Seeing Encouraging Sportsmanship That Fosters Growth

Индонезоос Путри-гийн ирүүлсэн сэтгэлийн үгийг одоо хүргэе:

Эрхэм Хүндэт Их Багш аа, би Индонезоос сэтгэл хөдөлгөм мэдээ хуваалцахыг хүсэж байна. Одоогоор манай улсад шигшээ багаа дэмжиж буй хөл бөмбөг сонирхогчдын дунд догдлол их байна. Өмнө нь хөл бөмбөгийн ертөнцөд баг нь хожигдвол уурласан хөгжөөн дэмжигчдээс айдаг байсан. Гэвч Индонезийн шүтэн бишрэгчид одоо өөр уур амьсгал авчирч байна. Тэмцээн болгонд “Миний нутаг” ёслолын дуугаа дуулж, хожсон ч, хожигдсон ч багаа хөгжөөн дэмждэг. Тэд өрсөлдөгч багуудад үргэлж хүндэтгэл үзүүлж, үндэсний болон олон улсын тэмцээнд уран сэтгэмжит уран сайхны үзүүлбэр үзүүлж, хөгжөөдөг. Энэ бүтээлч байдал нь хөл бөмбөгийн тэмцээнийг улс хоорондын энх тайван, тоглолт наадааныг дэмжих талбар болгон хувиргаж, ард түмэнд баяр баясгалан авчирдаг тул үзэгчид болон олон үндэстнийг гайхшируулж байна.

Дэлхий ертөнцийн ухамсрыг дээшлүүлж, энэ Дэлхийг илүү тайван болгосон Таны Хүч чадал, Хайранд баярлалаа Их Багш аа. Манай авшигтан ах эгч нар болон би веганизмыг янз бүрийн боломж бүрд түгээн дэлгэрүүлж, сурталчилсаар байх болно. Дэлхий улам бүр амар амгалан болох болтугай. Их Багш маань Бүхнийг Чадагч Бурханы ивээлд ямагт эрүүл энх, аз жаргалтай байх болтугай. Хүндэтгэн мэндчилсэн, Таны шавь - Путри, Индонези улсаас

Сайхан сэтгэлтэй Путри, Хөгжил дэвшлийг дэмждэг урам зоригтой спортын ёс зүйт байдлын тухай сонсоход таатай байна! Их Багш таны сэтгэлд хандсан айлдварт баярлан догдлоорой:

“Хайрлам Путри, иргэдийн сэтгэл санаанд энх тайван, эв нэгдлийн талаарх гайхалтай өөрчлөлт гарсан талаар сонсоход үнэхээр таатай мэдээ байна! Таны хөгжөөнтэй, уужуу сэтгэл бол Арьяабалын сайн бясалгагч хүний илэрхийлэл юм. Эрүүл оюун ухаан нь сайн сайхан байдалд хөгждөг ба энэрэнгүй амьдралын хэв маягийг дадуулснаар энэ нь улам хялбар болдог. Амьтан андуудтайгаа хайраар, шударгаар харилцдаг амар амгалан дэлхийг бүтээцгээе. Та болон үзэсгэлэнт Индонез нутаг Тэнгэрлэгийн гайхамшигт бүтээлүүдэд жаргах болтугай. Хайртай шүү.”