Дэлгэрэнгүй
Татаж авах Docx
Дэлгэрэнгүй уншаарай
(“Миний таньдаг нэг хүн өвчтэй юм. Би бясалгалаа хийгээд, өөрийгөө сайн дадуулбал өөрийн хүчин чармайлтаар би түүнийг эрүүл болгож чадах уу?”) Та чадна, гэхдээ мөн тэр хүний үйлийн үрээс мөн амьдрах хүсэл зоригоос хамаарна. Гэхдээ нэг хүнийг эмчлэхийн тулд ирж энэ аргыг сурахыг би зөвлөхгүй. Бидний зорилго илүү агуу, илүү эрхэм ариун байх ёстой - өнө мөнхөд үргэлжлэх амьдралын төлөө сүнсээ эмчлэх, дотоодоосоо бүх дэлхийг эмчлэх, учир нь энэ бие бол зуурдынх. Та түүнийг өнөөдөр эмчиллээ ч тэр маргааш ахин өвдөнө. Иймд бид бие дээр төдийлөн их төвлөрдөггүй. Түүнийг амьд байлгахын тулд хангалттай хоол, хувцас, эм өгөхөөс гадна, бид энэ биеийн ард байдаг өөрсдийн Жинхэнэ Би-д илүү их төвлөрөх хэрэгтэй. (“Байгаль орчны талаар асуухыг минь зөвшөөрнө үү. Японд, Дэлхийн 2-р дайнаас хойших 50 жилийн турш бид компаниудыг хөгжүүлж, цэцэглүүлэхийн төлөө уйгагүй ажилласан. Хүн бүр хичээнгүй ажиллаж өнөөдрийн байгаа энд хүрсэн. Гэтэл эргээд харвал диоксин биднийг хордуулах болон бусад төрлийн байгаль орчны бохирдлууд тархаж байгаа зэрэг асуудлуудыг бид харж байна. Япон хүмүүс ийм асуудлуудыг хараагүй мэт байдаг. Одоог хүртэл амьдарсан энэ байдлаар үргэлжлүүлбэл бидэнд ирээдүй бий юу?”) Тийм ээ. Бидэнд ирээдүй бий, гэхдээ ямар төрлийнх вэ? Энэ зөвхөн Японд эсвэл зөвхөн Токиод байгаа биш ээ. Энэ гарагийн олон сайхан хотууд өөрсдийгөө болон тэдний иргэдээ хордуулснаар өвчтэй, согогтой болгож байна. Энэ гарагийн хүмүүс, бас олон хүмүүс хараагүй мэт байдаг, учир нь сэтгэлийнхээ гүнд, мөн тэднийг буруутгахын аргагүй юм. Сэтгэлийнхээ гүнд, амьдрал зуурдын болохыг тэд мэддэг; тэр оролдсон ч үгүй ч үхэх л болно. Иймд тэд асуудлуудыг үл тоогоод өнөөдөртөө баясдаг. Гэхдээ илүү эрүүл байгаль орчинтой байхыг хүсвэл бид бүгд хүчин чармайлт гаргах ёстой. Хувь хүн тус бүр бүх зүйлсээ, ядаж л гарагийг бохирдуулж байгаа зүйлсийг ихээхэн хэмжээгээр танах ёстой бөгөөд агаарыг цэвэршүүлж байгаа, усыг хамгаалж байгаа, байгаль орчныг цэвэрлэж байгаа бүхнийг сурталчлах ёстой. Дэлхийн засгийн газрууд, дэлхийн удирдагчид ямар шинэ бүтээл гарсныг, манай гарагийг хамгаалах шинэ аргыг хүмүүст таниулах ёстой, хүмүүст таниулж, чухалчилж, хөхиүлэн дэмжих ёстой. Байгаль орчныг сайжруулах маш олон арга бий. Харин зарим тохиолдолд, бид өөрчилбөл тухайн улсын аж үйлдвэрлэлтэй зөрчилддөг, мөн бизнес эрхлэгчид заримдаа үүнийг хэрэгжүүлэхийг зөвшөөрдөггүй, ингэвэл тэдний орлогод хохирол учруулна, тэдний санхүүгийн түвшнийг хохироодог, гэх мэт, гэх мэт. Заримдаа. Иймд хүн бүр бидний амьдралд учирч буй аюул, бохирдлын талаар мэдлэгтэй байж хамтдаа ажилладаг, зөвхөн энэ үед энэ боломжтой юм. Хэрэв бид зөвхөн хувийн сонирхолдоо санаа зовбол энэ хэцүү. (“Гэрлэсэн амьдралын аз жаргал, баяр жаргалын талаар ямар бодолтой байдгаа Та хэлж болох уу?) Өө. Би юу гэж боддог вэ гэж үү? Хэрэв сайн бол. Жаргалтай гэр бүл болсон, бие биедээ хайртай бол сайн; энэ сайн. (“Хэрэв авшгийн дараа, их хичээгээд дараа нь чармайлтаа үргэлжлүүлж чадахгүй, авшиг хүртсэнийхээ дараа бүтэлгүйтвэл ахин авшиг хүртэж энэ үйл явцыг олон удаа давтаж болох уу?”) Хоёр удаа авшиг хүртэх шаардлагагүй. Зүгээр л үргэлжлүүлэх хэрэгтэй. Гэхдээ мэдээж ямар ч үед шинэ авшиг явагддаг, та суугаад заавруудыг сэргээн санахыг хүсвэл хэзээ ч болно. (Одоо, миний дотор сүнслэг дадал, бясалгалаа үргэлжлүүлэхийг үнэхээр хүсдэг Жинхэнэ Би байдаг, гэхдээ нөгөө талаас, хуурмаг ертөнцийн араас хөөцөлдөж туршлага бүтээх, жишээ нь энэ дэлхий дээрх ажил, энэ ертөнцийн төлөв байдлаа үргэлжлүүлэхийг хүссэн өөр нэг би байна. Энэ ертөнцийн төлөв байдлаа орхилгүй эдийн засгийн талууд болон сүнслэг талуудыг нийцүүлэх боломжтой юу?”) Тийм, тийм, боломжтой. Би үүнийг хийдэг. Та гэрээ орхих шаардлагагүй, та өмч хөрөнгөө орхих шаардлагагүй. Зүгээр л цаг гарах бүрд дотоод руугаа орж Диваажинд баясаад, буцаж гараад ахиад ажиллана. Энэ дэлхий дээр амьдарч байгаа учир бид өөрсдөдөө, гэр бүлдээ, нийгэмдээ хүлээсэн үүрэгтэй байдаг, иймээс энэ байгаагаараа үргэлжлүүлэн ажиллаж, амьдрах нь зүгээр. Ердөө л бүх дэлхийг мартаж дотооддоо Диваажинд баясах хэсэг хугацааг л гаргах юм. Ердөө энэ, өдөр бүр маш бага цагийг. Тэр нь таныг бүр цэнэглэдэг иймд энэ ертөнцийн ажилдаа буцаж очоод та илүү сайн ажилладаг, илүү эрүүл байдлыг мэдэрдэг, илүү аз жаргалыг мэдэрдэг. (“Дахин төрөл авах талаар Та юу гэж боддог вэ?”) Бид дахин төрөл авах хэрэггүй гэж боддог. Бид энэ амьдралаар төгсгөл болгож ханаас ирсэн тийш буцах ёстой. Photo Caption: Өргөл болгосон таатай бэлэг тань танд буцаж ирнэ
