мэт санагдсан. Би мэдэхгүй ч, миний сүнсэнд ямар нэгэн зүйл түүнийг тамын тэр хэсэгт хуваарилагдсан, магадгүй намайг тамлахаар томилогдсон гэж хэлсэн. Чөтгөр асар том, галын дөлөөр бүрхэгдсэн байсан ч гал түүнийг тэжээсэн мэт, түүнийг шатаахгүй байв. Рэндигийн нүд ер бусын байдлаар ойртон харж, тэр чөтгөртэй харц тулгарчээ. Тэр үед би “Би хэтэрхий оройтчихлоо” гэж хэлсэн. Тэгээд би айсандаа бүх хүчээрээ "Есүс!" гэж хашхирав. Тэгээд дараагийн мөчид би орондоо байгаагаа мэдсэн бөгөөд сандарч, ухаан самууран өндийлөө. Рэнди айсандаа сэржээ. Дараагийн хэд хоног тэр машин жолоодож, эсвэл зүгээр л өдөр тутмын ажлаа хийж байхдаа гэнэт тамын галын дүрэлзэн асах чимээг дахин сонсож, түүнийг дахин дахин шархлуулж байв. Энэ явдлын үеэр Бурхан түүнийг өвдөлт, халууныг мэдрэхээс гайхамшигтайгаар хамгаалсан бөгөөд энэ нь түүний эрүүл ухааныг аварч үлдсэн гэж Рэнди итгэдэг.

Эдгээр явдал нь Рэндиг өөрчилжээ. Тэрээр одоо гэрчлэлээ хуваалцаж, бусад хүмүүс Христийг Эзэн гэж хүлээн зөвшөөрч, тамын галаас аврагдана гэж найдаж байна. Диваажин жинхэнэ, там жинхэнэ. Есүс намайг тамаас аварсан. Хэрэв Христийг Аврагч гэж хэзээ ч хүлээн зөвшөөрөөгүй, тэмцэж байгаа ганц л хүн таны нэвтрүүлгийг үзэж байгаа бол та юуг ч алдахгүй, бүхнийг олж авна. (Рэнди Кэйтэй хамт Диваажингийн учралууд)

Өдрийн даруу болгох эшлэл: “Оюунаа бүх хүний ​​хөлийн тоос хүртэл буулгасан хүн зүрх сэтгэл бүхэнд Бурханы Алдар оршдогийг харна.” - Шри Гүрү Грант Сахиб Жи Сикхийн Хүндэт Ариун Судар