ӨДӨР ТУТМЫН МЭДЭЭ-ний гол тойм – 2025 оны 9-р сарын 7

Оросын довтолгоо үргэлжилсээр байгаа тул Харьков хотод ойролцоогоор 17,000 украин (урейн) хүүхэд шинэ хичээлийн жилийг газар дор эхлүүллээ. (Ройтерс)

Ихэнхдээ Венесуэлээс ирсэн 14,000 гаруй цагаач АНУ руу явахаа больж, буцсан бөгөөд энэ нь Ерөнхийлөгч Трампын хилийн хатуу бодлоготой холбоотой. (Фокс Ньюс)

АНУ-ын Ерөнхийлөгч Трамп “Америкийг нэгдүгээрт” хөтөлбөрийнхөө хүрээнд шинэ ялалтаа тэмдэглэж байна. Үүнд: + Гаалийн татварын орлого 8-р сард 31 тэрбум ам.долларт хүрч, энэ онд нийт 158 тэрбум ам.доллар болсон нь өнгөрсөн жилийнхээс 2.5 дахин их байна. + Ерөнхийлөгч Трампын албан өрөөнд нь эргүүлэн ирүүлэх зарлигийн дараа холбооны албан хаагчид албан газартаа ажиллах нь эрс нэмэгдэж, орон нутгийн эдийн засаг, ажиллах хүчний эв нэгдлийг нэмэгдүүлэв. + Хилийн хамгаалалт бэхжиж, Төв Америкаас хойд зүг рүү чиглэсэн шилжилт хөдөлгөөн 97%-иар, асран хамгаалагчгүй хүүхэд хилээр нэвтрэх нь өнгөрсөн жилийнхээс 93%-иар буурлаа. (WhiteHouse.gov)

АНУ-ын барааны инфляц бусад орнуудынхаас доогуур байгаа бөгөөд 1-р сард Ерөнхийлөгч Трамп албан тушаалдаа орсноос хойш Америкийн нийт инфляц мэдэгдэхүйц удааширч байгааг шинэ мэдээлэл харуулж байна. (WhiteHouse.gov)

Ерөнхийлөгч Трамп АНУ-ын Сансрын командлалыг [АНУ-ын Алабама мужийн] Хантсвилл рүү нүүлгэн шилжүүлэхээ баталгаажуулсан бөгөөд энэ нь батлан хамгаалахын хөгжил, пуужингийн эсрэг хамгаалалтын “Алтан бөмбөгөр” хөтөлбөрийг дэмжих юм. (Бүгд Найрамдах нам - Алабама гаралтай) сенатор, Томми Тубервилл энэ шийдвэрийг дэмжиж, татвар төлөгчдөд 480 сая ам.долларын хэмнэлт авчирна гэж мэдэгдэв. (Нью-Йорк Пост)

АНУ-ын Ерөнхийлөгч Трамп Вашингтонд томоохон амжилт гаргасны дараа гэмт хэрэгтэй тэмцэх ажиллагааг үргэлжлүүлэн, Үндэсний гвардийг Чикаго руу илгээх ажээ. (Фокс Ньюс)

Ерөнхийлөгч Трамп эмийн компаниудаас КОВИД-19 вакцины талаарх мэдээллийг олон нийтэд мэдээлэхийг шаардаж, тэдний үр дүнтэй байдлын талаарх засгийн газрын маргаан АНУ-ын Өвчний хяналт, урьдчилан сэргийлэх төвүүдийг “хагалан бутаргаж” байна гэж мэдэгдэв. (Нью-Йорк Пост)

АНУ-ын Ерөнхийлөгч Трамп Нью-Йорк хотын дарга асан, [Бүгд найрамдах намын] Руди Жулианиг Ерөнхийлөгчийн эрх чөлөөний одон буюу АНУ-ын иргэний хамгийн дээд өргөмжлөлөөр шагнаж, түүнийг “агуу эх оронч”, “Нью-Йорк хотын түүхэн дэх хамгийн агуу хотын дарга” хэмээн нэрлэлээ. (Аль Жазира)

АНУ-ын Хууль зүйн яам Иллинойс мужийг хууль бус цагаачдад оюутны санхүүгийн тусламж үзүүлж байгаа нь АНУ-ын иргэдэд шударга бус, цагаачлалын бодлогод хортой гэж үзэн шүүхэд өгөв. (Фокс Ньюс)

Судлаачид дэлхийн хамгийн олон зуун настнуудын [100-аас дээш настнуудын] бүс нутаг болох Цэнхэр бүсэд өдөр бүр иддэг 5 веган хоолыг онцолж байна. Эдгээр хоол хүнс нь биеийг залуужуулж, цусан дахь сахарын хэмжээг тогтворжуулан, жингээ хэвийн хэмжээнд барихад тусалдаг урт наслах генийг идэвхжүүлдэг: 1) Далайн замаг Эслэг, омега-3, гол амин дэм, эрдэс бодисоор баялаг Японы энэхүү нэмэлт нь цусан дахь сахарын хэмжээг тогтворжуулж, хоол боловсруулах, турах, дархлааг сайжруулахад тусалдаг. 2) Гашуун хулуу Япончууд хуурсан хоолонд өргөнөөр хэрэглэдэг. Цусан дахь сахар, холестериныг бууруулж, бөөрийг дэмжин, витамин К-ээр баялаг тул эрүүл мэндэд сайн. 3) Амтат төмс Антиоксидант, эслэг, нийлмэл нүүрс усаар баялаг тул цусан дахь сахарын хэмжээг тогтворжуулж, үрэвслээс хамгаалан, удаан хугацаанд эрч хүчтэй байлгадаг. [Японы] Окинавагийн 100 настай залуучуудын өдөр тутмын гол хоол. 4) Навчит ногоонууд (буржгар байцай, гичийн навч, багваахай гэх мэт)

Фолат, витамин К, кальциар баялаг тул зүрхний эрүүл мэндэд сайн, ясыг бэхжүүлж, хоол боловсруулалтыг дэмждэг. Газар дундын тэнгисийн цэнхэр бүсэд бараг өдөр бүр иддэг. 5) Буурцагт ургамал (ялангуяа шар буурцаг, сэвэг зарам, ангаахай шош)

Цэнхэр бүсийнхний голлох хүнс. Уураг, эслэг, ургамлын хамгаалалтын нэгдлүүд ихтэй тул холестериныг бууруулж, гэдэсний эрүүл мэндийг сайжруулан, насжилттай холбоотой өвчнөөс хамгаалдаг. (Khoahoc.tv; Business Insider)

Их Британийн эмийн компанийг үндэслэгч Бхарат Шах (веган) веган хооллолт чихрийн шижин өвчнийг нь эдгээж өгсөн гэж мэдэгджээ. Тэрээр малын мах, сүүн бүтээгдэхүүнийг дэлхий даяарх хорт хавдар, дархлааны тогтолцооны өвчний өсөлттэй холбон тайлбарласан байна. (Ургамалд суурилсан мэдээ)

АНУ: Калифорнийн 100,000 орчим хүн Чагасын өвчин туссан байж болзошгүй гэж үзэж байна. Энэ нь “үнсэлтийн хорхой” [хүмүүсийн амны эргэн тойронд хооллодог хорхой]-гоор тархдаг үхэлд хүргэдэг шимэгч өвчин юм. Тэдгээр нь зүрхний шигдээс, цус харвалт, эсвэл бусад хүнд өвчин үүсгэхээс өмнө олон жилийн турш унтаа байдалд байж болдог ажээ. (The Independent)

[Энэтхэгийн] Шинэ Дели: Ямуна мөрөн аюулын түвшнийг давж үерлэсний улмаас дор хаяж 5 хүн нас барж, 10,000 орчим хүнийг нүүлгэн шилжүүлэв. (Ройтерс)

Канадын баруун хойд нутагт гарсан ой хээрийн түймрийн улмаас 1000 гаруй хүн дүрвэхэд хүрч, одоогоор тэнд 650 гаруй түймэр дүрэлзэж байна. Энэ нь Арктикийн хурдтай дулаарлын улмаас улам дордож буй аж. (Phys.org)

Бразилын судалгаагаар Амазоны ширэнгэн ойн сүйрэл борооны хэмжээ 75 хувь хүртэл буурахад нөлөөлжээ. Учир нь мод цөөрөх тусам хөрснөөс агаар мандалд ус дамжуулах үйл явц суларч, улмаар экосистем болон тариалангийн талбай онцгой аюулд өртөж байна. (Phys.org)

Метан хийн ялгаруулалт тасралтгүй өссөөр байгаа бөгөөд энэ нь голчлон үйлдвэр, амьтан-хүмүүсийн махыг хэрэглэх явдал, бусад бохирдуулагчаас үүдэлтэй. Эрдэмтэд хүмүүс болон засгийн газруудыг махны хэрэглээг бууруулахыг уриалж байгаагийн шалтгаан нь метан нь нүүрстөрөгчийн давхар ислээс даруй 80 дахин хүчтэй дулаарал үүсгэгч хий хэмээн тооцогддогт оршино. (Phys.org)

Германы эрдэмтэд Антарктидын замаг дэлхийн дулаарлыг тогтоон барьдаг үүргээ алдсаар, устах аюул нүүрлэсэн нь далайн нүүрстөрөгч шингээх чадварыг бууруулж, тэнгисийн хүнс тэжээлийн сүлжээг эвдэх замаар дэлхийн дулаарлыг хурдасгаж болзошгүй анхаарууллаа. (Earth.com)

[АНУ-ын] Нью-Йоркын нэгэн эр туулай-хүний амийг хөнөөсөн хэрэгт буруутгагдаж, “амьтанд харгис хандах” ялд холбогдож, буруутай нь тогтоогдвол 5 жил хүртэл хорих ялаар шийтгэгдэж магадгүй. (Mid-Hudson News)

АНУ-ын OpenAI компани өөрийн хиймэл оюун ухааны чатбот ChatGPT-д эцэг эхийн хяналтын функцийг нэмж, ингэснээр насны хязгаар тогтоох, сэтгэлийн зовуурийг хянах, санах ойг удирдах боломжтой боллоо. Энэ шийдвэрийг ChatGPT-ийн буруу итгэл үнэмшлийг баталгаажуулан, өөрийгөө гэмтээхтэй холбоотой олон зуун зурвас хүлээн авсны дараа 16 настай хүү амиа хорлож, 56 настай эрэгтэй ээжтэйгээ хамт амиа хорлосон зэрэг хэд хэдэн эмгэнэлт явдал болсны дараа гаргажээ. (Сонирхолтой инженерчлэл)

Европын холбоо нь Чех, Дани, Португал зэрэг бүс нутгийн түншүүдийг нэгтгэн Европ даяар ургамлын гаралтай хүнсний бүтээгдэхүүнийг сурталчлахаар 2.2 сая еврогийн хөрөнгө оруулалт хийв. (Ургамалд суурилсан)

Энэтхэгийн шагналт жүжигчин Шраддха Капур (цагаан хоолтон) өөрт нь цогцолсон гоо үзэсгэлэн, эрүүл бие бялдрыг ургамлын гаралтай хооллолт, тогтмол дасгал хөдөлгөөн, байгалийн гаралтай арьс арчилгаа, шарсан хоол, чихрээс татгалзсантай холбон тайлбарлажээ. (The Times of India)

Загвар, тавилга, тансаг хэрэглээний барааны харгислалгүй, байгальд ээлтэй сонголтын эрэлт нэмэгдэж буй энэ үед дэлхийн веган кактусын арьсны зах зээл 2025 онд 3.8 тэрбум ам.доллар байсан бол 2032 он гэхэд 8.1 тэрбум ам.доллар болж хоёр дахин өсөх төлөвтэй байна. (HTF зах зээл)

Олон улсын стандартчиллын байгууллага (ISO) нь ургамлын гаралтай хүнсний бүтээгдэхүүний шошгын олон улсын шинэ стандартыг гаргаж, “ургамалд суурилсан” гэсэн нэр томьёог ойлгомжтой нэг мөр болгох зорилготой. Хоёр ангилалтай: 1) Амьтны гаралтай найрлагагүй бол “ургамалд суурилсан” гэж шошголсон хүнс 2) Хязгаарлагдмал амьтны гаралтай найрлагатай бол “ургамалд суурилсан” гэж дангаар нь бичиж болохгүй, “ургамалд суурилсан вежетариан” гэх мэт тодотгол нэмэх, эсвэл өөрөөр нэрлэх шаардлагатай. Амьтнаас гаралтай аливаа найрлагыг заавал тодорхой жагсаах ёстой.

ПроВег Интернейшнал байгууллага энэ стандартыг боловсруулахад оролцон, хэрэглэгчийн төөрөгдлийг бууруулж, ирээдүйн зохицуулалтыг дэмжинэ гэж мэдэгджээ. (Ургамалд суурилсан)

ИБУИНВУ-ын эцэг эхчүүдийн тал орчим хувь нь сургуулиудад илүү олон веган хоол байгаасай гэж хүсэж байна. Про Вег ИБУИНВУ-ын Сургуулийн таваг хөтөлбөрийн хүрээнд 12,000 гаруй сургууль хэдэн сая хоолыг веган, эсвэл махгүй хувилбараар солин өгч байгаа нь хүүхдүүд өдөр тутам маш бага жимс, хүнсний ногоо, эслэг хэрэглэдэг өнөөгийн нөхцөлд маш чухал юм. (UZALENDO)

Орхигдсон байсан долоон гөлөг [АНУ-ын Алабама мужийн] Хантсвилл хотод өнгөрсөн сард аврагдаж, Хантсвиллийн Амьтны Үйлчилгээ болон орон нутгийн иргэдийн халамжийн ачаар одоо эрүүл саруул, аз жаргалтайгаар түр асрамжийн гэрт амьдарч байна. (The Dodo)

[Канадын Альберта дахь] Эдмонтон хотын цагдаа нар хайхрамжгүй асран хамгаалагчдаас 87 амьтан-хүнийг аврав. Үүнд 83 могой-хүн, нэг ирвэс гүрвэл-хүн, хоёр муур-хүн багтаж байгаа бөгөөд тэдгээр асран хамгаалагчид хотын Амьтныг Хамгаалах хуулийн дагуу ял үүрч болзошгүй байна. (CityNews Edmonton)

АНУ-ын хуульч Делсианна Уиндерс (веган) боловсрол, хууль зүйн үйл ажиллагаа, амьтан-хүмүүсийг хамгаалах үйлсэд оруулсан хувь нэмрээ үнэлүүлэн, Америкийн хуульчдын холбооны Амьтны хууль эрх зүйг ахиулсан гавьяа шагналыг хүртэв. Хатагтай Уиндерс Вермонт хотын Хууль зүйн болон Магистрын сургуулийн Амьтны эрх зүй, бодлогын хүрээлэнгийн захирлын хувьд дараагийн үеийн амьтан-хүний хуулийн өмгөөлөгчдийг бэлтгэх зорилгоор хэд хэдэн оюутны хуулийн эмнэлгүүдийг, тэр дундаа үйлдвэрт тэжээсэн амьтан-хүмүүст төвлөрсөн дэлхийн анхны клиникийг байгуулжээ. (ABA Journal)

АНУ-ын пастор, санваартан Донна Ригней Эзэн Есүс (цагаан хоолтон)-тэй хийсэн ер бусын уулзалтынхаа талаар ярилаа. Эзэн Есүс түүнийг диваажин, тамд хүргэхээр мөн чанарт аваачжээ.

Доннагийн анхны учрал католик шашны мөргөлийн үеэр долоон настайд нь болсон байна. Судартайгаа өвдөг сөгдөн сууж байтал Эзэн Есүс гарч ирэв. Тэрээр Түүнийг зөнгөөрөө мэдэж байлаа. Тэрээр түүнийг мөн чанарт аваачин, түүнд үүлс, үзэмжээр дүүрэн Тэнгэрлэг газрыг харуулжээ. Эзэн Есүс Доннатай халуун дотно ярилцаж, ээжийнх нь уур хилэн, эсвэл бусадтай хэрэлдсэн гэх мэт бага насных нь санаа зовоосон асуудлуудыг ярилцаж, түүнийг асар их ойлгон, хайрлаж буйгаа мэдрүүлсэн байна. Нэгэн гэлэнмаа суухаар түүний мөрөн дээр тогшсоноор тэрхүү мөн чанараас салж, ахуй ойлголт нь дуусав.

Эзэн Есүсийг эзгүйд сэтгэлээр унасан Донна Түүнийг хайн насан туршийн эрлээ эхлүүлжээ. Тэрээр хоёр жил хагасын турш гэлэнмаа болсон боловч түүнийг сүм хийдээс олсонгүй. Дараа нь тэрээр залбирлын бүлэгт элссэн бөгөөд эхэндээ Бурханы оршихуйг мэдрэх хэцүү байсан ч өдөр бүр залбирсаар байлаа. Цаг хугацаа өнгөрөхөд судар, эсвэл номлогч түүнд хүрэх бүрд зүрх сэтгэлдээ халуун дулаан мэдрэмж авахдаа Түүний удирдамжийг таньжээ.

Донна Бурханыг илүү их эрэлхийлэхийн хэрээр Диваажин болон тамын тухай ахуй ойлголтуудыг харж эхлэв. Нэгд нь Эзэн Есүс түүнийг тамын дундуур авч явж, цөхрөлийн өрөө рүү дагуулан орлоо. Энэ өрөөнд чөтгөрүүд сүнснүүдийг тарчлааж байсан бөгөөд зарим сүнс Бурханд хандахын оронд амиа хорлосон байв. Хонгилоор явж байхдаа тэрээр лантуугаар гинж цохиж буй мэт чанга харшилдах чимээ сонссон байна. Өрөөнд байгаа асар том цаг нь мөнхийн тарчлалын бэлгэдэл ажээ. Чөтгөрүүд “Үүрд мөнхөд чи энд байх болно. Чи үүрд хайргүй байх болно. Чи эндээс хэзээ ч явахгүй.” гэж хашхирч байлаа. Эзэн Есүс цөхөрсөн сүнснүүдийн зовлон зүдгүүрийг тайлбарлан, арагш ухрахад там дахь цорын ганц гэрэл болох Түүний Гэрэл Түүний оршихуйг илчилсэн юм. Сүнснүүд тусламж гуйн, хашхирсан боловч Эзэн Есүс зүрх нь шархалж, “Би чамд одоо тусалж чадахгүй. Тэднийг Миний хаант улсад үүрд амьдраг гээд би тэдний төлөө үхсэн боловч тэд Намайг үгүйсгэсэн.” гэв. Өөрийг нь хүлээж авсан бол тэд энэ хувь тавилангаас хэлтрэх байсан учраас ингэж зовох хэрэггүй байсан юм гэдгийг Тэрээр онцолжээ.

Өөр нэг ахуй ойлголтод Эзэн Есүс түүнд татуурга, хадаас, хөрөө, хайч гээд эрүүдэн шүүх хэрэгслээр дүүрсэн өрөөг үзүүлсэн байна. Чөтгөрүүд тэднийг барьж аваад АНУ-ын хотын гудамж руу гүйв. Чөтгөрүүд хүмүүсийн мөрөн дээр суун, нуруу руу нь хадаас хатгаж, толгойд нь татуурга татан чангалж, тэвчихийн аргагүй өвдөлтийг үүсгэж байхыг Донна сүнслэг нүдээрээ харжээ. Зарим хүмүүс, тэр дундаа хүүхдүүд бөмбөг, гинжээр хүлэгдсэн байв. Эдгээр нь эцэг эхийнх нь “Чи хэзээ ч юунд ч хүрэхгүй.”, эсвэл “Манай гэр бүлийн хүн бүр хорт хавдар тусдаг.” гэх мэт нүгэл, үгийн хараалаас үүдэлтэй гэдгийг Эзэн Есүс тайлбарлалаа. Ийм хараал нь хүүхдүүдэд боолчлолыг шилжүүлжээ. Хараал биш, харин ерөөл нь тэднийг Тэнгэрийн адис ерөөлийг хүлээн авахаар чөлөөлнө гэж Эзэн Есүс тэмдэглэв.

Донна мөн Диваажинд очжээ. Эзэн Есүс түүнийг алтан шалтай, алмаазан лааны суурьтай, хэд хэдэн хаалгатай Гайхамшгийн танхим руу дагуулан явсан байна. Эхний хэсэгт тэрээр дэлхий дээрх Бурханы хүүхдүүдэд зориулан хадгалсан биеийн хэсгүүд болох хөл, гар, нүдний алим, чих зэргээр дүүрсэн өрөөг харжээ. Ирэх сэргэлтийн үеэр эдгээр хэсгүүдийг хэрэгцээтэй хүмүүст нь хүргэх үед энэ өрөө хоосорно гэж Эзэн Есүс тайлбарлав. Гэсэн хэдий ч залбирал, ариун амьдрал, Түүнтэй дотно харилцаагаар эдгээр гайхамшгийг одоо ч олж авах боломжтой бөгөөд тэнгэрийн элч нар Диваажингийн эрдэнэсийг Дэлхийд авчрах завгүй байдгийг Тэрээр онцлон айлдсан байна.

Танхимаас цааш Донна алтан тортой өрөөнд оров. Эзэн Есүс эдгээр торыг үнэнч, хичээнгүй, бусад хүмүүс хараагүй үед ч зөв зүйл хийдэг итгэгчдэд олгох болно хэмээн хэлжээ. Эдгээр тор нь материаллаг баялгийг бус, харин эцсийн цагийн ургац хураалтын үеэр сүнсийг Түүний хаант улс руу татах болно.

Өөр нэг өрөөнд Донна Мөн чанарын салхийг, хайраар дүүрэн дулаахан сэвшээ салхийг мэдэрчээ. Эзэн Есүс энэ салхийг дэлхий рүү гаргахаар бэлтгэж байгаа бөгөөд энэ нь томоохон сэргэн мандалтын эхлэл болно гэжээ.

Эзэн Есүс Доннад аливаа цочирдлоос зайлсхийхийн тулд бузар мууг Өөрөөрөө дамжуулан харахыг заасан бөгөөд энэ нь дэлхий дээрх амьдралд ч адил үйлчлэх зарчим юм: Түүн дээр нүдээ тогтоох нь хорон муугийн урхинаас хамгаалж, удирдан чиглүүлнэ.

Бурхантай ойр байх буюу сонсож, дуулгавартай байж, ариун амьдран цагийг өнгөрөөх нь ирэх сэргэн мандалтад оролцоход нэн чухал гэдгийг одоо санваартан Донна зааж байна. Бүгд Бурханыг тэргүүнд тавин, Түүнийг бүрэн дүүрэн хайрлаж, Түүний тааллаар амьдарч, Түүний оршихуйг үргэлж мэдрээсэй гэж тэрээр залбирдаг. (Сид Ротын Энэ бол ер бусын юм!)

Энэ өдрийн урам хайрлах эшлэл: “Хүний оршин тогтнох цорын ганц зорилго бол энгийн оршихуйн харанхуйд Гэрэл асаах явдал юм.” — Доктор Карл Юнг, эмч