Хүндэт Агуу Их Багш Баба Саван Син Жи-н (цагаан хоолтон) мэндэлсэн өдрийг хайр, талархал, магтаалтайгаар тэмдэглэхүй.

Хазур Махараж буюу Агуу Их Багш нэрээр мөн танигдсан Баба Саваан Сингх Жи (цагаан хоолтон), үнэнч бясалгалч, Энэтхэгийн гэгээрсэн Багш байв. Бага наснаасаа Тэрээр эцгээрээ дамжуулан цаг үеийнхээ гэгээнтнүүдтэй танилцаж байжээ. Идэр насандаа Тэр панжаби, хинди, урду, англи, перс зэрэг олон хэлээр бичигдсэн билиг оюуны судруудыг судалж байв. Хожим нь, Баба Саваан Сингх Жи эгэл ертөнцийн үүргээ гүйцэтгэн ажиллаж байхдаа, Бурханыг гэсэн хүсэл тэмүүлэл нь амьдралынх нь жинхэнэ сэдэл болохыг мэджээ.

Эцэстээ Тэр гэгээрсэн Их Багш Баба Жаймал Сингх рүү (цагаан хоолтон) хөтлөгдсөн байна.

Баба Жаймал Сингхийг өөд болсны дараа Баба Саваан Сингх Жи Энэтхэгийн хойд хэсэгт байгуулагдсан Радха Соами Сатсанг Бийс байгууллагын хоёр дахь Сатгүрү болсон.

Түүнийг дэлхий даяар 150 000 орчим хүнд буюу тухайн үедээ түүхэн дэх хамгийн олон хүнд дотоодын Диваажингийн Гэрэл, Аялгууны сүнслэг бясалгалын авшиг хүртээсэн гэж ярьдаг байсан. Ийнхүү Тэр Бурханыг Ухаарах Гэрлийг дэлхийн өнцөг булан бүрд түгээсэн юм.