Арьяабалын бясалгал нь бясалгагчдад, тэдний дотоод ухааныг нээж, тэдэнд хэн болохоо мөнхөд ухаарах, Тэнгэрийг санах боломжийг олгодог. Энэхүү Диваажингийн замаар явдаг сүнснүүд буянтай байдаг.

Канадаас Жианнагийн ирүүлсэн сэтгэлийн үгийг одоо хүргэе:

Эрхэм Гэгээнтнүүд ээ, би Канадын авшигтан билээ. Би гэр бүлийнхэнтэйгээ Коста Рика руу амралтаараа явах үеийн, миний долоон жилийн өмнөх энэ гайхалтай дотоод ахуй ойлголтоо хуваалцахыг хүсч байна. Дотоод ахуй ойлголтондоо, би нэгэн үзэсгэлэнтэй газар байж, буурал үстэй, маш тод Гэрэлтэй Оройн Дээд Бурхантай уулзсан. Тэрээр надаас Төгс Гэгээрсэн Их Багш Чин Хайг хайхыг хүссэн. Тэрээр, Их Багшид тэгшитгэлээр дүүрэн Орчлон ертөнцийн том газрын зурагт оруулах түлхүүр болох гурвалжин эвлүүлгийн нэг хэсэг байгаа бөгөөд цаг нь 12 болж байна хэмээн тооцоолж, байранд нь хийхэд бэлэн гэж хэлэв. Тиймээс би хурдан Их Багшийг хайж олоод, “ Их Багш аа, хэн нэгэн таныг, түлхүүрийн төлөө хайж байна” гэж хэлэв.

Тиймээс тэр түлхүүрийг гаргаж аваад, зөв байранд нь оруулав. Тэр даруй, бүх Орчлон ертөнцийн газрын зураг мянган Нарны Гэрлээр дүүрч, гэрэл нь бүх Сансар, огторгуйгаар тархан гялалзаж, тод гэрэл цацруулж байв. Би ийм үйл явдалд биечлэн оролцсондоо маш их аз жаргалтай байж, сэтгэл хөдөлсөн. Тэгээд Их Багш намайг надаас пончик авч ирэхийг хүсэхэд нь би “Их Багш аа, пончик нь өндөгтэй байдаг” гэхэд Тэр “Зүгээр л ав, энэ нь бэлгэдлийн чанартай, би чамд дараа тайлбарлая” гэж хэлсэн. Одоо би амьдралын тойргийг ойлгож байна. Оройн Дээд Бурхан ба Их Багшаас ийм агуу Адислалуудыг хүлээн авах бидний цаг ирсэн гэж би бодож байна.

Энэхүү гайхамшигтай дотоодын ахуй ойлголтыг гэрчлэх боломжийг олгосон Их Багшдаа, баярлалаа. Би үүнийг хэзээ ч мартаж чадахгүй; энэ үргэлж сэтгэлд минь оршдог. Таны төгсгөлгүй, хязгааргүй Хайранд баярлалаа, үүний төлөө бид маш их талархаж байна. Канадаас Жианна

Бодит байдлыг таньдаг Жианна, та Их Багшийн Хүчний тухай гайхалтай дотоод ахуй ойлголттой байсан бөгөөд үүнийгээ бидэнтэй хуваалцсанд баярлалаа. Та болон байгалиараа хадгалагдсан Канад улс Байгаль Эхийн энэрэн тэтгэгч элбэг өглөгийг үргэлж хүртэх болтугай. Тэнгэрийн Нигүүлсэлд, Суприм Мастер Телевизийн хамт олон

Жич: Их багш танд итгэлтэйгээр хариулж байна: “Сахиусан тэнгэр Жианна, таны захидлыг маш баяртайгаар хүлээн авлаа. Энэ сорилтын, тодорхой бус цаг үед энэхүү дотоод ахуй ойлголт таныг өндөрт өргөсөн нь ямар гайхалтай вэ. Арьяабалын бясалгал нь бясалгагчдад, тэдний дотоод ухааныг нээж, тэдэнд хэн болохоо мөнхөд ухаарах, Тэнгэрийг санах боломжийг олгодог. Энэхүү Диваажингийн замаар явдаг сүнснүүд буянтай байдаг. Бид бясалгал хийх үедээ эсвэл өөр ямар нэгэн байдлаар өөрсдөө Бурханы Мөнхийн Хайранд нээлттэй болох үедээ өдөр бүр Бурхан руу Гэртээ харьдаг. Та болон Канадын эелдэг ард түмэн Тэнгэрлэг мэргэн ухаанд тасралтгүй дэвшүүлэгдэх болтугай. Танд маш их хайртай.”