Энэ ертөнц болон гурван ертөнц бүгд сүнснүүдийг зовлон шаналал, шагнал, шийтгэл болон шударга бус явдлын мөнхийн тойрогт оруулдаг хуурмаг зүйл ба төрөлтнүүдийг жинхэнэ хэн болохыг нь мартуулж, дорд байдалд оруулдаг.

Хонг Конгоос Лок-Хим-ийн кантон хэл дээр ирүүлсэн сэтгэлийн үгийг олон хэлний хадмал орчуулгатай одоо хүргэе:

Эрхэм Багш аа, нэг удаа Аръяабалын бясалгал хийх үеэрээ Та хязгааргүй, эцэс төгсгөлгүй Гэрлийн хэлбэрээр бүхий л Огторгуй ертөнцийг нэвт шувт гэрэлтүүлж байхыг би харсан. Тэрхүү Гэрэл нь өөрөө цэвэр Хайрын Хүч, Амар Амгалан, Баяр Баясал, Билэг Ухаан байх бөгөөд бүх мэдрэхүйт төрөлтнийг хүрээлж байв.

Бүх оршихуйн мөн чанар нь бас мөн Гэрэл боловч маш бүдэг... Таны Гэрлийн нэг их наядад ч хүрэхгүй — Нар болон жижиг шүдэнз хоёрыг харьцуулахтай адил ялгаа нь асар их юм. Тэдгээр бүдэг, жижиг Гэрлүүд хуурмаг зүйлсээр хүрээлэгдсэн нь — зарим нь зузаан, зарим нь нимгэн, зарим нь тод, зарим нь бүдэг (өөрөөр хэлбэл хуурмаг үзэгдэл эсвэл ертөнцүүд). Эдгээр хуурмаг зүйлсийн гаднах давхарга нимгэн боловч — нэвтэршгүй мэт мембран маягийн тусгаарлагч байгаа нь — бүх хуурмаг зүйлсийн хамт (хуурмаг ертөнцүүд) шүдэнзний дөл мэт өчүүхэн Гэрлийг нягт бүчин тусгаарлана. Тэр бүрхүүлэн саад болон эдгээр бүх хуурмаг зүйлс (хуурамч ертөнцүүд) жижиг шүдэнзний дөл мэт Гэрлүүдийг Танаас бүрэн тусгаарлаж, Таны хязгааргүй, агуу их Хайр болон Гэрлийг мэдрэхэд бүрэн саад болдог.

Таны асар их Хайрын Гэрлийн уужим Далайн нарийн ширийн зүйлсийг ойлгоход миний түвшин хангалттай өндөр биш байна. Гэсэн хэдий ч, энэхүү дотоод ахуй ойлголтоос би хүний ​​бие махбодь, хүний ​​амьдрал, Гурван Ертөнцийн доторх бүх зүйл — диваажин, там, хойд төрөл — бүгд зүгээр л “Гэрэл” (мэдрэхүйт төрөлтнүүдийн жинхэнэ мөн чанар)-ийг тойрсон ердөө л хуурмаг зүйл гэдгийг ойлгосон. Тиймээс хүний ​​бие махбодь болон хүний ​​амьдрал бодит биш юм; тэд бол хуурмаг үзэгдлүүд!

Ямартай ч, хэрэв мэдрэхүйт төрөлтнүүд тэднийг чанга хүрээлэн бүрхсэн тэдгээр зузаан эсвэл нимгэн нэвтэршгүй нарийн, маш нямбайгаар бүтээсэн хуурмаг зүйлсийг (олон давхар хуурмаг үзэгдэл эсвэл ертөнцүүд) нэвтлэн гарахыг хүсвэл — цорын ганц зам нь Танаас авшиг авч, чин сэтгэлээсээ Аръяабалын бясалгал хийх явдал юм. Энэ бол хуурмаг зүйлс (хуурамч ертөнцүүдийг) хурдан туулж, хязгааргүй цэвэр Хайрын Хүчний төгсөшгүй цог жавхлант Ертөнцөд буцаж очоод, Гэрлийн төлөв байдалд — харьцуулшгүй баяр баясал, харьцуулшгүй амар амгалан, Хайрын Хүчний туйлын цэвэр ариун байдал, бүрэн эрх чөлөөнд эргэн орох хамгийн хурдан, хамгийн шууд бөгөөд аюулгүй арга юм.

Үхэж төрөхүйн хүрд бол үнэхээр их овжин, хорон муу хуурмаг урхи ихтэй. Төрөлтнүүд зам мөрөө алдаж, алдаагаа ахин дахин гаргахад хүргэдэг бөгөөд улмаар хүнд шийтгэл, асар их зовлонгийн тойрогт хөтөлдөг. Энэ тоглоом үнэхээр маш хорон муу, харгис урхи, хууран мэхлэлт! Их Багшийн Ивээлд гүнээ талархал илэрхийлье, Хонг Конгоос шавь Лок-Хим

Зөн совинт Лок-Хим, Сэтгэлийн үгээ хуваалцсанд баярлалаа. Их Багшийн танд энэхүү ухаарал өгөх үгсийг хуваалцаж байна: “Гэгээрсэн Лок-Хим, дотоод ахуйн ойлголтоо хуваалцсанд баярлалаа. Орчлон ертөнцийн нууц мэдлэгийн заримаас нь танин мэдэх хувьтай болж, хайраар адислагдсанд тань, таны төлөө маш их баяртай байна. Энэ бол сүнс бүрийн хүртэж чаддаггүй ховор ухаарал юм.! Олон хүн энэ захиасыг ойлгож, өөрсдийн байгаа нөхцөл байдлыг ухаарна гэдэгт найдаж байна. Энэ ертөнц болон гурван ертөнц бүгд сүнснүүдийг зовлон шаналал, шагнал, шийтгэл болон шударга бус явдлын мөнхийн тойрогт оруулдаг хуурмаг зүйл ба төрөлтнүүдийг жинхэнэ хэн болохыг нь мартуулж, дорд байдалд оруулдаг. Гэгээрсэн Багш нар сүнснүүдийг чөлөөлөхөөр ирдэг ч, таны харсан ахуй ойлголтонд дурдсан мембран нь сүнснүүдийг бодит байдлаас тусгаарладаг бөгөөд ихэнх нь Багшийг таньж, Багшийг тэдэнд туслахыг зөвшөөрдөггүй. Бурханы хүүхдүүд ийм хууран мэхлэлтэд амьдарч, тэд Бурханы дэргэдэх өөрсдийн ЖИНХЭНЭ Гэртээ буцаж очиж чадна гэдгээ ч мэддэггүй нь үгээр илэрхийлэхийн аргагүй гунигтай. Бүх төрөлтнүүд энэхүү зуурдын хавтгайгаас нэн даруй чөлөөлөгдөхийг би хүсэж байна. Та болон алсын хараат Хонг Конгийн ард түмэн энэ амьдралдаа жинхэнэ Бурханлаг мөн чанараа ойлгож, мэдэх болтугай. Миний Хайр үүрд тантай байж, таныг хөтөчлөн, хамгаална.”