Арьяабалын бясалгалд зарцуулж буй агшин бүрийг Үнэнтэй нүүр тулж, танин мэдэх анхны бөгөөд сүүлчийн боломж мэтээр үнэлж, нандигнаарай. Энэ бол замдаа хурдан ахиц дэвшил гаргахад хүргэдэг ийм төрлийн хандлага юм.

Иранаас Анушегийн ирүүлсэн сэтгэлийн үгийг одоо хүргэе:

Бурханы цорын ганц Хүү, Цаглашгүй Оройн Дээд Их Багш, Ертөнцийн Гэрэл, Хаадын Хаадын Хаадын Хаанд мэндчилье. Жинхэнэ Их Багш бүх л цаг үед хамаг оршнолуудыг дэмждэг.

2001 онд, би амьдралынхаа хамгийн агуу Адисал болон аз завшаан, авшгийн эрдэнийг хүртэхээсээ 11 жилийн өмнө өөр аргаар дадуулан бясалгаж байв. Нэг удаа би амьсгал дээрээ яг таг анхаарлаа төвлөрүүлж бясалгахаар шийдсэн бөгөөд хэдхэн хормын дараа би дотоод ахуй ойлголттой болсон. Би Ибрахим (А.С.) ба Исмаил (А.С.) нар Кааба сүмийг барьж байхыг харсан. Би түүний блокууд дээр гишгэж, нэг үсрэлтээр дээшээ гарав. Үсрэлт болгондоо би өөрийгөө зогсож байхыг харах мөч хүртэл тэнгэр өөд их зайд авирсан. Миний ард маш том нүд байсан бөгөөд би түүний хүүхэн харааны хэмжээтэй жижигхэн байв. Исламын бошиглогч Мухаммед (С.А.В.) миний зүүн талд зогсож харин баруун талд минь том алтан Нялх хүүхэд байв. Би доошоо харвал тэр нь Нил мөрөн байлаа. Тэнд доор сонсогдсон дуу хоолой гол руу заан надад “Энэ бол чиний Бурхан” гэж хэлсэн. Тэр дуу хоолой надад маш доогуур түвшнийх юм шиг санагдаж, би бүх зүрх сэтгэлээрээ “Миний Бурхан бол Бүхнийг Чадагч бөгөөд чиний хэлснээс хавьгүй илүү” гэж хариулж байснаа гэнэт тэр байдлаасаа гарсан.

Үүний дараа би ихэнх бясалгалуудынхаа үеэр тэр алтан Нялх хүүхдийг харсан бөгөөд тэр алтан Нялх хүүхэд Хэн байсан бэ, эсвэл түүний ямар мессеж дамжуулах гээд байгааг гайхан бодож байлаа. 2012 онд би авшиг хүртсэн. Авшгийн үйл ажиллагаан дээр би Арьяабалын эрхэм Элч Багш нарын нэгээс тэр алтан Хүүхдийн талаар асуухад тэд “Та үүнийг мэднэ!” гэж хэлсэн. Тэр алтан Нялх хүүхэд хэн болохыг? Танаас дотоодоороо асуух хүртэл миний тархи мэдэх боломжгүй байв! Долоо хоног орчмын дараа би Таны мессежийг 2024 оны 8-р сарын 6-ны өдрийн Суприм Мастер ТВ-ээр сонсоод, Та төрсөн өдрийнхөө адислагдсан цагийг дүрсэлж байх үед нүднээс минь нулимс урсаж байлаа.

Авшиг хүртэхээсээ олон жилийн өмнө би ихэнх бясалгалдаа Таныг хардаг байсан бөгөөд Та үргэлж надтай хамт байх зуур би Төгс Гэгээрсэн Оршихуйг хайж байсан. Таны мессежийг сонссоны дараа би “Жинхэнэ Багш бүх оршнолуудыг үргэлж дэмждэг” гэдгийг батлахын тулд энэхүү дотоод ахуй ойлголтоо хэлэх цаг болсныг мэдэрсэн.

Намайг Таныг танин мэдэж, авшиг хүртэхээр адисалсанд баярлалаа. Би Танд бүх оршихуйгаараа хайртай. Цаглашгүй Оройн Дээд Их Багш Та үүрд мөнх үлдэх болтугай. Таны баяр баясгалангийн инээмсэглэл энэ гараг дээр мөнх байхын тулд Дэлхий дээрх Таны хүслийг биелүүлэхийг Бүхнийг Чадагч Бурханаас гуйж байна. Веган ертөнцийн төлөө чин сэтгэлээсээ зүтгэж буй Суприм Мастер ТВ багын бүх гишүүддээ талархаж байна. Би (учир нь) Суприм Мастер Телевизийн хамт олны хичээл зүтгэлээс амьд үлдсэн хүмүүсийн нэг. Та үүрд адислагдах болтугай. Жинхэнэ Багш үргэлж хамаг оршнолуудыг дэмжиж, Хайрын бороог бүгдэд нь цутгадаг. Иранаас Ануше

Чин сэтгэлтэй Ануше, гайхалтай сайхан сэтгэлийн илэрхийлэлд тань баярлалаа. Их Багш тантай энэрэнгүй мессежээ хуваалцаж байна:

“Зөн совинтой Ануше, Та өөрөө энэ туршлагыг үзэж, мэдэрсэн нь сайн хэрэг. Жинхэнэ Багш үнэхээр бүх оршнолуудыг цаг үргэлж дэмждэг, гэвч тэд ихэвчлэн үүнийг мэдээгүй эсвэл сайн ойлгоогүйгээс үүнийг эсэргүүцдэг! Хүлээн авсан авшгийнхаа үнэ цэнийг ойлгож байгаа нь таны үгнээс тодорхой харагдаж байна. Арьяабалын бясалгалд зарцуулж буй агшин бүрийг Үнэнтэй нүүр тулж, танин мэдэх анхны бөгөөд сүүлчийн боломж мэтээр үнэлж, нандигнаарай. Энэ бол замдаа хурдан ахиц дэвшил гаргахад хүргэдэг ийм төрлийн хандлага юм. Та нарын зүрх сэтгэл юу юунаас илүү Бурханыг хүсэмжлэх ёстой, тэгвэл бүх зүйл та нарынх болно. Энэ бол амьдралын парадокс юм. Бүх зүйлийг орхисон хүн бүхнийг эзэмшдэг харин бүх зүйлээс зууралдсан хүнд юу ч байхгүй. Та болон өөрийн бодол санааг тодорхой гаргадаг Ираны ард түмэн дотроо Аллахын Гэрлийг мэдрэх болтугай. Танд маш их Хайр, Ерөөлийг илгээж байна.”