Дэлгэрэнгүй
Татаж авах Docx
Дэлгэрэнгүй уншаарай
(Дараагийн асуултыг Ломегийн Их Сургуулийн Хөдөө Аж Ахуйн Дээд Сургуулийн багш, судлаач, доктор Агбеко Коджо Тоуноу асууна.)Dr. Agbéko Kodjo Tounou: Сайн байна уу, Их Багш аа. (Др.Тоуноу, танд баярлалаа.) Өнөө орой бидэнтэй энд хамт байж, энэхүү чухал захиасыг хуваалцахыг зөвшөөрсөнд баярлалаа. Надад хоёр асуулт байна. Эхний асуулт бол: Таны хэлснээр, Африкийн өнөөгийн газар тариаланд хөрсний элэгдэл, ган гачиг, ойн хомсдол, үржил шимгүй байдал зэрэг олон асуудал тулгарч байгаа нөхцөлд органик газар тариалангийн ашиг тус юу байх вэ? Хоёрдахь асуулт: Хөдөө аж ахуйн ийм практикуудын өгөөж болон сул тал юу байх вэ? Баярлалаа. (Баярлалаа.)Master: Сайн байна уу, др. Тоуноу. Баярлалаа. (Сайн байна уу.) Энэ маш сайхан асуулт байна. Та өөрийнхөө судалгаанаас ухаарсан магадгүй байх, веган хоол бол гарагийг аврахад хэрэгтэй өөрчлөлтийн гол шийдэл, амин сүнс нь юм.Органик веган бол яг л том шагнал гэсэн үг, учир нь органик аргаар тариалах нь зөвхөн хүний эрүүл мэнд төдийгүй байгаль орчинд сайн нөлөөтэй. Жишээлбэл, АНУ-д хийсэн судалгаанд органик аж ахуй нь өнгөн хөрсийг хамгаалж, усны ай савыг цэвэр байлгадаг, хэрвээ дэлхий даяар хэрэгжүүлэх юм бол жил бүр ялгарсан CO2-ийн 40%-г шингээн авч хадгалах ач холбогдолтой гэж дүгнэсэн. Энэ бол манай дэлхийд үзүүлэх шууд ач тус юм. Органик аж ахуйн бусад өгөөжүүдээс дурдвал, ургац сэлгэлт, хөрс хучих, байгалийн бордоо хэрэглэх, гэх мэт байна. Ургац сэлгэлт гэдэг бол талбайд улирал бүр өөр өөр ургац тарина гэсэн үг юм. Энэхүү олон хувилбарт аргачлал нь ургамлыг эрүүл байлгаж, мөн хөрсний үржил, шимийг сэргээдэг. Хучилт гэх мэт бусад аргууд, тэр бүү хэл хагалгаагүй органик аж ахуй гэж нэрлэгддэг шинэ аргууд ч бас хөрсний чийгшлийг хадгалж, доройтлыг нь дорвитой багасгахад тустай.Ойгүйжилт нь голдуу амьтан(-хүн)-ий тэжээлийн улмаас үүсэж байна, мал үржүүлэх зорилгоор ашиглах тэжээлийг тариалахын тулд ойг огтолж байна, тэгж байхад дэлхийн хэдэн сая хүн өлсгөлөн амьдарч байна. Тиймээс органик веган аж ахуй нь үндсэндээ байгальтайгаа эв зохиролтой амьдарч, гараг дэлхий болон хамаг төрөлтнийг хамгаалах үзэл санааг дагадаг билээ. Эдгээр аргууд аж ахуй болон хүрээлэн буй орчны хоорондох байгалийн тэнцвэрийг дэмждэг. Яваандаа байгаа техникүүдийнхээ тусламжтайгаар эдгээр арга ажиллагаагаа хослуулснаар, бид өнгөрсөн хугацаанд үүсгэсэн болзошгүй асуудлуудаасаа өндийж, тэнцвэртээ ороход чиглэн их зүйлийг хийх болно.Түүнчлэн, Африк тив даяар органик газар тариалан эрхлэн, амжилт олсон түүхүүд хэдийнээ олон байна. Жишээлбэл, Өмнөд Африкийн Кейп Таун хотын захын газар нутгуудад хотын оршин суугчид 100 хувь органик цэцэрлэг бий болгож, орон нутагтаа худалдах ургацыг тариалж байна. Кени болон Угандад үүнтэй төстэй эхлэл байна. Энд органик бордоог саяхан нэвтрүүлсэн бөгөөд Хөрс болон ургацад сайн нь хэдийнээ харагдах болсон байна, Танай өөрийн тив дээр шүү дээ! Өшөө зөндөө л байна, тоочвол барагдахгүй. Ач тус нь эцэс төгсгөлгүй. Би та бүхнийг органик тариалалтын аргыг дагахыг өндрөөр урамшуулж байна, хэрэв боломж нь байвал.Мэдээж энэ боломжтой. Бид гарагаа аврахыг хүсэж байгаа цагт боломжгүй юм гэж байхгүй. Юм болгон боломжтой. Бидний эсэн мэнд байх асуудал тул энэ боломжтой байх ёстой. Ийм байдлаар та бүхэн олон өгөөжийг хүртэж болно. Энэ арга өргөн тархах тусам та бүхэн амжилттай ургуулсан түүхүүдийн нэг болох боломжтой. Баярлалаа, др. Тоуноу. Сайхан асуулт байлаа. (Баярлалаа.) Бурхан таны ирээдүйн органик тариалан эрхлэлтийг ивээг. (Баярлалаа.)Дараагийн асуултыг хатагтай Афива Пепеви Лодоноу Кпакпо асууна. Тэр бол Ломегийн Их Сургуулийн Харилцаа холбоо, Урлагийн Мэдээллийн Шинжлэх Ухааны Хүрээлэнгийн судалгаа хариуцсан захирал, мөн багшаар ажилладаг. (Тавтай морилно уу, хатагтай.)Madam Afiwa Pépévi Lodonou-Kpakpo: Гарагийг аврахын төлөө Таны хийж буй зүйлд баярлалаа. Миний асуулт бол хүүхдийг хөхнөөс гаргахтай холбоотой. Хөхнөөс гарах нь нялхсын амьдралын бэрх үе байдаг. Та бидэнд нялх хүүхдэд тохиромжтой веган хоолны цэсийн жишээ юм уу зөвлөгөө өгнө үү?Master: Баярлалаа, хатагтай захирал, профессор ор Лодоноу Кпакпо. Санаа тавьсанд тань баярлалаа. Эрхэм үнэ цэнтэй балчир хүүхдүүдийн эрүүл мэндийн тухайд дэлхий дээр хамгийн амархан шингэцтэй нь веган хоолны цэс бөгөөд нялхаст ч өөртөө ч өгөх ёстой ганц хоол бол энэ юм. Бас хамгийн амархан олж болох хүнс, бүр хашаан дотроо ч бид тарьж ургуулж чадна. Нялхсаа веган хүнсээр хооллосноор бид хүүхдүүдээ махан хооллолтын нэг хэсэг байх нь олонтоо байдаг хорт бодисууд болон олон харшлаас хамгаалж чадна. Бүр мөсөн байгалийн байх юм бол веган хоолонд шилжихэд амархан хялбар байдаг.Цэсийн сонголтын хувьд та шим тэжээлтэй, шинэхэн, олдоцтойгоос нь сонгож болно шүү дээ. Жимс, хүнсний ногоо, үр тариа, шошийн төрлийн ургамлууд гэх мэт сайхан сонголтууд хүнсний ногооны хаант улсад бий. Танд интернэт ашиглах боломж байгаа бол профессор та www.vrg.org хаягаар орж болно. Энэ бол АНУ-ын Vegetarian Resource Group хэмээх нэртэй байгууллагын нялх хүүхдэд зориулсан заавар, веган жор бүхий вэбсайт юм. Танд нэмэлт тусламж хэрэгтэй бол өөрийн хотод ойр байгаа манай Нийгэмлэгийн гишүүдэд хандаж нялхаст зориулсан веган хоолны вэбсайтын хаягийг мэдэж авч болно. Мөн манай www.SupremeMasterTV.com вэбсайт дээр ч бас бид бусад вэбсайтын хаягуудын талаарх олон мэдээллийг санал болгодог. Та тэдгээрийн алийг нь ч үнэ төлбөргүй татаж авч болно.Веган хооллолтын ашиг тус нь хүүхэд төрөхөөс ч өмнө илэрхий харагддаг. АНУ болон Их Британид хийсэн судалгаагаар голдуу веган хоолтой жирэмсэн эхчүүдийн дунд өглөөгүүр дотор муухайрах эрт үеийн хордлого бараг байдаггүйг олж тогтоожээ. Үүний учир бол тэдний бие мах гэх мэт хоолны хортой нөлөөнөөс өөрийгөө хамгаалах шаардлагагүй байдагт оршдог, судлаачид махыг өглөөгүүр дотор муухайрахын нэг шалтгаан болохыг тогтоосон бөгөөд бие махбод тэдний хортой нөлөөг зайлуулах гэж хичээн бөөлждөг ажээ.Vegetarian Resource Group-ийн др. Рийд Мангелс нялхаст зориулсан веган шим тэжээлийн зааварчилгаа боловсруулсан. Түүний судалгаанд нотолсноор, веган хүүхдүүд нь бусад хүүхдүүдтэй харьцуулахад илүү их аминдэм, эрдэс бодис авах хандлагатай гэнэ. Түүнчлэн, энэхүү шим тэжээлээр баялаг хүнсийг өдөр тутамдаа эрт хэрэглэж эхлэхийн хэрээр ач тусыг нь илүү урт хугацаанд хүртдэг юм байна. Тухайлбал, веган нярай болон хүүхдүүд өвчин эсэргүүцэх чадвар өндөртэй өсдөг. Хүнсний харшлын талаас бол веган хооллолт нь хүүхдүүд хүнснээс авдаг тэргүүлэх харшлын наймаас дөрвийг нь буюу 50%-ийг нь дариу арилгадаг ажээ.Сүү, өндөг, загас, далайн хавч зэрэг нь насан туршийн буюу эрүүл мэндийн үхлийн уршигтай асуудал үүсгэдэг. Тэгэхээр хүүхдүүддээ ургамлан хүнс өгч эхлэх нь тэдэнд эцэг эхийн өгч чадах хамгийн том бэлэг юм. Хоолонд дөнгөж орж эхэлж буй хүүхдэд зориулсан ургамлан хоолны сонголтыг та www.vrg.org хаягаас лавлаарай. Эсвэл та манай Нийгэмлэгийн гишүүдээс лавлавал тэд дуртайяа энэ мэдээллийг өгч туслах болно. Таны үнэ цэнтэй асуултад баярлалаа, нялхсын хооллолтын тухайд таныг аз ивээг. (Баярлалаа, Их Багш аа.)Photo Caption: Хаврыг Угтсан Инээмсэглэлийг Хайрла
