Хамгаас Хүчирхэг Гурав: Бурхан, Тим Ко Ту, Бурханы Хүү Гурав Нэг боллоо, лекцийн 5-ын 4-р хэсгийг

Яг одоо миний ажил улам л нэмэгдсээр байна. Тэд над руу мэдээ илгээж би аль мэдээг нь гаргаж алийг нь гаргахгүй байх, аль нь хуурамч, алийг нь хиймэл оюун ухаан гаргасан зэргийг шалгах ёстой болдог. Маш олон мэдээ бий. Өдөр бүр би бараг л ном, жижиг ном унших ёстой болдог. Дээрээс нь өвдөлт мэдэрдэг, мэдэрдэггүй хүнсийг шалгах хэрэгтэй. Би дэндүү их ажилтай. Заримдаа бүтэн өдөр, бүтэн шөнө ч хүрэлцдэггүй. Илүү хүч олж авахын тулд би үүнийг ахин зохион байгуулах

хэрэгтэй. Физик бие махбод тань хүчээ хураах сав юм. Үүнийгээ алдах уу, хадгалах уу гэдэг өөрийн тань сонголт, амьдралын тань хэв маягаас хамаарна. Та нар үүнийг мэдэж байгаа. Хэт их яривал, эсвэл хэт их гадна үйлдэл хийж, гэр бүл, ажил, үүрэг хариуцлага гээд эргэн тойрондоо хэт их анхаарал хандуулбал та нар хүчээ алддаг. Бие махбодын хүч, сэтгэл санааны хүчнээс гадна, оюун санааны хүчээ алддаг. Учир нь оюун санааны хүч л амьдралыг тань тэтгэдэг, та нарт юу ч мэдүүлэхгүй маш нууцаар тэтгэж байдаг. Хамгийн Дээд Хүчтэй, Бурханы Хүчтэй холбогддог нь энэ юм. Бүгдийг нь нууцаар үйлддэг. Та нар хэзээ ч мэдэхгүй. Одоо та нарт хэллээ. Тэгэхээр энэхүү Хүчийг бие махбод хүлээн авч, шингээж, тархины үйл ажиллагаа эд эсэд зохицуулан ашиглаж, механик хэв маягаар түгээхэд зав чөлөөтэй байх нь маш чухал.

Тэгэхээр бие махбод үнэхээр нандин, үнэхээр чухал. За. Дэндүү олон зүйл болчихлоо. Би та нарт олон төрөл дамжин заасан ч чадна. Мэдэж байгаа бүхнээ би хэзээ ч зааж барахгүй. Гэхдээ та нарыг энэ дэлхийд бие махбодод амьдарч байхдаа хэрхэн эрүүл саруул, эсэн мэнд амьдрах зарим чухал зүйлсийг л би заадаг. Хамгийн бага хэмжээгээр. Учир нь бидний хэн хэнд цаг байхгүй. Надад ажил бий, Суприм Мастер ТВ-ийн ажил, чанагууд ертөнцийн ажил бий, бас бие сэтгэлийн, бизнесийн гээд төрөл бүрийн зүйл бий. Мөн багуудаа харж хандана. Заримдаа тэдэнд хүн л болсон хойно сэтгэл хөдлөл, хэрэгцээ, ярих зүйл байна. Мөн миний бизнес болон бизнесийн багийнханд виз гэх мэтчилэн бизнестэй холбоотой ажлууд байдаг.

Тэгэхээр бидний хэн хэн нь тун завгүй, дэлхий дээр ажиллахаас өөр аргагүй. Зөвхөн манай Суприм Мастер ТВ-ийн баг ч биш, гадаах нийгэмд та нар маш их ажиллах ёстой болдог. Учир нь та нар өөрсдөдөө бас үүрэг цуглуулдаг. Ганцаар амьдарч өөрийгөө харж хандахад л хүн тун завгүй болдог. Гэтэл та нарт эхнэр, нөхөр, үр хүүхдүүд гээд бусад хүмүүс бий. Дээрээс нь ай даа... Завгүй байдалд тань эцэс төгсгөл үгүй. Тиймээс би ч та нарт өдөржин шөнөжин заах боломжгүй. Та нар үүнийг мэднэ.

За одоо өөр юу хэлэхээ хараадахъя. Хэрхэн бясалгах болон яагаад? Учир нь энэ шийдвэрлэх цаг үед, үнэхээр чухал цаг үед, дэлхийн хүн ам нийтээрээ, мөн гараг дэлхий бүхэлдээ туйлын аюулд байгаа энэ цаг үед та нар Бурханы Ивээлд хараахан бодол сэтгэлээ эргүүлээгүй байгаа гэр бүл, хамаатан садан, найз нөхөд, бүр ажлынхан, хайрладаг тэжээвэр амьтан-хүмүүс, бас хайртай үр хүүхдүүддээ туслах жаахан илүү оюун санааны буянтай болохын тулд заавал илүү их бясалгах ёстой. Бурханы Ивээл хаа сайгүй, цаг үргэлж байж байдаг ч тэд зүгээр л хүсдэггүй. Тэд Бурханы Хайр Ивээлээс өөрсдийгөө тусгаарлах зүйлс хийдэг. Бурхан тэдэнд чөлөөт сонголт өгсөн болохоор тэд хүссэнээ хийдэг. Бурхан дарангуйлагч биш. Би ч бас дарангуйлагч Бурханд дургүй.

Тэднийг ямар нэг агуу зүйлд сургах шаардлагагүй. Мэдээж тэд өөрсдөө суралцахыг хүссэн боловч, тэд аймшигтай бүтэлгүйтсэн нь харагдаж байна. Зуунаас зуун дамжин, өдрөөс өдөрт тэднийг өөрсдийгөө болон гараг дэлхийгээ аврахын тулд веган хоол ид гэхэд хүртэл чаддаггүй. Бүхий л Их Багш нар ирж буцан, орж гарч тэдэнд нэг л зүйлийг хэлж ирсэн. Энэ дэлхийд дэндүү их сатааруулах зүйлс бий бөгөөд тэд төрөл бүрийн зүйлд дуртай. Тиймээс сатан, маяа тэднийг унатал нь маш хүндээр сорьдог. Тэгээд л дараа нь тэд үхдэг. Буцаж ирье (илүү сайн зүйл хийнэ) гэж амладаг ч ахиад л ижил алдаа гаргадаг. Учир нь маяа тэдэнд амлалтыг нь сануулдаггүй, хялбархан хийх боломж олгодоггүй.

Бүхий л Их Багш ирээд Будда нар, Татагата нар, Жэйн Их Багш нар бүгд туйлын аймшигтай сорилтыг туулсан. Харин бид гайхширч, “Будда буруу юм юу хийсэн юм? “Есүс Христ яасан юм?” гэдэг. Тэд яагаа ч үгүй. Зөвхөн сайн зүйлсийг хийж, хүмүүсийг адисалж, тэднийг Анхдагч их багш-“Би”-дээ, агуу “Би”-дээ, хүчирхэг “Би”-дээ эргэн хүрэхэд тусалсан. Гэтэл үгүй шүү, Тэднийг сорин зовоож, тэгээд бүр болохгүй бол Тэднийг хороочихдог. Буддын сударт гардаг Буддын шашинтнуудын талаар би олон түүх ярьж байсныг та нар сонсож байсан даа, маяа диваажингийн зарим хаадын туслахууд, эсвэл Зарим нэг Диваажингийн зарим хаад үргэлж буун ирж, тэдгээр бясалгагчдыг сорьж байсан.

Будда байхын тулд энэ нь зүрх сэтгэлд тань байх ёстой. Олон бясалгагч Диваажингийн хаан, энэ тэр зүйл болохыг хүсдэг. Бүр зугаацах гэж дэлхийд үймээн самуун дэгдээхийн тулд хүчирхэг чөтгөр хүртэл болохыг хүсдэг. Яагаад гэвэл тэдэнд хайр байдаггүй. Зарим нь бүр жинхэнэ хүн ч биш учраас тэд явж юу ч хамаагүй сурдаг. Өөрсдийнхөө хувиа хичээсэн, харгис зорилгын л төлөө. Миний зарим шавь нар тийм. Тэд бүр надаас урваж, миний сургаалын, тэдэнд заасан зүйлийн яг эсрэгээр явж, миний нэрийг барьж, мөн түүнд би итгэдэг байсан эхэн үед олж авсан жаахан хүчээрээ хүмүүсийг хуурдаг. Мөн хуурамчаар Арьяабалын элч болж, өөрийнхөө Их Багшийн нэрийг хуурамчаар барьдаг гэх мэт. Тэгээд олон хүнийг хохироодог. Учир нь тэд өөрсдөө биш, жинхэнэ хүн биш.

Магадгүй тал-хүн байх. Тэгээд нөгөө тал нь эзлэгдчихсэн, эсвэл магадгүй тэд анхнаасаа чөтгөрийн үрээс бий болсон байх. Үгүй бол яаж Арьяабалын бясалгагч, хүчирхэг энэрэнгүй аргад суралцаж, Таван Сахил сахиж, бусдыг хохироохгүй, муу зүйл хийхгүй, зүй бус бэлгийн харьцаанд орохгүй гэсэн Сахилтай нэгэн гарч, дагалдагч нараасаа мөнгө авч үнэтэй ашрамууд барьж, тансаг автомашин, цаг зэргийг өөртөө авч чадах вэ дээ? Хүн яах гэж тийм олон цаг зүүдэг байна аа? Яах гэж? Хэчнээн үнэтэй байлаа ч тэр тоолгүй худалдаад авчихдаг.

Арьяабалын ямар ч бясалгагч тийм зүйлст дурлахгүй. Учир нь бид илүү бясалгах тусмаа дэлхий болон материаллаг зүйлс, ер юуг ч тоохоо больдог. Тэд зүгээр л тийм зүйлст дургүй болдог. Гэхдээ Тэнгэрийн Хувцас, Тэнгэрийн Үнэт Эдлэл гэх мэт Их Багшийн адистай эд зүйлсийг эс тооцвол шүү дээ. Учир нь эдгээр нь үнэхээр адистай, тэдний амьдралыг дээрдүүлж, илүү гэрэлтэй болгодог. Тийм л юм.

Тамаас Диваажинд – “Диваажинд хүрэх гүүр”-ийн Гэтэлгэгч Гэрэл

СМ Тэнгэрийн үнэт эдлэл "Дэвшсэн Орчлон" нь Гэрэл юм. Түүний Хүч нь биднийг дэвшүүлдэг бол “Диваажинд хүрэх гүүр” нь Дэлхийгээс олон мэдрэхүйт амьтдыг илгээдэг Аялгууны Хүч юм.

“Диваажинд хүрэх гүүр”-ийг бид биедээ зүүснээр бидний биеийн сувгийг цэвэрлэдэг; тиймээс цэвэрлэх мэдрэмжийн янз бүрийн зэрэгтэй байдаг. Энэ нь эхлээд бидний бие доторх бүх мэдрэхүйт амьтдыг зөөдөг. Эхлээд энэ нь гүүр болж үйлчилдэг бие махбодын сувгууд дахь мэдрэхүйт амьтдыг зөөдөг. Бие махбодын доторх мэдрэхүйт амьтдыг аварч, тусалж байх үед нуруу, дагз, бэлхүүс, өсгийд сэрүүн мэдрэмж төрдөг. Хоёр дахь үе шатанд бидний зүрхний чакра, боргоцой булчирхай, билгийн мэлмий идэвхжиж, илүү их энерги урсах энергийн сувгийг өргөтгөхийн тулд бидний дээд энергийн бие ажиллаж, улмаар мэдрэхүйт биетүүдийг хүргэх суваг болох бидний бие махбодын энергийн түвшинг дээшлүүлдэг. Хүргэлтийн явцад бидний бие махбодыг гадны нөлөөнөөс хамгаалахын тулд цэвэрлэгээний эхний болон хоёр дахь үе шат үргэлжлэх бөгөөд ингэснээр хүргэх ажлыг илүү сайн гүйцэтгэх болно.

Эртний зөгнөл ёсоор Майдар Бурхан Дэлхий дээрх бүх мэдрэхүйт амьтдыг аврахаар ирнэ. “Диваажинд хүрэх гүүр” бий болсон нь энэ дэлхийн мэдрэхүйт амьтдыг аварч, хүргэх Их Багшийн арга хэрэгслийн нэг юм. […] Диваажингийн хаалга бүрийг сахин хамгаалдаг сахиусан тэнгэрүүд байдаг гэж Их Багш нэгэнтээ хэлсэн. “Диваажинд хүрэх гүүр” нь СМ Тэнгэрийн үнэт эдлэл зүүсэн тэр газарт Диваажинд шууд хүрэх Диваажингийн хаалгыг нээнэ гэсэн үг юм. Их Багшийн гайхамшигт Хүч эдгээр мэдрэхүйт амьтдыг ариусгаж, тэгснээр тэд Диваажинд хүлээн зөвшөөрөгдөх болно. […]

Эрхэм Их Багш болон Суприм Мастер Телевизийн багт, Би С.М. Тэнгэрлэг үнэт эдлэлийн “Амьдралын Нар” цувралаас үүдсэн ахуй ойлголтоо хуваалцах гэсэн юм.

Би Суприм Мастер Телевизээр Их Багшийн бүтээсэн С.М.Тэнгэрлэг үнэт эдлэлийн “Амьдралын Нар” цувралын тухай гарч байгааг үзсэнийхээ дараа бясалгасан юм. С.М.Тэнгэрлэг үнэт эдлэлийг хартал тэдний дунд онцгой гэрэлтсэн нэгэн үнэт эдлэл байв. Аварга том Нар, түүнийг тойроод наран цэцэг байх агаад Их Багшийн гарыг бэлгэдсэн гар бүхэн жижиг Нар байлаа. Тэр ямагт хамаг төрөлтөнд найр тавин тусалдаг. Дараа нь би онцгой гэрэлтэй аварга том Наран дээр очлоо. Хэмжээлшгүй их Хүч болон асар нарийн давтамжийг үзэв. Энэ хүчийг Дагинас болон далавчтай том сахиусан тэнгэрүүд хамгаалдаг ажээ. Их Багшаар хамгийн дээд Ертөнцийн тэрхүү Хүч дамждаг. Энэ Дэлхийд Их Багш оршин байснаар Ертөнцийг бүхэлд нь болон хүн төрөлхтний ухамсрыг дэвшүүлэх хамгийн дээд Хүчтэй холбогдох холбоос болжээ.

Тэнгэрлэг Үнэт Эдлэлийг Их Багш зохион бүтээснээрээ Ертөнцийг бүхэлд нь дэвшүүлэн Дэлхийг адислаад зогсохгүй бидний дотоодын эрхэм ариун чанарыг сэрээн Диваажингийн төгс төрөлтөн, Бурханы үр сад гэдгийг маань сануулж, энэ Дэлхийд өөрийгөө таньж, Гэртээ харих, хорвоог адислах зорилготой гэдгээ мэдэхэд тусалдаг билээ. […]

Эрхэм Хайрт Их Багш, Тим Ко Тү болон Суприм Мастер Телевизийн баг аа, Та болон Суприм Мастер Телевизийн баг амьдралд ганц удаа тохиох С.М. Тэнгэрлэг хувцас- Алтан Эриний Загвар нэвтрүүлгүүдийг хүний ухаан санааг түгшээж, айдаст автуулагч үймээн самуун ихтэй байгаа энэ цаг үед дэлхий даяар дахин цацсанд би баярлан талархаж байна. Аз болоход Суприм Мастер Телевизийн ачаар Их Багш материал, өнгө, гэрэл, дуу хөгжим, сахиусан тэнгэр шиг загвар өмсөгчдийн үзэсгэлэнт төрхөөр харуулсан төгс загварын үзүүлбэрүүдээр дамжуулан дэлхийд Тэнгэрлэг гоо үзэсгэлэнг авчирсаар байна. Та орчин үеийн болон С.М Тэнгэрлэг хувцсыг хослуулан олон орны уламжлалт хувцсаар дамжуулан нарийн, эрхэмсэг, ариун, цоглог, дэгжин бүтээлч чадвараа харуулдаг. Эдгээр гэрэлтсэн, гялалзсан, эрч хүч, хайраар дүүрэн Бурханаас дэлхий рүү буусан загварууд нь дэлхий дээрх энэ хамгийн харанхуй цаг үед дэлхийн хүмүүсийн шаналал, зовлон зүдгүүрийг тайвшруулж, тэднийг сүнслэгээр өргөж, төрөлх сүр жавхланг нь сануулдаг. […]

Гэх мэт...

Тэд (Бурханы шавь нар) илүү нэр алдартай болох, илүү ашиг олох энэ тэрийг нэг их тоодоггүй. Жинхэнэ Арьяабалын бясалгагч ийм байдаг. Хамгийн тааруу нь ч тийм байх хүсэлтэй, тийм зүг рүү бага багаар ойртсоор байдаг. Энэ Трань Там шиг биш. Тэр бол... биш. Ямар гүрү гэлээ? Румажи. Бурхан минь, ой гутам! Тэр бол миний санаанд орох ямар ч чөтгөрөөс дор - хүмүүсээс мөнгө авдаг. Энэ бол миний хийж ирсний яг эсрэг зүйл. Тэр үргэлж хандив нэхэж, хандив авч, гайхалтай автомашин, цаг, байшин худалдан авч, хүүхдүүдийг хүчинддэг. Намайг ийм зүйл зааж байхыг та нар харсан уу? Мэдээж үгүй. Манай номын ямар ч лам ийм зүйл хийхгүй. Гэхдээ тэр надад мэдэгдэлгүй, бусад хүмүүст мэдэгдэлгүй миний лам нарын нэг мэт дүр эсгэн, байр суурь булаан авч хорон муу ажлаа эхлүүлсэн.

Photo Caption: Зарим нь гаднаасаа сайхан харагддаг, гэвч дотроо хортой

Зураг татаж авах