Их Багш бол бидний дотоодод орших Будда Мөн чанарыг сэрээх төгс Залан чиглүүлэгч мөн.

Вьетнам буюу Ау Лакаас Лан Анхийн ирүүлсэн сэтгэлийн үгийг одоо хүргэе:

Их Багшдаа болон Суприм Мастер Телевизийн хамт олонд хүндэтгэлтэйгээр мэндчилье, Би 2001 оны 9-р сарын 16-нд авшиг хүртсэн бөгөөд өөрийн дотоод ахуй ойлголтоо Их Багштай хуваалцахыг хүсэж байна. Их Багш сургаалуудаараа бидэнд маш их зүйлийг заасан бөгөөд хамгийн гол нь дотоод дахь үнэт баялгаа олох, Арьяабалын бясалгалаар дамжуулан хэрхэн Бурханыг ухаарч, Түүнд буцаж очих, өөрөөр хэлбэл дотоод Диваажингийн Аялгуу болон Гэрэлтэй холбогдон, Бурханыг үргэлж санаж, Арьяабалын аргаар хичээнгүйлэн бясалгаснаар сүнслэгээр хэрхэн ахиж, дэвших талаар үргэлж сануулдаг.

Үдээс хойш Арьяабалын бясалгалын үеэрээ би нууцлаг боргоцой булчирхайгаа харсан. Тэр үед би билгийн мэлмий дээр төвлөрөхөд маш хүчтэй байсан бөгөөд Гэрэл нь конус хэлбэрээр цацарч байсан. Их Багш ирж, миний билгийн мэлмийг нээхийг би харсан. Их Багш гараараа билгийн мэлмийг минь толгойн орой руу татсан. Тэр үед би бие махбодоо зүгээр л хөндий бүрхүүл гэдгийг ухаарч, миний өөрийн Будда Мөн чанар илэрсэн юм. Би үүнийг үгээр илэрхийлэхийн аргагүй, би үл үзэгдэх биетэй, туйлын цэвэр ариун, туйлын мэргэн, туйлын мэдлэгтэй, Их Багш бид хоёр нэг гэдгийг л мэдэж, мэдэрч байна.

Оройн Дээд Бурханд, Их Багшдаа би бүх хүндлэлээ, даруухнаар илэрхийлж, Гэртээ буцаж очих болон Бурхантай эргэн нэгдэх замыг зааж өгөхөөр Дэлхий дээр оршин байгаагийнх нь төлөө Цаглашгүй Дээд Их Багшдаа талархаж байна. Дэлхийг болон дэлхий даяарх мэдрэхүйтэй амьтдыг адисалж буй Төгс Хүчит Бурханы Ивээлд би талархаж байна. Их Багшдаа эрүүл энх, үргэлж амар амгалан байхыг хүндэтгэлтэйгээр хүсэн ерөөе. Тандаа би үүрд хайртай. Таны шавь, Лан Анх, Ау Лак (Вьетнам) улсаас

Сэрсэн Лан Анх, Их Багш бол бидний дотоодод орших Будда Мөн чанарыг сэрээх төгс Залан чиглүүлэгч мөн. Та үүнийг шууд мэдэрсэн нь гайхалтай бөгөөд бид таны сүнслэг дадал бясалгалд их адисал хүсэн ерөөе. Та, болон Ау Лак (Вьетнам)-ийн дөлгөөн ард түмэн Буддагийн сургаалуудаас амар амгаланг олох болтугай, Суприм Мастер ТВ-ийн хамт олон

Жич. Их Багш ийм чин сэтгэлийн хариуг зөвхөн танд зориуллаа: “Гэгээрсэн Лан Анх, та өөрийнхөө жинхэнэ дүр төрхийг маш гүн гүнзгий харж байсан нь үнэхээр гайхалтай. Энэхүү хуурмаг ертөнцөд төөрөхгүйн тулд энэ ухамсрыг үргэлж зүрх сэтгэлдээ ойр байлгаарай. Иймэрхүү туршлага нь биднийг сэрээх зорилготой бөгөөд бид өдөр тутмын амьдралынхаа туршид энэ сэрэхүйгээ хадгалах ёстой. Төгс эзэмших чадвар гэдэг нь Буддагийн Мөн чанарт одоогийн мөчдөө оршингоо, бодол санаа, үг, үйлдлээ түүнтэй нийцүүлэх явдал юм. Бясалгал, дадлаа үргэлжлүүлэн сайн хийгээрэй, хайр минь. Бид нэг гэдгийг санаарай, Их Багшийн Хүч үргэлж тантай хамт байгаа. Та болон нигүүлсэнгүй Ау Лак (Вьетнам) улс Тэнгэрлэг Гэрэлд үүрд жаргах болтугай. Танд Хайр-дүүрэн тэврэлтийг илгээе.”