Энэ нь Их Багш үнэхээр Франц-Германы Доктор Швайтцер мөн гэдгийг томруун илчилсэн юм.

Формоса буюу Тайваниас мандарин хятад хэлээр Цзу-Ланийн илгээсэн сэтгэлийн үгийг одоо хүргэе:

Гурвал, Төгс Гэгээрсэн Их Багш Чин Хайд хүндэтгэлтэйгээр тайлагнах нь: 2022 оны 2-р сард Арьяабалын бясалгалын үеэр дотоодын Их Багш надад “Би бол Швайтцер” (1875–1965) гэж хэлсэн. Дотоод ертөнцөд Их Багш одоогийн урт үстэй эмэгтэй дүр төрхөөсөө аажмаар Доктор Швайтцерын бүдэг бадаг дүр болон хувирав. Би доктор Швайтцерыг ямархуу төрхтэйг нь мэдэхгүй байсан тул интернэтээс хайсан. Гэнэт би Их Багшийг урт даашинзтай, урт иштэй хатагтайн шүхэр барьчихсан, Доктор Швайтцерын зургаас гарч явахыг тод харлаа. Энэ нь Их Багш үнэхээр Франц-Германы Доктор Швайтцер мөн гэдгийг томруун илчилсэн юм. Хожим нь миний дотоод ертөнцдөө харсан дүр төрхтэй их ​​адилхан, эмэгтэй малгай мөн гоёмсог эмэгтэй хувцас өмссөн, Африк хүүхдийг тэвэрсэн Их Багшийн зургийг олж хараад гайхан баярласан! Яг л ийм харагдаж байсан!

“Африкийн Эцэг” хэмээн өргөмжлөгдсөн энэ энэрэнгүй эмч 50 гаруй жилийн турш Африкийн хүнд хэцүү нөхцөлд эмч мэргэжлээр ажиллахад Өөрийгөө золиосолсон! Тэрээр бүх амьдралаа Их Эзэн Есүсийн түүхийг судлахад зориулсан бөгөөд хөгжмийн маш сайн ур чадвартай байсан. 1952 онд Тэрээр Нобелийн Энх Тайвны Шагнал хүртсэн. Тэр үнэхээр гүн хүндэтгэл хүлээх ёстой агуу Гэгээнтэн байсан. Тэрээр үнэндээ Их Багш байсан байжээ!

Тэр жилийн 9-р сард Арьяабалын бясалгалын үеэр би Доктор Швайтцерыг агаарт үсэрч, бадамлянхуа цэцгийн тавцан дээр сууж байхыг харсан. Дараа нь Тэр аажмаар дээш тэнгэр өөд эргэлдэж, Их Багшийн одоогийн дүр төрх царай бүхий алтан “Мянган мутарт мянган мэлмийтэй Татагата” болон хувирав. Тэрээр мутар бүртээ Үнэн номын эрдэнэстэйгээр Орчлон ертөнцөд улам хурдан эргэлдэж байв. Сайн харвал, мутрууддаа төмөр диск, очир зан үйлийн хэрэгсэл, бясалгалын хэрэгсэл болон гялалзсан үнэт эрдэнэс барьж байхыг харав. Энэ дүр зураг гайхалтай өнгөлөг байсан! Гэнэт мянган мутар тоо томшгүй олон эрдэнэсийг гадагшаа тараав! Энэ нь бас “Прабхутаратна”-тай төстэй байж магадгүй гэж бодсон.

Агшин зуурын дотор Буддагийн бүх мутруудаа эргэн нугалж, Тэрээр хоёр алгаа нийлүүлсэн Татагата болон хувирав. Дараа нь Татагатагийн биеийн дотроос ариун эмч Доктор Швайтцер гарч одов. Доктор Швайтцер олон тооны шинэхэн цэцэгсийг хоёр гараараа дээш цацаж, тэнгэр дэх Татагатад өргөв. Дараа нь Тэр эргэж хараад, бөөгнөрсөн Дэлхийн хүмүүсийн дунд өөр залуу царайтай болон аажмаар алхаж орон, үл анзаарагдам өөр нэг алдартай эмч болов. Тэрээр Дэлхийг аврах Бурханы ариун хүслийг үргэлжлүүлэхийн тулд одоо ч Дэлхий дээр хүмүүсийг асран халамжилсаар байгаа ч Өөрийгөө хэн болохыг илчлэхгүй байгаа. Ямар гайхалтай юм бэ!

Бүх зүгт бишрэгдсэн Их Багшаа үүрд аз жаргалаар дүүрэн байгаасай гэж би хүндэтгэлтэйгээр залбирч байна! Тайвань (Формоса)-аас шавь Цзу-Лан хүндэтгэлтэйгээр танилцуулав.

Гайхалтай Цзу-Лан, Сэтгэл татам сэтгэлийн үгээ явуулсанд баярлалаа! Доктор Швайтцер (цагаан хоолтон) эмчийн хувиар дахин хүн төрөлхтний төлөө санаа тавьж байгааг мэдэх нь бидний сэтгэлийг хөдөлгөлөө.

Их Багш танд дараах хариу ирүүлснийг сонсоод баяртай байгаарай. “Хайрт Цзу-Лан аа, үнэхээр, Их Багшийн Хүч нь тэд өөрсдийн бие махбодын илрэл эсвэл хийсэн үйл ажиллагааныхаа талаар мэддэг эсэхээс үл хамааран бүх оршнолуудад хэрэгцээ, шаардлагатай цаг үед нь туслахын тулд цаг хугацаа ба орон зайн урсгалын туршид өөр өөр нэмэлт дүр, бие авч, бие махбодын хэлбэрээр илрэн гарч ирж чадна! Зарим нь урьдын дотно холбооны улмаас танд илчлэгдсэн нь сайн хэрэг! Арьяабалын бясалгалыг хичээнгүйлэн, тууштай хийж, өөрийн дотоод ахуй ойлголтоо маш уран яруу дүрслэн хуваалцсанд баярлалаа. Доктор Швайтцер (цагаан хоолтон) үнэхээр олон талт, ухаалаг мөн энэрэнгүй хүн байсан. Түүний Хайр энэ дэлхийд үргэлжлэн гэрэлтэх болтугай. Та болон эрч хүчтэй Тайвань (Формоса) амар амгалан, хөгжил цэцэглэлтээр үүрд адислагдах болтугай. Танд маш их Хайр илгээж байна!”