ӨДӨР ТУТМЫН МЭДЭЭ-ний гол тойм – 2025 оны 6-р сарын 27

Швейцар улс Сири улсад тавьсан эдийн засгийн хоригоо цуцалж, худалдаа, сэргээн босголтод илүү их тусламж үзүүлэх замыг нээлээ. (Ройтерс)

Украин, Орос улсууд дайнд олзлогдогсдыг солилцлоо. Солилцсон нарийн тоог зарлаагүй байна. (Ройтерс)

Украины парламент дэлхийн харилцааг бэхжүүлэх, украинчуудыг эх орондоо буцаж ирэх сэдэл төрүүлэх зорилгоор, украинчуудад олон иргэншилтэй болох тухай хуулийн төслийг баталлаа. (Киев Индепендент; Евроньюс)

АНУ Хятад улсаас дэлхийн хамгийн чухал тээврийн замуудын нэг болох Ормузын хоолойг Иран улс хаахаас сэргийлэхийг хүсжээ. (BBC)

АНУ-ын дэд ерөнхийлөгч Ж.Д.Вэнс, Ерөнхийлөгч Трамп хүчирхийллийн үймээний үеэр Үндэсний гвард болон тэнгисийн цэргүүдийг илгээснээр, Лос-Анжелес хотод дэг журмыг сэргээсэн гэж мэдэгдэв. (ФОКС 11 ЛА)

АНУ-аас Израилд суугаа элчин сайд Майк Хакаби, Бурхан АНУ-ын Ерөнхийлөгч Трампыг “хамгийн үр дүнтэй Ерөнхийлөгч” болгохын тулд өршөөсөн гэжээ. (Анадолу Ажанси)

АНУ-ын үйлчилгээний ажилтнууд Ерөнхийлөгч Трампын гэрт хүргэх үйлчилгээний цалинг нэмэгдүүлэхээр "ЦАЙНЫ МӨНГӨНД ТАТВАР ТӨЛӨХГҮЙ" хэмээх төлөвлөгөөг өргөнөөр дэмжжээ. (WhiteHouse.gov)

Ерөнхийлөгч Трампын засаг захиргаа хүчирхийлэл үйлдсэн хууль бус цагаачдыг түүхэн дээд хэмжээгээр албадан гаргаж буйгаа мэдэгдлээ. (WhiteHouse.gov)

АНУ-ын Ерөнхийлөгч Трамп АНУ-ын үндэсний аюулгүй байдлын төлөө шаардлагатай татварыг бууруулах, хилийн хатуу бодлого хэрэгжүүлэхийн тулд Сенатад "Нэг том сайхан хуулийн төсөл"-ийг нь батлахыг уриалав. (WhiteHouse.gov)

Ерөнхийлөгч Трампын засаг захиргаа хорт бодис асгарсны дараа [АНУ-ын Охайо мужийн] Зүүн Палестин тосгоны оршин суугчдад зориулж 10 сая ам.долларын эрүүл мэндийн судалгаа эхлүүллээ. Байдены засаг захиргаа үүнийг шийдвэрлэхээс "татгалзсан юм." (Фокс Ньюс)

АНУ-ын Ерөнхийлөгч Трамп 2020 оны сонгуулийг Ардчилсан нам луйвардсан хэргийг дахин шалгах тусгай прокурор томилохыг шаардлаа. (Альжазира)

Бүгд Найрамдах Чех Улс гепатитын А-ийн дэгдэлтийн ирмэг дээр байна. Европын Өвчний хяналт, урьдчилан сэргийлэх төвөөс эмзэг бүлгийн иргэдэд үхэлд хүргэж болзошгүй өвчний эсрэг вакцинд хамрагдахыг уриалжээ. (Expats.cz)

Нүдний судлаачид КОВИД-19-ийн цар тахлын дараа хүүхдүүдийн дунд астигматизм [нүдний хэлбэрийг гажуудуулж, бүрэлзүүлдэг] өвчний хүндрэл, тархалт нэмэгдэж байгааг мэдээлж байна. (Оптометри Өнөөдөр)

Шувууны ханиадны H5N1 вирус нь хүний ​​дархлааны тогтолцооноос зайлсхийх ухаалаг стратеги боловсруулж, тахлын эсрэг санаа зовнил төрүүлж байгааг ХОУ [хиймэл оюун ухаан]-ы шинэ дүн шинжилгээ харуулав. (Бао Туой Тре)

Франц: Сент-Квентин хотод нэг охин нас барж, өөр хэд нь хоолны хордлогын улмаас эмнэлэгт хүргэгдсэний дараа дөрвөн махны дэлгүүр хаагджээ. Ээжүүд тун их санаа зовж буй бөгөөд нэг ээж: "Би хоолны дэглэмээ бүхэлд нь өөрчилсөн, дахиж мах идэхгүй.” гэж хэлжээ. (BBC; TF1 INFO)

Шинэ судалгаагаар нярай хүүхэд энэ нь юу гэсэн утгатайг ойлгохоосоо өмнө өвдөлт мэдэрдгийг харуулав. Өмнөх судалгаанд тогтоосноор дутуу нярай хүүхэд өвдөлтөд мэдрэмтгий байдаг нь тархины хөгжлийн ялгаатай байдлаас шалтгаалдаг аж. [эхийн хэвлийд байгаа нярай хүүхэд хүчтэй мэдрэмжтэй байдаг ч түүнийг зохицуулах чадваргүй байдаг тул өвдөлтөд хамгийн мэдрэмтгий байж болзошгүйг харуулж байна.] (Earth.com)

Нидерланд улс 15-аас доош насны хүүхдүүдэд сэтгэцийн эрүүл мэнд, онлайн аюулгүй байдлын үүднээс олон нийтийн сүлжээ ашиглахгүй байхыг зөвлөж, дэлгэцийн цагийг хязгаарлах, гадаа биеийн тамирын дасгал хийхийг санал болгов. (VTV)

Хятадын мэргэжилтнүүд 30 минутаас дээш хугацаагаар түр нойрсох нь ялангуяа өндөр настнуудад бодисын солилцооны синдром, цус харвалт, зүрхний өвчин, Альцгеймер, нойргүйдэл, архаг ядаргааны эрсдэлийг нэмэгдүүлдэг гэж үзэж байна. Үүний оронд 15-30 минутын турш дугхийхийг зөвлөж байна. (Бао Лао Дон)

Судалгаагаар хөгшрөлтийг түргэсгэдэг өдөр тутмын 8 дадлыг илрүүллээ: 1) Ус хангалттай уухгүй байх. 2) Хэт их ажиллах. 3) Хөдөлгөөний дутагдал. 4) Чихэвч хэт их хэрэглэх. 5) Унтахынхаа өмнө шүдээ угаахгүй байх зэрэг амны хөндийн эрүүл ахуй муу байх. 6) Нүүрний будагтай унтах. 7) Утас, зурагт, компьютер зэрэг дэлгэцийн хэт их хэрэглээ. 8) Сөрөг сэтгэлгээ.

Шийдэлд: Сайн унтах, эрүүл хооллох, дасгал хөдөлгөөн хийх, сэтгэцийн эрүүл мэнддээ анхаарах, архи/тамхинаас зайлсхийх, эерэг байх багтаж байна. (Туой Тре)

Их Британийн эрдэмтэд зүрхний дутагдлын сэрэмжлүүлэх шинж тэмдгийг илрүүлж, амь насыг аврах урьдчилан сэргийлэх боломжтой гэрийн хөлийн сканнер бүтээжээ. (Сайн мэдээ сүлжээ)

Үслэг нөхөд: Хятад улс даяар сэтгэцийн эрүүл мэндийн эмчилгээнд эмчлэгч амьтан-хүмүүс үүрэг гүйцэтгэх нь нэмэгдэж байна гэж мэргэжилтнүүд хэлэв. (Азийн мэдээ сүлжээ)

Эдгээр 3 төрлийн дасгал нь ямар ч насны хүний ​​тархины эрүүл мэндийг сайжруулдгийг судалгаагаар тогтоов: 1) Иог 2) Тай Чи 3) Дасгалын тоглоомууд [Nintendo Wii Sports, Dance Dance Revolution, виртуал бодит фитнес тоглоомууд зэрэг дасгалын тоглоомууд] (Health.com)

[Вьетнамын] Тайнюэнь аймаг аадар борооны улмаас үерт гүн автаж, хүмүүс дээвэр дээр авиран гарч, тусламж дууджээ. (Бао Туой Тре)

Өмнөд Африкт Зүүн Кейпийн бүс нутагт үерийн улмаас амиа алдагсдын тоо 92-д хүрч, улсын хэмжээнд онц байдал зарлалаа. (ABC)

АНУ-ын Аляска мужид алслагдсан бүс нутгуудад нийлүүлэх амин чухал зам болох Далтоны хурдны зам үерт сүйдсэний дараа гамшгийн онц байдал зарлажээ. (Фэйрбанкс KTVF)

АНУ-ын цаг агаарын сэрэмжлүүлэг: Торнадогийн анхааруулга, хүчтэй шуурга, хэт халалт нь өнгөрсөн долоо хоногт хэд хэдэн мужид нөлөөлжээ. (Таймс оф Индиа)

Их Британид өнөөг хүртэлх жилийн хамгийн халуун өдөр бүртгэгдэж, 32.2ºC хүрч, халалттай холбоотой эрүүл мэндийн шар түвшний сэрэмжлүүлгийг зарлав. (ITV Ньюс)

Өнгөрсөн долоо хоногт үер, аадар борооны улмаас Хятадын өмнөд нутгаас 70,000 хүнийг нүүлгэн шилжүүлжээ. (Анадолу Ажансы)

“Би үүнийг анх удаа л ингэж муугаар харж байна”: [АНУ-ын Нью-Йорк мужийн] Рочестер хотын бүс нутагт саяхан болсон гэнэтийг үерт нутгийн иргэд ийм хариу үйлдэл үзүүлж байна. (WHAM)

АНУ-ын баруун дундаас зүүн хойд нутгийг хамарсан хүчтэй халууны давлагаа нь 110°F [43°C] дулааны индексэд хүрч, 160 сая гаруй хүнд нөлөөлж байна. (CBS)

[АНУ-ын] Хойд Дакота мужид хар салхинд гурван хүн амь үрэгдсэн бол Миннесота мужид хүчтэй шуурганы улмаас байшингууд эвдэрч, мод нурж, цахилгаан эрчим хүчний хангамж тасалджээ. (CBS)

Дүн шинжилгээ: АНУ-ын Мичиган мужид уур амьсгалын өөрчлөлтөөс үүдэн халалт, чийгшил нэмэгдэж, шуурганы аюултай давлагааг авчирч, халуун давлагааны давтамж, ус ихсэх эрсдэл нэмэгдсээр байна. (Детройт Чөлөөт Пресс)

Францын өмнөд хэсэгт Сахарын тоос болон Канадын түймрийн утаа нь холимог агаарын ноцтой бохирдол үүсгэж, Марсель хотын агаарын чанар түвшнийг эрүүл мэндэд сөрөг болгож байна. (Дэлхийн дуу хоолой)

Уур амьсгалын өөрчлөлт нь Их Британийн энэ долоо хоногийн халуун давлагааны гол буруутан байсан бөгөөд үүнийг 100 дахин ихэсгэх магадлалтай байна гэж эрдэмтэд анхааруулав. (Индепендент)

Хэрэв AMOC [Атлантын далайн гол урсгал болох Атлантын далайн уртраг дагуух эргэх урсгал] сүйрвэл, дэлхий дулаарч буй ч Европ тивд илүү хүйтэрч, өвлийн гүн хүйтрэлтэй тулгарч болзошгүйг судалгаагаар тогтоожээ. Өмнөх судалгаагаар, AMOC нь 2025-2095 оны хооронд, хамгийн их магадлалт хугацаа нь 2057 онд, 95%-ийн магадлалтайгаар устаж болзошгүй байна. (DownToEarth)

Атлантын далайгаас нээсэн хүйтэн цэг нь далайн нэн чухал AMOC [Атлантын далайн уртраг дагуух эргэх урсгал] далайн урсгал суларч буйг илтгэж, энэ нь дэлхийн уур амьсгалд хүндрэл учруулж болзошгүйг судалгаагаар анхааруулж байна. (Earth.com)

Уур амьсгалын хямралыг шийдвэрлэх зорилгоор дэлхийн нислэгийн тийзэд ногдуулсан татвар нь 100 тэрбум гаруй еврогийн хөрөнгө босгож болохыг судалгаагаар тогтоов. (Гардиан)

Канадын тал хээр болон АНУ-ын баруун дундад бүс нутагт улаан буудай, эрдэнэ шишийн ургац уур амьсгалын өөрчлөлтөөс үүдэн 2100 он гэхэд хамгийн их алдагдал хүлээж магадгүй бөгөөд энэ нь дэлхийн хэмжээнд хүнсний гол нэрийн барааны ургацын үйлдвэрлэлд заналхийлж байна гэж эрдэмтэд анхааруулжээ. (CBC)

Ган гачиг, зах зээлийн муу нөхцөл байдлын улмаас улаан буудайн тариаланчид тэмцэлдэж буй тул Америкийн гол нутагт "халиуран шаргалтах тариа” багасаж байна. (Ройтерс)

Уур амьсгалын өөрчлөлт, эрс тэс цаг агаар нь [АНУ-ын] Мэн муж дахь түүхэн гэрэлт цамхгуудыг сүйтгэж байна гэж эрдэмтэд анхааруулжээ. (Арт Ньюспэйпер)

Эрдэмтэд Оманы доороос "сүнсэн багана" гэгддэг халуун чулуулгийн нуугдмал баганыг олжээ. Энэ нь газрын хөрсний түвшнийг дээшлүүлж, дэлхийн гадаргууг өөрчилж болзошгүй юм. (Earth.com)

Дэлхийн анаашны өдөр [жил бүрийн 6-р сарын 21-ний өдөр]-өөр Африк тивд тоо толгой нь буурч буй анааш-хүмүүсийг аврахын тулд яаралтай арга хэмжээ авахыг уриаллаа. (Earth.com)

Чилийн усан доорх нэн чухал хүрэн замгийн ойд уул уурхайн олборлолт, далайн дулаарлын аюул заналхийлж буйг судалгаагаар анхааруулжээ. (Ройтерс)

Дэлхийн ашгийн бус Greenpeace байгууллага [Иран, Оман, Арабын Нэгдсэн Эмират улсын ойролцоох] Ормузын хоолойн орчимд газрын тос тээвэрлэгч 2 хөлөг онгоц мөргөлдсөнөөс үүдэн их хэмжээний газрын тос асгарсныг хиймэл дагуулаар илрүүлсний дараа байгаль орчны болзошгүй гамшгийн талаар анхааруулав. (AP)

Уур амьсгал дулаарч буйн улмаас Хойд туйлын хүлэрт намгархаг газар [ойн намаг, голын намаг, гэх мэт] тэлж буйг судалгаа харуулав. (Phys.org)

Их Британи: Уур амьсгалын хямралын үр дагавар болох ган гачиг, шумуулаар дамждаг Усуту вирус нь хайрт хар хөөндэй-хүмүүсийн оршин тогтнолд заналхийлж байна. (Гардиан)

Эрдэмтэд [АНУ-ын Луизиана мужийн] Маурепас нуур дахь хорт металлын хэмжээ сэрэмжлүүлэх түвшинд хүрснийг тогтоов. Энэ нь хүрээлэн буй орчны эрүүл мэнд, ойр орчмын зэрлэг амьтан-хүмүүс, хүмүүст учирч болзошгүй эрсдэлийн тухай санаа зовнилыг нэмэгдүүлж байна. (Арканзасын Өмгөөлөл)

[АНУ-ын] Хойд Техасын амьтан-хүн аврах газрын эзнийг эзэмшил газраас нь "эмгэнэлтэй нөхцөл”-д орсон 66 амьтан-хүнийг олсны дараа баривчилжээ. (ФОКС 4)

[АНУ-ын Калифорнийн] Ирвин хотын амьтан-хүний сургагч багш болон түүний найз бүсгүйг 10 нохой-хүний нас барсан хэрэгт холбогдуулан баривчилжээ. (Лос-Анжелес Таймс)

[АНУ-ын Миссисипи мужийн] Язу тойрогт нэг эрэгтэй нохой-хүнийг зодож буй цочирдом видео бичлэг ил болсны дараа түүнийг амьтан-хүнд харгис хандсан хэргээр баривчлав. (Даркхорз Пресс)

АНУ: Фэйрлайф сүү болон Далласт төвтэй сүүн бүтээгдэхүүн нийлүүлэгч үнээ-хүмүүст хүнлэг ханддагийг сурталчилсан бол нууцаар авсан бичлэгт тэдэнд "жигшмээр хэрцгий” хандаж буйг батлан харуулсан улмаас залилангийн хэрэгт дахин буруутгагдаж байна. (Даллас Ньюс)

Хонг Конг: Хятадын 68 настай эрийг Сун Ят Сений дурсгалын цэцэрлэгт хүрээлэнд амьтан-хүмүүст харгис хэрцгий хандсан хэргээр баривчилжээ. (Димсум Дэйли)

Lucky Two Times амьтны дархан цаазат газар нь [АНУ-ын] Техас мужийн ард иргэдэд амьтан-хүмүүст харгис хэрцгий хандахын эсрэг тэмцэхэд туслахыг уриалж, орон нутгийн амьтан-хүмүүсийн сайн сайхны төлөөх хүчин чармайлтыг дэмжиж байна. (Форт Стоктон Пионер)

Литвийн анчид нийслэл Вильнюс хотын орчимд хоёр өдөр зугаалсан баавгай-хүнийг засгийн газар тодорхой нөхцөл байдалд буудаж хөнөөхийг тэднээс хүссэн ч алахаас татгалзаж, түүнийг хотод аюулгүй амгалан хэвээр үлдээсэн байна. (Гардиан)

АНУ: Орон нутгийн болон муж улсын түвшинд гялгар уутыг хориглосон нь Америкийн эргийн шугамыг цэвэрлэхэд тусалж байгааг судалгаагаар тогтоов. (Хилл)

АНУ-ын сансрын агентлаг НАСА Дэлхийн ихэр гараг Сугар нь дэлхий шиг хөдөлгөөнт тектоник хавтангууд хомс ч газрын гадаргуу нь дээшилж, тэлж, доош суудаг учраас геологийн хувьд үхээгүй болохыг илрүүлжээ. (Earth.com)

Австралийн богон эрвээхэйнүүд Сүүн зам дахь оддыг GPS [дэлхийн байрлал тогтоох систем] болгон, жил бүр 1000 км нисдэг нь тэднийг байгалийн хамгийн жижиг одон орон судлаачид болгож болохыг шинэ судалгаагаар тогтоов. (ZME Шинжлэх ухаан)

АНУ: MIT [Массачусетсийн Технологийн Их Сургууль]-ийн цонхны хэмжээтэй шинэ төхөөрөмж нь цөлд хүртэл хуурай агаараас ундны ус татаж байна. (СкайТехДэйли)

[Их Британийн] Шеффилдийн Их Сургуулийн ус дамжуулах хоолой дотор явдаг шинэ бичил роботууд газар доорх усны алдагдлыг ухахгүйгээр засах найдвар төрүүлж байна. (Сонирхолтой инженерчлэл)

Судалгаанаас үзэхэд загас-хүмүүс урьд өмнө төсөөлж байснаас илүү ухаалаг байгаа нь тэдний байгалийн орчинд хөгжих боломжийг олгодог дэвшилтэт сэтгэхүй, оюуны уян хатан чанарыг харуулж байна. (СкайТехДэйли)

Судлаачид манай галактикийн төв хар нүх болох Sagittarius A* нь "хамгийн дээд хурд"-тай ойролцоо хурдаар эргэлдэн, дэлхий рүү чиглэж байгааг илрүүлсэн нь манай гаригт сөргөөр нөлөөлж буй хүчтэй цацрагийн талаар санаа зовнилыг нэмэгдүүлж байна. (Бао Нгой Лао Дон; Space.com)

Мексикийн эрх баригчид өмнөд Чьяпас мужид худалдагдсан 3400 яст мэлхий-хүний зулзагыг аварчээ. (Франц 24)

АНУ-ын Өмнөд Каролина мужид энэ оны хамгийн том үрчлэх арга хэмжээ болох Petco Love Pick Me! SC нь 2,500 нохой-, муур-хүнд хайрлах гэр орон олохыг зорьж, муж улсад амьтан-хөнөөдөггүй муж болох амлалтаа биелүүлэхэд нь тусалж байна. (WCIV)

Дүн шинжилгээ: Веган хооллолт нь эрүүл мэнд, ёс суртахуун, байгаль орчны тогтвортой байдлын гурвалсан шийдэл болж ахиц дэвшил гарч байна. (ABНьюсвайр)

Лондон хот нь Их Британийн нохой-хүнд хамгийн ээлтэй ажлын байрны бүс гэдгээрээ тэргүүлдэг, албан газруудын бараг дөрөвний нэг нь нохой-хүнд ээлтэй орчныг дэмжих тодорхой бодлоготой байдаг гэж Кеннел Клуб мэдэгджээ. (Сайн мэдээний шуудан)

[АНУ-ын] Баруун Виржиниа мужийн нийгмийн бүлэг Охайо мужийн Амьтны асрах газрыг үерт автсаны дараа хангамжаар хангахын тулд хамтран ажиллаж байна. (WTOV9)

[АНУ-ын Невада мужийн] Лас Вегас хотын Tacotarian хэмээх веган сүлжээ нь 2024 оны шилдэг 100 түргэн хоол-энгийн рестораны жагсаалтад багтсан бөгөөд улс даяар өргөжин тэлэхээр төлөвлөж байна. (X1075)

Европын парламент ЕХ-ны улс орнуудад нохой-, муур-хүмүүсийг хамгаалах түүхэн хамгааллын журмыг баталлаа. Үүнд заавал бичил чип суулгах, гэрийн тэжээвэр амьтан-хүмүүсийн дэлгүүрт худалдаалахыг хориглох зэрэг багтаж байна. (Анима Натуралис)

Балбын зохиолч Рагу Адитъя (веган) [Балбын] Катманду хотод “Шакахар: Таркадхар” ["Вежетарианизм/Веганизмын зөвтгөл"] хэмээх шинэ номоо гаргаж, веган амьдралыг судалгаанд суурилсан ойлголтоор хамгаалж, амьтан-хүний эрхийн ёс зүйг хөндсөн байна. (Дэвшиж буй Балба)

VegOut сэтгүүл веган дижитал нүүдэлчдэд зориулсан хямд өртөгтэй шилдэг 10 газрыг нэрлэв. Эдгээр нь эрүүл амьдрах, үр бүтээлтэй ажиллах, мөн ургамалд суурилсан хоол хүнсийг хааны ёсоор хүртэхэд тун тохиромжтой. 1) Тайландын Чианг Май, 2) Португалын Лиссабон, 3) Индонезийн Бали, 4) Гүржийн Тбилиси, 5) Мексикийн Мехико, 6) Унгарын Будапешт 7) Вьетнамын Хо Ши Мин, 8) Индонезийн Жангү 9) Колумбын Меделлин, 10) Польшийн Краков (VegOut)

Дэлхий даяар өрнөж буй веган хооллолтод шилжих шилжилт зүгээр нэг чиг хандлага бус, тогтвортой байдал, эрүүл мэнд рүү тэмүүлсэн дэлхий нийтийн хөдөлгөөнийг илтгэх 10 тоон баримт: 1) Зах зээлийн өсөлт: Дэлхийн веган хүнсний зах зээл 2035 он гэхэд 30 тэрбум ам.долларт хүрнэ гэж тооцоолж байна. 2) Уян хатан хооллолт: Хүмүүсийн 42% нь уян хатан хооллолттой [амьтан-хүний гаралтай хоолыг хязгаарлах] гэж тодорхойлсон нь 5 жилийн өмнөхөөс 26%-иар өссөн байна. 3) Ургамлын сүүний түгээмэл байдал: 2023 онд АНУ-ын нийт өрхийн 40.6% нь ургамлын сүү худалдаж авчээ. 4) Уураг орлуулагчийн борлуулалт: 2030 он гэхэд 36.2 тэрбум ам.долларт хүрэхээр байна. 5) Засгийн газрын хөрөнгө оруулалт: Дэлхийн засгийн газрууд уургийн хувилбарын судалгаа, боловсруулалтад зориулж 2.1 тэрбум ам.доллар амлажээ. 6) Хүлэмжийн хийг бууруулах боломж: Хүнсний хэрэглээг ургамлын гарал руу шилжүүлснээр дэлхийн нийт хүлэмжийн хийг 32%‑иар бууруулах боломжтой. Бүрэн веган хооллолт үүнээс ч ихээр бууруулна. 7) Газар ашиглалт: Веганизм нь хөдөө аж ахуйн газрыг 75%‑иар чөлөөлөх боломжтой. Энэ нь Австрали, Хятад, ЕХ, АНУ‑ын нутгийг нийлүүлсэн хэмжээтэй тэнцэнэ. 8) Веган хүн амын өсөлт: 2025 он гэхэд Их Британийн хүн амын 6.4 хувь нь веган болох төлөвтэй байна. Энэ нь 2019 оныхоос хоёр дахин өссөн үзүүлэлт юм. 9) Овьёосны сүүний борлуулалт: Oatly компани 2024 оны III улиралд 141 сая литр овьёосны сүү борлуулсан нь 2023 оны мөн үетэй харьцуулахад 13%-иар өссөн байна. 10) Хөрөнгө оруулалтын итгэлцэл: Уургийн хувилбарт оруулсан хувийн хөрөнгө оруулалт нь 2024 онд 1.1 тэрбум ам.долларт хүрчээ. (VegOut)

Өдрийн ухаарал хайрлах эшлэл: “Хорвоогийн зүйлсийг сонирхдог хүмүүсийн дотор зовлон зайлшгүй оршдог. Хэрэв тэдэнд зовлон байхгүй байсан бол тэдгээр зүйлд ташуурахгүй байх байсан.” - Хүндэт Гэгээрсэн Эзэн Махавира (веган)