Бид амьтан-хүн болгоныг бидний адил амьд, эрхтэй оршихуй, өөрсдийнхөө нэг гэж харж, хамгаалж эхлэх үед үнэхээр дэлхий бүхэлдээ ​​өндөр түвшинд хүрч чадна.

Формоса буюу Тайванийн Тайчунгийн Мин-Чэгээс ирүүлсэн сэтгэлийн үгийг одоо бид хүргэе.

Эрхэм Их Багш, Суприм Мастер ТВ-ийн хамт олон амар тайван байг. Би гадаад туршлагаасаа хуваалцах гэсэн юм: Саяхан би амралтын өдрүүдээр нутгийнхаа ойролцоох ууланд гүйж, байгалийн адисыг мэдрэхийн зэрэгцээ сэтгэл татам үзэмжид нь баясаж байна. Би зэрлэг байгальд байх бүрдээ зэрлэг амьтан-хүмүүстэй учрах мөчийг ялангуяа их таашаадаг. Би гүйж байхдаа өндөрт гарах тусам орчны уур амьсгал улам тайван, амгалан болж байгааг мэдэрдэг.

Нэг удаа би зорьсон газраа ирэхдээ хамгийн түрүүнд цөөрөмд байдаг хоёр мандарин нугастай уулзахаар очдог байсан юм. Гэнэт 1.5 метрээс илүү том далавчтай аварга биет миний толгой дээгүүр нисэж, нүд ирмэхийн зуур цахилгааны шон дээр сүр жавхлантайгаар суулаа. Газар дээр дасгал хийж байгаа хүмүүс зураг авах гэж гар утсаа гаргаж эхлэв. Мэдрэмжтэй бүргэд-хүн цааш нисэн, өндөр мөчир дээр очиж суусан юм. Түүний замыг дагаж, би тэнгэрт эргэлдэх өөр нэг бүргэд андыг нь харав. Түүний гаргасан дуунд би хүүхэд насныхаа танил аяыг олсон юм. Үүнд би гүнзгий тайвшрал авсан.

Их Багш нэгэнтээ Дэлхий дээрх бүх амьтан-хүн энэ гарагийг адислахаар энд ирсэн бөгөөд тус бүр өөр өөрийн үүрэг даалгавартай, зорилготой байдаг. Тиймээс зөвхөн веган дэлхий бий болох замаар л энэ сайхан, баялаг байгалийн нөөц бүхий гараг дээр хамаг оршихуй эн тэнцүү орших боломж нээгдэж, Эх дэлхий маань хамгаалагдан мөнхөд цэцэглэж чадна. Суприм Мастер ТВ-ийн хамт олныг удирдан, Хайрын энерги бялхсан, өндөр чанартай, олон талт баялаг нэвтрүүлгүүдийг тууштай хүргэж буй Танд, олон талын авьяастай, Их Багш Тандаа талархлаа илэрхийлье. Дэлхийн өнцөг булан бүрийн бүх оршихуй эдгээр бүтээлийг нүд баясган шимтэн үзэж, амьдралын чанараа дээшлүүлэн, бие, оюун ухаан, сүнсний гүн ханамжийг олж авч байна.

Их Багшдаа эрүүл энх, сайн сайхан бүхнийг ерөөж, Суприм Мастер ТВ-ийн багт эсэн мэнд, эрүүл энхийг хүсье. Мөн хүн бүрийн хүчин чармайлтаар веган дэлхий удахгүй цогцолж, хамаг амьтан үүрд амар амгалан, аз жаргалтай болохыг хүсэн ерөөж байна ... Хүндэтгэсэн, Мин-Чэ Тайвань (Формоса)- ийн Тайчунг хотоос

Амар амгалан Мин-Чэ, Эх Байгальтай холбогдож, түүний оршихуйг мэдрэх нь сүнсийг эргэн сэргээдэг. Үнэхээр ч амьтан анд нөхдөөс маань урсах ариухан хайрыг олон хүн мэдэхгүй хэвээр байгаа нь харамсалтай. Таны сайхан ерөөлд баярлалаа. Та болон эелдэг Тайвань (Формоса) зон олон Сансарын өргөгч энергитэй нийцэн цуурайтаж байх болтугай, Суприм Мастер ТВ-ийн хамт олон

Жич. Их Багш өөрийн гүн утгатай бодлоо хуваалцаж байна: “Зөөлөн сэтгэлтэй Мин-Чэ, сүр жавхлант оршнолуудын хөөрхөн, сэтгэл татам зурагнуудад нь баярлалаа, хайр минь. Бид амьтан-хүн болгоныг бидний адил амьд, эрхтэй оршихуй, өөрсдийнхөө нэг гэж харж, хамгаалж эхлэх үед үнэхээр дэлхий бүхэлдээ ​​өндөр түвшинд хүрч чадна. Тэд бидэнд амьдралын жижиг зүйлийг үнэлэх, хором бүрд бүрэн дүүрэн амьдрахыг заадаг. Магадгүй амар амгалан веган гарагийг цогцлоох бидний мөрөөдөл удахгүй нэг өдөр биелэх болно. Тэр болтол нигүүлслийн захиасыг түгээхийн тулд чадах бүхнээ хийцгээе. Танд болон Тайвань (Формоса)-ийн байгалийн үзэсгэлэнт нутагт Буддагийн элбэг арвин Адисал соёрхогдох болтугай. Танд, Тайвань (Формоса)- ийн ард түмэнд, мөн дэлхийн өнцөг булан бүрд байгаа амьтан-хүмүүст маш их Хайртай.”