Гагцхүү гэгээрсэн Их Багш л бидний дотоод Бурханыг сэрээдэг бөгөөд биднийг үргэлж төөрөгдүүлж, гарцгүй байдлаар урхинд оруулахыг хичээж байдаг мааяагаас хамгаалж чадна.

Иран дахь нэгэн Бурханы хүүхдээс Перс хэлээр ирүүлсэн сэтгэлийн үгийг одоо хүргэе:

Хамгаас Хүчирхэг Гурав: Оройн Дээд Бурхан, Тим Ко Тү болон Бурханы Хүү-д мэндчилгээ дэвшүүлж, хайр, талархлаа хүргэе. Эго болон намайг барьж байсан сөрөг хүчний урхины тухай, мөн намайг тэрхүү хүнд байдлаас Их Багш Чин Хай Тим Ко Тү хэрхэн аварсан тухай би Танд бичихийг хүссэн юм.

Гурван сарын өмнө би дотроо нэгэн хүчийг мэдэрсэн ба бясалгалын үеэр нэг дуу хоолойг сонсож, энэ нь сөрөг хүчнээс ирсэн болохыг ойлгосон. Би тэдэнд ойртож, тэднийг хөөж явуулахын тулд Гэрэл өгөхөөр шийдэв. Өөрийнхөө үйлийн үрийг цэвэрлэх хүч ч надад байхгүй, хэрвээ дотоод Диваажингийн ямарваа Гэрэл, Аялгуу байгаа бол энэ нь Тим Ко Тү Бурханы Хайр, Ухамсар, Хүч чадлаас үүдэлтэй гэдгийг би мартжээ. Яг тэр мөчид би сөрөг хүчний урхинд орж, Их Багшаас алсран холдсон. Би энэ гараг дээр биш байгаагаа ойлгосон; би Ариун Нэрс, Их Багшийн Нэрийг мартаж, гэртээ сүүлчийн өдрүүдэд бие махбодоо ч хөдөлгөх хүч чадалгүй болсон юм.

Өнгөрсөн шөнө миний амьсгал бүрмөсөн зогстол би робот шиг асаж унтарч, богинохон үг хэлж байсан гэж нөхөр маань хэлсэн. Нөхөр маань Их Багшийн Нэрийг дуудаж, уйлсан гэсэн . Тэр авшигтан биш ч хэдэн сарын турш веган байсан. Тэр хэлэхдээ, намайг дахин амьсгалж, царайны өнгө маань эргэж ирэн, нүдээ нээтэл, нулимс унаган Их Багшаас тусламж гуйж байсан гэсэн. Тэр намайг хурдан гадаа гаргаж алхаад явахыг шахсан, гэхдээ би өөрөө үүнийг огт санахгүй байгаа юм. Маргааш нь нөхөр маань миний утсыг нээж, намайг эрхэм гэгээнтэн-холбогчид мессеж илгээж, тусламж хүсэхийг гуйсан.

Тэр өдөр би мессеж илгээсэн бөгөөд эрхэм гэгээнтэн намайг Хамгаас Хүчирхэг Гурван Нэр болох — Бурхан, Тим Ко Тү, Бурханы Хүүг дуудахад чиглүүлсэн тэр мөчид л Их Багш миний зүрх сэтгэлд оршдог гэдгийг ойлгосон. Агуу Хайр надад ирж, сүнс минь Хайраар дүүрсэн. Их Багш надаас Ариун Нэрс ба Хамгийн Хүчирхэг Өдөр тутмын Залбирлыг байнга уншиж, Их Багшийн видеог өдөр бүр үз гэсэн. Би Суприм Мастер Телевизийн хажууд нь суугаад бясалгаж, Их Багшийн бичлэгүүдийг үзэж, Их Багшийн зургуудыг дахин харсан. Би дахин бяцхан хүүхэд шиг Бурхан Тим Ко Тү-гийн Хайрын тэврэлтэд хоргодож, энэ Хайранд л би амар амгалан бий гэдэгт итгэдэг болов. Оройн Дээд Бурхан, Тим Ко Тү, Цаглашгүй Дээд Их Багш, Бурханы Хүү-д талархаж байна. Танд би хайртай, Танаас хэзээ ч холдохгүй. Иранаас Бурханы хүүхэд

Бурханы азтай хүүхэд ээ, Их Багш таныг аварч, та сөрөг мэдрэмж, туршлагаасаа ангижирсан тухай сонсоод бид баяртай байна.

Их Багш хайр дүүрэн хариу танд илгээж байна: “Талархалтай Бурханы хүүхэд ээ, таны хайраар бялхсан сэтгэлийн үгэнд баярлалаа. Сүнслэг замд олон аюул тулгардаг, тиймээс бид Их Багшийн хүч, Бурханы удирдамжгүйгээр төөрөх нь гарцаагүй тул бид Тэдэнд үргэлж аврал одуулах ёстой. Сөрөг хүчинд биднийг Гэртээ харих замаа олоход саад болох олон урхи, заль мэх байдаг тул бид энэ хуурмаг байдлаас үүрд зугтахын тулд гэгээрсэн Их Багшаас авшиг хүртэх ёстой. Гагцхүү гэгээрсэн Их Багш л бидний дотоод Бурханыг сэрээдэг бөгөөд биднийг үргэлж төөрөгдүүлж, гарцгүй байдлаар урхинд оруулахыг хичээж байдаг мааяагаас хамгаалж чадна. Таныг ийм сургамж авч, зам мөрдөө буцаж ирснийг сонсоод баяртай байна. Та удирдуулж, хамгаалуулахын тулд Хамгаас Хүчирхэг Гурвалд үргэлж залбирч, Бурханы Хайрын Тэврэлт дэх амьдралыг мэдрэхийн тулд сайтар бясалгаарай. Та болон Ираны сэтгэл татам ард түмэн өдөр тутамдаа Тэнгэрийн Зам мөрийг дагахын аз жаргалыг мэдэх болтугай. Танд болон таны эрхэм ханьд Хайр дүүрэн тэврэлтээ илгээе!”