Дэлгэрэнгүй
Татаж авах Docx
Дэлгэрэнгүй уншаарай
Ертөнц бүхэлдээ дотоодод тань агуулагдаж байдаг. Гэвч та нар энэ тухай юу ч мэдэхгүй. Та нар хаанахыг ч мэдэхгүй, хүмүүсийг тамаас авраад Диваажинд хүргэж чадахгүй. Гэтэл том амтууд өөрсдийгөө Будда хэмээн тунхаглаж эсвэл дагагч нар нь өөрийг нь Будда гэж зарлах санаа сэдэл өгөөд байдаг. Та нар хэнийг хуурах гээ вэ? Диваажин бүхэлдээ та нарын юу хийж байгааг ойлгож, харж байдгийг мэдэхгүй гэж үү? Энэ байдлаараа үргэлжилбэл та нарт тамаас өөр очих газар үгүй. Та нарт анхааруулж байна. Би үнэнийг л хэлж, эгэл ертөнцийн хэлээр аль чадлаараа тайлбарлахыг хичээж байна. Та нар бүгд ойлгож, өөрийгөө Будда энэ тэр хэмээсэн энэ нүгэлт тунхаглалаа зогсооно гэж найдъя. Өөрийгөө хар даа. Юу хийж чадах юм бэ? Будда Диваажин руу явсан, там руу явсан, хаа сайгүй явж хүмүүст зааж сургасан. Зөвхөн хүмүүст загаад зогсохгүй Тэр Диваажингуудад ч заасан. Олон Бурханы Оронд Тэр заадаг. Харин та нар юу хийж чадах юм бэ? Хаашаа явна вэ? Та нар Диваажингийн Үүдэнд хөл тавих боломжтой гэж үү? Дотогш орохыг ч яриагүй байна. Та нар бүгд өөрсдөө үүнийг мэдэж байгаа. Хэрэв шударга бол үүнийгээ илчилнэ, учир нь та нар юу ч мэдэхгүйг би мэднэ. Та нар хаа ч хүрээгүй, зөвхөн хүмүүсийн мөнгийг л авахыг хүсэж, шүтүүлж, нэр алдартай, баян чинээлэг болохыг хүссэн. Энэ бол үнэхээр муухай, нүгэл. Би бодит үнэн түүхээр та нарт анхааруулж байна. Тиймээс сэр! Шударга бай. Эргээд эгэл даруу бол. Явж Буддын судруудыг судал. Эсвэл Католик юм уу Христийн шашинтай бол Библийг судал. Зүгээр л суучхаад хүмүүсийн мөнгийг идэж, хүмүүсээс өргөл барьц авч, тэднээр мөргүүлж, сөгдүүлэх хэрэггүй. Би ямар ч дагагчдаа ингэхийг зөвшөөрдөггүй. Тэднийг бие дааж, өөрсдөө аажмаар Будда болцгоохыг би хүсдэг. Харин та нар юу ч хийдэггүй. Зүгээр л хүмүүсийн мөнгийг авч, тэднээр шүтүүлж, “би” үзлээ л тэжээдэг. Тэр “би” үзэл тань та нарыг там руу хөтөлнө, яагаад гэвэл та нар юу ч мэдэхгүй. Та нар огтхон ч гэгээрээгүй. Бусдаар бол та нар энэ бүх тэнэг зүйлсийг хийж, Будда гэж өөрийгөө зарлаж, дагагч нараараа өөрийгөө “Будда” гэж дуудуулахгүй байсан. Энэ олон арван жилд би өөрийгөө хэн гэдгээ мэдчихсэн байсан ч хэнд ч хэлээгүй. Өнгөрсөн жил л Бурхан болон Диваажин намайг үнэхээр шахаж хэлүүлсэн юм. Зарлах цаг нь болсон гэсэн. Тэгээгүй бол би зарлахыг хүсэхгүй. Энгийн Их Багш байх хэдийнээ хүнд бэрх. Өөртөө анхаарал татаж, хүмүүсийн үйлийн үрийг авч би яах вэ? Учир нь хэрэв тэд өөрийг тань Будда хэмээн бодож, өөрт тань итгэж байвал өөрийг тань хэмлэдэг, эсвэл гэмтээж хохироохыг хүсдэг, эсвэл таныг худал хэлж байна гэж боддог. Их Багш байх илүү ээдрээтэй. Бурхан л намайг өөрийгөө “Төгс Гэгээрсэн Их Багш” гэж хэл хэмээсэн, энэ бол Диваажингаас Бурханаас өгсөн нэр цол. Энэ л хангалттай их асуудал тарьдаг. Эхэндээ би жаахан эргэлзэж байсан, өөрийгөө Есүс Христ, мөн Буддын шашныхаар бол Майдар Бурхан гэж зарлах тухай ярилтгүй. Хүмүүс өөр өөрөөр нэрлэдэг ч энэ нь ганц л хүн, ганц л Төрөлтөн юм, Есүс Христ эвсэл Майдар Бурхан. Гэтэл Бурханы зөвшөөрөлгүй энэ цолыг өөртөө өргөмжлөх та нар хэн бэ? Бүх Диваажин та нарыг харж буй. Энэ бүхний тухай ярихаас би залхаж байна. Тиймээс сайн бай. Илүү сайнаар өөрчлөгдөх юм уу нуугд. Хаа нэгтээ нуугдаж, дагагч нараа тайван орхи, тэд хуурамч их багш, хуурамч Будда дагаж харанхуй рүү явснаас илүү дээр зам мөрөө олог. Энэ бол хамгийн том нүгэл. Будда тэгж хэлсэн, үүнийг санаж яваарай. Эхлээд явж Буддын судар судал. Дараа нь өөрсдийг тань дэвшүүлж, бүх нүглийг тань уучилж, бүх үйлийн үрийг тань угаах гэгээрсэн Их Багшийг олохыг хичээ. Үгүй бол та нар хэзээ ч хаана ч хүрэхгүй – шууд л тамд унана, тэгээд л гүйцээ. Баатраа явагч их хөлгөн сударт Будда маш ойлгомжтой хэлсэн байдаг, би хэлж байгаа юм биш. Учир нь “би” үзэл тань маш яаралтай нэр алдартай болж, өргөл барьц авч, хүмүүсийг дагуулан шүтэгдэхийг хүсдэг, зүрх сэтгэл тань тэгж хүсдэг болохоор тэр. Гэвч та нарт тэнд хүрэх хангалттай буян, хүч байхгүй учраас маяа ирэх болно, чөтгөр ирж өөрт тань бага зэргийн хүч өгч, өөртөө болон тэдний хэлсэнд итгэхэд хүргэдэг. Тэгчхээд дараа нь шууд л “Будда” болж, өөрсдийгөө Будда хэмээдэг. Ичгүүргүй! Өөрт тань болон дагалдагч нарт тань аюултай. Та нар хүссэнээ хийж болно гэсэн үг биш. Хэрэв ганц л хүн байсан бол, ганц тариаланч, эсвэл оффисын ажилтан байсан бол учруулах аюул нь маш бага. Гэтэл та нар удирдагч болж олон, олон хүнийг дагуулахыг хүсдэг. Ингэвэл олон хүнийг хохирооно. Тийм учраас үйлийн үр нь их байдаг юм, яагаад гэвэл та нарын учруулсан гэм хор үржигддэг. Тийм учраас үйлийн үр нь маш хүнд, та нар олон хүнийг жинхэнэ Буддагийн сургаалаас, Буддагийн амьдралын хэв маягаас холдуулдаг болохоор тэр. Та нар миний хэлж байгааг ойлгох хангалттай IQ-тэй гэж найдъя. Хамаагүй ээ, хүсвэл намайг үзэн яд. Та нараас болон дагалдагч нараас тань би ямар нэг таатай, сайхан хандлага хүлээн авахгүйгээ мэднэ, гэвч үнэнийг хэлэх ёстой. Би эрсдэл гаргая. Та нарын үзэн ядалт, өшөө хорсол, сөрөг реакцийг хүлээн авах эрсдэл гарган үнэнийг хэлье. Та нар өөрчлөгдөнө гэж найдаж байна, үгүй бол та нар хамаг дагалдагч нараа аваад тамд унаж мэднэ. Миний яагаад үүнийг яриад байгаа гол санаа энэ. Үгүй бол би ярихаас ч залхуурна, учир нь энэ үнэхээр ядаргаатай, маш уйтгартай. Надад бас яагаад, “Номын Хүрд Эргүүлэгч Хаан” хэмээх цол байдгийг мэдэх үү? Яагаад гэвэл би бас хүмүүст зааж чадна, үг хэлээр зааж, дотоод Хүчийг дамжуулж, Билиг Ухааны Үүдийг нь нээж чадах ба ингэснээр тэд аажмаар гэтлэгдэж Будда болно. Будда болохгүй байлаа ч, илүү өндөр түвшинд, илүү дээд Буддагийн Оронд, Диваажингийн Орнуудад очиж, эрх чөлөөтэй аз жаргалтай байх болно. Энэ бол надад өгөгдсөн жаахан зүйл. Үнэнийг хэлэхэд надад ямар цол байхыг би тоодоггүй. Яах гэж? Юунд ашиглах юм бэ? Юу ч хүсэхээ больсон нь би шүү дээ. Хэрэв би энэ дэлхийг орхиж болдог бол баяртай орхино. Намайг аз жаргалтай болгох зүйл энэ дэлхийд байхгүй, ихэвчлэн уй гашуу. Учир нь өдөр болгон би Суприм Мастер Телевизийн нэвтрүүлгүүд дээр ажиллаж, бүх хүмүүсийн, амьтан-хүмүүсийн зовлон, дайн дажин зэргийг энэ бүх мэдээгээр хардаг. Орой болгон эсвэл цаг гарах болгонд би маш их мэдээлэл үзэж хардаг. Өөртөө байхгүй Буддагийн цолыг авах гэж ингэтлээ шуналтахуйц энэ дэлхийд ямар ч сайхан зүйл байхгүй! Та нарт хангалттай буян үгүй. Хангалттай гэгээрэл байхгүй. Хангалттай хүч үгүй. Тийм учраас та нар тамын шийтгэлээс айлгүй, өөрийг тань тойрон гүйж хуурамч бардамнал, бахархлаар тэтгэж, өөрийгөө агуу мэтээр мэдрүүлж байдаг тэр бүх чөтгөрүүдээс айлгүй үүнийг хийдэг. Тэд та нарыг хуурч байна. Та нарыг хохироож байна. Та нар үхээд тэдэнтэй хамт там руу явахаас өөр аргагүй болгох гэж энэ бүх нүглийг та нараар үйлдүүлэхийг хүсдэг. Тэд та нарыг тамлаж, сэтгэлээ ханатал шийтгэж чадна, яагаад гэвэл тэд тийм л зүйл хийдэг. Та нарыг бас идэж чадна. Тэгвэл та нар үүрд дуусаа. Ахин хэзээ ч, хаана ч төрөл авах боломжгүй болно. Бүр мөсөн үгүй болно. Яагаад гэвэл тэдгээр чөтгөрүүдэд идүүлснээрээ та нар тэдэнтэй холилдож, тэдэн дотор орж, үүрд төөрдөг. Үүний дараа та нарт бие даасан сүнс гэж үгүй болж, та нар бүгд устгагдаж, хумхын тоос болдог. Тийм учраас чөтгөрүүд та нар шиг ямар ч хүмүүсийг хуурах дуртай, нэр алдар хүртэхийг хүсэв ч, ямар ч гавьяагүй хүмүүсийг хуурах дуртай. Тиймээс болгоомжил. Өөрчлөгд. Хэт оройтохоос нь өмнө өөрчлөгд, наманчил. Тэр зүг рүү яваад байвал, буруу зүг рүү яваад байвал би та нарт тусалж чадахгүй. Та нарыг өөрчлөгдөж, буцаад эргэнэ гэдэгт найдаад би уриалж байна. Эгэл даруухнаар агуу Их Багшийг эрж, та нарыг дэвшүүлж, бүх нүглийг чинь халхалж, илүү сайн төрөлтөн болж хөгжихөд чинь туслах хангалттай хүчтэй гэгээрсэн Их Багшийг эрж олоод суралцана гэж найдаж байна. Тэгэхгүй бол тамаас гарах гарц үгүй. Дагагч нар чинь бас энэ нүглийг чинь, хамгаас аймшигт үйлийн үрийг чинь хуваалцаж, улмаар та нар бүгд тамд унаж, Маяагийн Хааны, тамын хааны боол болцгооно. Эсвэл та нар тамд унах ч гавьяагүй бол заримыг чинь бүр идэж ч мэднэ. Учир нь дахин боловсруулагдах аргагүй хэт муу байна гэсэн үг. Тийм учиртай. Тиймээс намайг нэг удаа сонсооч дээ. Буцаад эргэ. Гэмээ наманчил, даруу байж, явж, Их Багшийг эрж ол. Яв, Их Багшийг үнэхээр эрж олох хэрэгтэй шүү. Бурханаас, Буддагаас өөрийг тань Их Багш руу хөтөлж, өөрт тань тусалж чадах, нүглийг тань цэвэрлэж, буцаан Диваажинд хүргэж чадах агуу Их Багштай учруулахыг гуйн, залбир. Та нарын хүссэн Их Багш заавал би байх албагүй. Намайг дагах албагүй. Гэвч миний үнэн үгсийг сонсож, өөрчлөгдөх хэрэгтэй. Үгүй бол хэт оройтох болно. Бурхан та бүхнийг адислах болтугай. Будда туслах болтугай. Амен. Юу гээч... би энэ хүмүүстэй ярихгүй ээ, олон нийтэд хандаад ярьж байна. Сүүлийн үед яг л олон бошиглогчид, далдыг хардаг хүмүүс энэ цаг үед бүх л хорон санаа, нуугдмал чөтгөрүүд, муу хуурамч сургаалууд, хуурамч баг нар, хуурамч Будда нар гарч ирээд ил тод гарч ирнэ гэсний дагуу болж байна. Хүмүүс тэднийг мэдэх болно. Хэрэв хүмүүс одоохондоо та нарыг мэдэхгүй байлаа ч тун удахгүй илчлэгдэх болно. Надад итгээрэй. Тиймээс оройтохоос нь өмнө өөрчлөгд. Энэ үед, хорон муу бүхэн, муу зүйлс бүхэн гарч ирсээр. Хүчирхэг байсан бүх муу бүлгүүд, бүр хамгийн том ододтой, хамгийн алдартай хүнтэй, хүчирхэг ерөнхийлөгчийг таньдаг, ханхүүг мэддэг бүх муу бүлгүүд бүгд нарны гэрэлд гарсан мэт илчлэгдсэн. Тиймээс хуурамч бүхэн, худал хуурмаг бүхэн, муу түвшний, муу санаа зорилготой бүхэн дэлхийн энэ цаг үед илчлэгдэх болно. Маш аюултай, тун өвөрмөц сүйрлийн цаг үе. Тиймээс та нар хаашаа ч зугтаах боломжгүй. Илчлэгдэх болно. Photo Caption: Ухаалаг Амьдар, Хэмжээлшгүй Адислалд Умба
