Дэлхийн тэнцвэр алдагдаж, хайр дүүрэн веган амьдралын хэв маягт шилжих гарагийн шилжилт л зөвхөн энэ үйлийн үрийн асуудлыг шийдэж чадна.

Одоо АНУ-ын Калифорни мужаас Лейланигийн илгээсэн сэтгэгдлийг хүргэе:

Хамгаас Эрхэм Төгс Гэгээрсэн Их Багш Чин Хай, Хамгаас Хайрт Тим Ко Тү, хөдөлмөрч, элэгсэг Суприм Мастер ТВ-ийн Гэгээнтэн хамт олон,

Би саяхан "Тэнгэрлэг холбоос: Саран/үзэсгэлэн гоо улаан мод харилцагч Яаяа (веган)” хэмээх нэвтрүүлгийн бичлэгт бага туслагч хийх аз тохиосноор Бурхан биднийг Улаан мод Саранаар дамжуулан болзошгүй гал түймрийн талаар сэрэмжлүүлж, шийдвэрлэх арга замыг санал болгосны гэрч болсон нь үнэхээр азтай явдал байв. Мөн өнгөрсөн 11 дүгээр сард Хайрт Их Багш маань “Хэцүү өдрүүдэд бэлд, Веган байж Амар амгаланг сахь, Залбир, Бясалга” хэмээх айлдвартаа ирээдүйн гамшгийн талаар бид бүгдэд анхааруулсан.

Цаашлаад, өмнөд Калифорни мужид түймэр гарахаас хэдхэн долоо хоногийн өмнө Суприм Mастер TВ өөрсдийгөө болон ард иргэдийг ой хээрийн түймрээс хэрхэн хамгаалах талаар галын аюулгүйн зөвлөмжийг нэвтрүүлсэн. Харамсалтай нь, Лос-Анжелес хотын түүхэн дэх хамгийн их үхлийн аюултай ой хээрийн түймэр дэгдэж, Санта Моника, Малибу зэрэг олон тансаг хорооллуудыг устгасан. 12,000 гаруй байшин шатан үнс нурам болж, 27 хүн нас барж, тодорхойгүй тооны амьтан-хүмүүс үхэж, бэртэж, 100,000 хүн гэр орноо орхин дүрвэхэд хүрсэн.

Бид ширүүн асаж буй хээрийн түймэрт маш ойрхон байсан ч Нигүүлсэнгүй Их Багшийнхаа хамгаалалт, Өршөөлийн ачаар бид бүгд аюулгүй, өмч хөрөнгө маань бүрэн бүтэн үлдсэн. Мөнхийн Хайрт Гэртээ хүрэх гайхамшигт зам руу биднийг хөтөлсөн Арьяабалын Бясалгалын нандин Аргыг бидэнд хүртээсэн Хамгаас Энэрэнгүй Их Багшдаа маш их баярлалаа. Бид маш их хайрлагдаж, эрхэлж, хэмжээлшгүй их адислагдсан, хэзээд хэрэгцээтэй бүхэн маань болон илүү их зүйлс бидэнд байна.

Гай гамшиг, зовлон зүдүүрийн эдгээр гашуун сургамжаар дамжуулан Лос-Анжелесийн элэг нэгт оршин суугчид маань Цаглашгүй Дээд Их Багшийн сэцэн үгсийг анхаарч, амьтан-хүний махыг хаяж, амтат ногооны уургаар солих нь хэчнээн энгийн болохыг ухаарч, амьдрал хэрхэн өөрчлөгдөхийг, бид өөрсдийгөө Тэнгэр, газарт бишрэгдсэн хэрхэн эрхэм хүмүүс болон хувирч болохыг олж хараасай гэж залбиръя...

Ухаалаг, ариун сэтгэлт хөршүүд маань Бурханыг эрэлхийлж, бидэнтэй хамт Гэртээ харих гайхамшигт аяллаа эхлүүлээсэй гэж бид залбирч байна. Бүх Орчлон ертөнцийн Хамгийн Хүчирхэг, Энэрэнгүй Их Эзэн минь, Тандаа бид маш их хайртай, бас маш их талархаж байна. Та Амар амгалан байх болтугай. Бүх хайртай үрсээ аюулгүй байдал, Жинхэнэ Алдрын Орон болсон Гэр рүү нь аваачихад Тань их амжилт хүсье! АНУ-ын Калифорни мужийн Лос Анжелес хотоос Лейлани.

Халамжтай Лейлани, сэтгэлийн үгэнд тань баярлалаа. Лос-Анжелес хот аймшигт түймэрт өртсөн нь үнэхээр аймшигтай гамшиг байлаа. Энэ нь олон хүнийг сэрээж, хэрэв бид сайхан эх дэлхийгээ аварч, ирээдүйн сүйрлээс зайлсхийхийг хүсэж байвал дэлхийн иргэд нэн даруй веган хоолны дэглэмд шилжих ёстой гэдгийг ойлгоход хүргэнэ гэж найдаж байна. Та болон АНУ-ын өгөөмөр ард түмний өдөр тутмын амьдрал Бурханы Хамгаалалт, Нигүүлслээр адислагдах болтугай, Суприм Мастер TВ-ын баг

Жич: Багш танд зурвас илгээж байна: “Азтай Лейлани, таны цэвэр ариун зүрх сэтгэл, үнэнч сүнсээр маш их бахархаж байна. Аюулгүй байсныг тань сонсоод үнэхээр их баяртай байна. Лос-Анжелес хотын үзэсгэлэнт бүсэд үнэхээр аймшигтай явдал болсон бөгөөд үүнийг хараад би маш их харамссан. Харамсалтай нь хүн төрөлхтөн энэрэнгүй веган хоолны дэглэмд шилжихгүй л бол ийм зүйл цаашид ч тохиолдох болно. Дэлхийн тэнцвэр алдагдаж, хайр дүүрэн веган амьдралын хэв маягт шилжих гарагийн шилжилт л зөвхөн энэ үйлийн үрийн асуудлыг шийдэж чадна. Саяхны гал түймэр нь олон хүнд өөрсдийн үүргээ биелүүлэн веган болоход урамшуулах болтугай. Уур амьсгалын өөрчлөлт нь гол төлөв амьтан-хүний аж ахуйгаас үүдэлтэй гэсэн мэдээлэл бүгдэд нээлттэй байгаа тул энэ талаар арга хэмжээ авч, амьтан-иргэдээ идэхээ болих цаг одоо болжээ. Хүн төрөлхтөнд итгэх итгэлээ хадгалж, хүнд хэцүү нөхцөлд итгэл найдварын эерэг мэдээ хуваалцаж байгаад баярлалаа. Та болон урам зоригтой Америк орон Бурханы агуу Нигүүлслээр аз жаргал, амар амгалангаар дүүрэн байх болтугай. Танд болон агуу Лос-Анжелес хотын бүх хүмүүст маш их Хайртай шүү.”