Дэлгэрэнгүй
Татаж авах Docx
Дэлгэрэнгүй уншаарай
“Бурхантай шууд холбогдох нь- Энх тайванд хүрэх зам мөр” ном нь түүний 1999 онд Европоор тойрон аялах үедээ тавьсан айлдварын хэсгүүдийг багтаадаг. 40 өдөр 18 газрыг хамарсан тэрхүү агуу аяллын үеэр, дэлхий нийтэд хандан тавьсан “Бурхантай шууд холбогдох нь – Амьдарч байхдаа Бурханыг харахуй” хэмээх сургаал нь өнгөрсөн зууны үймээн самуунтай төгсгөл үед хариулт эрж хайсан олон хүний зүрх сэтгэлийг гэрэлтүүлсэн билээ. Олон хүн эдгээр гэгээрсэн айлдварыг боломжит бүх хэрэгслээр дамжуулан талархан хүлээж авч байхдаа, агуу шинэчлэлтийг бас мэдэрчээ. Аяллын үеэр тавьсан айлдваруудын цуглуулгатай болох хүсэлтүүд нь эцэст нь энэ номыг хэвлэхэд хүргэжээ. “Төгс Гэгээрсэн Их Багш Чин Хай (веган)-н “Бурхантай шууд холбогдох нь – Энх тайванд хүрэх зам мөр” номын 1999 оны Европын лекцийн хэсгээс өнөөдөр бид хуваалцаж байгаадаа таатай байна. “Илүү тайван замаар...” “[…] Их Багш үзэгчдэдээ гэгээрэл өгөхөөр ирсэн гэж хэлдэг. Энэ бол Бурхан бид бүгдэд өгч чадах хамгийн сайн бэлэг юм. Учир нь энэ нь “энэ дэлхийн бүх төрлийн өвчний цорын ганц шийдэл” юм. Их Багш хэлэхдээ “хүмүүсийн ухамсрыг дээшлүүлж, та нарт өөрсдийн дээд Мөн чанар, эрхэм дээд оршихуйгаа эргэн санахад тань туслахын тулд ирсэн. Ингэснээр уур амьсгал өөрчлөгдөж, энерги нь илүү хайраар дүүрэн, эрхэмсэг болж, илүү дээд хэмжээснүүдтэй адил болно”. Үнэн хэрэгтээ Балканы хойгт энх тайван байдал хүмүүсийн бодож байснаас хурдан ирсэн. Яг тэр цагт Их Багш Европ дахь аяллын сүүлчийн айлдвараа өндөрлөсөн бөгөөд Косово дахь дайтагч талууд энхийн гэрээнд гарын үсэг зурсан юм. Хоёр мянган жилийн тэртээд, Есүс Христ шавь нартаа “Бурхан та нарт өөр Тайтгаруулагчийг өгөх болно” гэж хэлсэн. Бидний эрин үеийн Тайтгаруулагч бидэнд ирсэн бөгөөд Тэр бол Төгс Гэгээрсэн Их Багш Чин Хай юм. Өнгөрсөн үеийн бүх Их Багш нарын нэгэн адил Их Багш Чин Хай Бурханаас ирсэн. Тэрээр Бурхан руу буцаж очих замыг зааж, бидэнд дэлхий дээрх Диваажинг ухамсарлахад туслахаар энд ирсэн. Хэрэв бидэнд Тайтгаруулагч хэрэгтэй гэдгийг ойлгохын тулд өвдөлт болон зовлонг мэдрэх шаардлагатай бол бид дэмий зовоогүй байж магадгүй юм”. Төгс Гэгээрсэн Их Багш Чин Хайн 1999 оны Европ дахь тойрон аяллын айлдварын түүвэр “[...] Их Багш хэлэхдээ, “Орчлон ертөнцөд болон ерөнхийд хэлэхэд, энэ гараг дээр, Бурхан Өөрийн хүүхдүүдээ баясгах гэж олон материаллаг болон бас маш хийсвэр зүйлсийг бүтээсэн. Материаллаг зүйлс бидэнд тайтгарал, эд баялаг, сэтгэл ханамжийг авчирдаг. Нөгөө талдаа, хийсвэр бурханлаг мэдлэг бидэнд баяр хөөр, аз жаргал, мөнхийн амьдралыг авчирдаг... Материаллаг зүйл эзэмшихдээ амжилтад хүрсэн хүн материаллаг тайвшралыг их эдэлдэг ч, заримдаа Бурханы бид бүгдэд зориулж хадгалсан бурханлаг адислалуудыг мартдаг сөрөг үр дагавартай байдаг. Зөвхөн бурханлаг талдаа амжилтад хүрсэн хүмүүс заримдаа материаллаг ашиг хонжоог тоодоггүй. Тиймээс заримдаа энэ нь тэднийг харсан хүмүүст гаж нөлөө үзүүлдэг. Энэ нь тэдэнд Бурханыг дагаж, бурханлаг бясалгал хийх нь ядууралд хүргэдэг гэсэн үзэл бодлыг бий болгодог”. “Мөн материаллаг болон оюун санааны аль алинд нь амжилтад хүрсэн зарим хүмүүс заримдаа өөрсдийгөө аль аль талаас нь харуулдаг бөгөөд энэ нь бас гаж нөлөө үзүүлдэг. Хүмүүс: ‘Тансаг харагддаг, лам шиг харагддаггүй, энэ хүн чинь ямар гээч Бурханыг дагагч вэ?’ гэж гайхдаг. Тиймээс аливаа зүйлд үргэлж ямар нэгэн гаж нөлөө байдаг. Учир нь манай хүмүүсийн оюун ухаан нь аль нэг туйлшралд дассан байдаг ч, үнэндээ бид материаллаг болон бурханлаг талыг тэнцвэржүүлж, тэдгээрээс өөрсдөдөө төгс амьдрал бүтээдэг... Бид бол Бурханы хүүхдүүд. Бид хүссэн бүхнээ сонгох боломжтой. Гэхдээ бид яаж гэдгийг мэдэх ёстой”. “Оюун санааны бясалгалдаа амжилт гаргасны дараа, бид түүнээс гадна ихэнхдээ материаллаг амжилтад ч бас хүрдэг. Тийм ч учраас Библид “Бурханы Хаан улсыг эхлээд эрж хай, тэгвэл бусад бүх зүйл танд ирэх болно...” гэж бичсэн байдаг. Оюун санааны ертөнцөд амжилтад хүрэхийн тулд, бид бүх бурханлаг хүчний эх үүсвэртэй холбоо тогтоох арга замыг мэдэх ёстой... Үүнийг хийхийн тулд, бид амьдралынхаа зарим цаг мөчид чимээгүй байж, анхаарлаа хэрхэн төвлөрүүлэхээ мэдэх ёстой ба тэгвэл бид Бурхантай харилцаж чадна”. Энэ нь аль хэдийн оршин байгаа х.37-38 “[...] Бидний зарим нь амжилттай яваа бизнес эрхлэгчдэд атаархдаг, гэхдээ тэд эзэмшиж байгаа зүйлсээ олж авахын тулд ямар их ажиллаж, ямар их хүч гаргаж, ямар их цаг зарцуулж, ямар их золиос гаргаж байдгийг тэдгээр хүмүүс мэддэггүй. Энэ нь зөвхөн түр зуурын, материаллаг, устаж үгүй болох зарим зүйлийн төлөө ба эдгээр нь удаан үргэлжлэхгүй. Үүний төлөө бид өдөр бүр заримдаа 8, 10, 12, 14 цаг ажиллаж, эхнэрээ мартаж, хүүхдүүдээ мартаж, найз нөхдөө мартаж, заримдаа өөрөө өвдөж, сэтгэлийн дарамтад орж, хурдан хөгширдөг ба материаллаг амжилтад хүрэхийн тулд янз бүрийн таагүй байдлыг мэдэрдэг. Дашрамд хэлэхэд, мэдээж бид бас Бурханыг мартдаг. Ихэнх хүмүүс хэтэрхий завгүй байхдаа өөрсдийгөө ч мартдаг. Тэгэхээр одоо бид оюун санааны талыг яръя: Бурханыг ухамсарлах, орчлон ертөнцийн бүхэл бүтэн хаант улсыг өөртөө эргүүлэн авахын тулд, амжилтад хүрэхийн тулд, бид хэр их ажиллах ёстой вэ? Хэр их ажил вэ гэж үү? Бараг байхгүй. Төлбөр байхгүй, нөхцөл болзол байхгүй, хүчин чармайлт байхгүй, хүлэгдэх зүйл үгүй! Алдагдалгүй, эрсдэлгүй, зөвхөн ашигтай. Яагаад? Учир нь бид Бурханы хүүхдүүд юм. Бидэнд энэ нь аль хэдийн байгдаг. Хэрэв бидний халаасанд ямар нэгэн зүйл байгаа бол, бид үүний төлөө төлөх ёстой юу? Та арьсныхаа төлөө төлөх шаардлагагүй, та үснийхээ төлөө төлөх шаардлагагүй, та сайхан инээмсэглэлийнхээ төлөө төлөх шаардлагагүй. Энэ нь аль хэдийн байдаг”. “Зөв утсаа аваарай” “Бид Бурханыг таньж мэдэхийн тулд залбирч, уйлж, гуйхад маш их цаг зарцуулсан. Гэхдээ бид зөв утсаа авдаггүй учраас тэр хэтэрхий хол байсаар байна. Хэрэв бид өдөржин утсаар ярих боловч буруу дугаар руу эсвэл салсан утас руу ярих юм бол, бид хэзээ ч хариу авахгүй. Бид өдрийн турш утсаар хашхирч, бархирч, уйлж болно; энэ нь ямар ч тус болохгүй. Бурхан бидний дотор утас суулгасан байдаг. Ингэснээр бид Түүнтэй шууд харьцах боломжтой. Гэвч бид энэ ертөнцөд буусны дараа ямар нэгэн байдлаар холбоо тасардаг. Тийм ч учраас Бурхан Өөрийн ахан дүүстээ Түүн дээр хэрхэн буцаж очихыг сануулахын тулд Диваажингийн Хөвгүүдийг үргэлж ахин дахин дэлхий рүү илгээдэг. Гэхдээ мэдээж Бурханы Хүү энд ирэхэд, Тэр Өөртөө ийм хүч чадал, асар их хайрыг авчирдаг бөгөөд бид заримдаа айдаг. Тийм ч учраас зарим хүмүүс Түүнд хохирол учруулах гэж оролддог, яг л Есүст тохиолдсон шиг. Тэр биднээс огт өөр харагдахгүй ч дотроо, бурханлаг байдлаараа өөр байдаг. Бид угтаа Есүсээс өөр биш, Эзэн Бурхан ингэж хэлсэн байдаг: Миний хийдэг болгоныг та нар ч бас хийж чадна. Гол учир нь бид материаллаг шавраар эсвэл материаллаг бараан хөшгөөр гүн гүнзгий бүрхэгдсэний улмаас өөрсдийгөө үнэндээ хэн бэ гэдгээ мартсанд л байгаа юм. Яг л усанд живж байгаа хүн шиг: Тэр норсон харагддаг, түүний сэтгэл санаа нь зовсон, өвчтэй, цонхигор харагддаг. Харин эрэг дээр зогсож байгаа хүн цэвэрхэн хэвээр байна. Тэр сайхан хувцасласан харагдаж, хүчирхэг хэвээр байдаг. Тэр хүн живж буй хүнийг уснаас гаргаж чадна. Уг нь живж буй хүн эрэг дээр зогсож байсан хүнээс огт өөр харагдахгүй байсан. Учир нь тэр хоёр хуурай, сайхан хувцасласан байсан. Зүгээр л тэр живж байсан болохоор нэг хэсэгтээ л өөр харагдсан. Тэгээд түүнийг уснаас гаргаж, дулаацуулж, хооллож, хувцаслаж, асарсны дараа тэр эрэг дээр зогсож буй хүн шиг дахин гайхалтай, хэвийн харагдах болно”. “Бурхантай шууд холбогдох нь - Энх тайванд хүрэх зам мөр” номыг үнэгүй татаж аваарай: SMCHBooks.com Энэ ном нь англи, аулак (вьетнам) хэлээр хэвлэгдсэн.
