Төгс Гэгээрсэн Их Багш Чин Хай (веган)-н 1999 онд Португалд айлдсан Европын айлдварын хэсгээс, “Бурхантай шууд холбогдох нь – Энх тайванд хүрэн зам мөр” номоос, нэвтрүүлгийн 2-ын 2-р хэсгийг

Яагаад энэ Аргын талаар Библид ярьдаггүй вэ Асуулт, хариултын хэсэг х. 58-59

“А: Бясалгал танд аяндаа ирдэг үү, эсвэл бясалгаж эхлэхээс өмнө урт хугацааны сургалт үүнд шаардлагатай байдаг уу?

Б: “Аяндаа ирдэг, сургалт ч бас шаардлагатай. Одоо аяндаа ирдэггүй, учир нь хэрхэн гэдгийг та мэдэхгүй. Бид танд харуулсны дараа аяндаа ирэх болно. Гэхдээ сургалт шаардана, бясалгахын тулд танд сургах ёстой учраас биш юм; Бурханыг сонсохын тулд өөрийгөө чимээгүй болгох ёстой байдаг. Үүнийг бид бясалгал гэдэг. Учир нь ихэнх цагт бид завгүй байх дуртай. […] Тэгвэл бидэнд Бурханд зориулах цаг байхгүй. Иймд өдрийн тодорхой цагт өөрсдийгөө чимээгүй болгоход суралцах ёстой юм. Тэр үед бид Бурхантай холбогдож чадна; Бурхан бидэнд хэлэхийг хүсэх зүйлийг бид сонсож чадна. Гэхдээ энэ бол ердөө л эхлэл. Хожим, зүгээр л аяндаа ирнэ”.

Бясалгалын цорын ганц нөхцөл: Цагаан хоолтон (веган байх) Асуулт, хариултын хэсэг х. 60-62

А: Та бясалгалын цорын ганц нөхцөлийн талаар ярьсан: мах идэхгүй, цагаан хоолтон (веган) байх. Миний асуулт бол тамхи, архи бясалгалтай хослох эсэх талаар.

Б: “[…] Мах, архи, тамхи, мансууруулах бодис гэх мэт нь биднийг илүү түрэмгий, тайван бус, түгшүүртэй болгож бид тайвширч чаддаггүй. Бид бүх зүйлийг тайвшруулж чадахгүй үед Бурханы илгээлтийг хүлээн авахад бэрхшээлтэй; ийм л юм. […] Амьтан (-хүний) энерги маш тайван бус, айдас, үзэн ядалтаар дүүрэн байдаг. Иймд хэрэв бид мах идвэл, бидний доторх соронзон орны талбартай зөрчилдөж бид их түгшүүртэй болдог. Заримдаа бидний харааг бүдгэрүүлж Бурханыг бид тод харж, тод сонсож чадахгүй болдог.

[…] Гэхдээ хэрэв бид улам илүү дээш, илүү нарийн руу, дараа нь хэлбэлзлийн хамгийн нарийн руу явахыг хүсвэл, энэ бүх цул материйг бид авч явж чадахгүй, ялангуяа амьтан (-хүний) энергийг. Веган энерги илүү хөнгөн, анхаарал тавихад илүү хялбар байдаг”.

А: Хэрхэн би Бурханыг харах вэ, ямар сүнслэг зам байдаг вэ? Үүнээс хойш би тодорхой харж чадах уу? Бясалгалд хамгийн тохиромжтой мөч нь хэзээ, аль нь вэ? Бурханыг үнэхээр мэдэхийн тулд би юу хийх ёстой вэ? Тэр хэзээ тогтмол оршдог вэ? Тэр намайг, дэргэд болон хол байгаа гэр бүлийг маань бүхий л замаар гэрэлтүүлдэг үү?

Б: “Нохой, муур багтах уу? […] Тийм, Бурхан хаа сайгүй байгаа, мэдээж хэрэг, гэхдээ ухаан бодлоо бид хэр чимээгүй болгохоос, хэр чимээгүй бид байж чадахаас, хэр чин сэтгэлтэй бид байхаас, Түүнийг хэр их бид үнэхээр мэдэхийг хүсэхээс хамаарна. Хэзээ танд тохиромжтой байна тэр үед Тэр гарч ирнэ. […] Энэ бол хүн бүрийн хувьд цаглашгүй адис юм, таны муур, нохойд ч мөн адил. Би тоглоогүй байна! Та гэрэлтүүлэгдсэн үед найзууд тань, хайртай хүн тань, та хэнийг л бодно, эсвэл халамжилна, адис танаар дамжиж тэр хүн рүү урсана. Иймд та гэр бүлдээ их хайртай бол таны асуусан байдлаар хүн бүрийг багтаасан, яаравчилж, ямар нэг зүйл хийн; Бурханыг мэдэж аваарай!”

Гэгээнтэн цаг үетэйгээ хөл нийлүүлэх хэрэгтэй! Асуулт, хариултын хэсэг х. 63-65

А: Бясалгал хийхэд юу урам зориг болдог вэ? Бурханыг харах, хэрхэн үнэхээр олж авахаа мэдэж авах, зүрхэндээ Түүнийг мэдрэх үү?

Б: “Тийм ээ, мэдээж хэрэг. Бурханыг мэдэх, зүрхэндээ биелэл мэдрэх; энэ бол бидний зорилго. Зүрхэнд тань биелэл төрөх болно. Үүнийг би амлана, учир нь би өөрөө үүнийг мэдэрсэн. Өөр илүү сайн зүйл байхгүй. Библид хэлдэг, Бүх дэлхийг олж авсан ч сүнсээ гээсэн бол ямар хэрэг байх вэ? Үүнийг би баталж чадна. Бурханыг ахин алдсанаас энэ ертөнцийг бүхэлд нь би алдахыг илүүд үзнэ. Гэхдээ энэ бол би. [...] Та энэ ертөнцийг бүхэлд нь өөртөө үлдээхийн зэрэгцээ Бурхантай хамт байх боломжтой, байх ёстой зам нь энэ юм. Одоо бидэнд зөвхөн энэ ертөнц байна харин Бурхан алга. Энэ харамсалтай, учир нь хоёулаа бидэнд байх боломжтой.

[…] Нэгэнт Бурхан бидэнд байвал бидэнд бүх зүйл байна. Эхлээд Бурханы Эзэнт Улсыг эрж ол, бусад бүх зүйл танд ирэх болно. Энэ бол биднийг төрөхөөс ч өмнө Бурханы бидэнд өгсөн амлалт юм, харин бид үүнийг мартчихсан, энэ бидний хувьд харамсалтай юм. Бид эрхээ буцааж авах ёстой, сүр жавхлангаа буцааж авах ёстой, бидэнд байгаа бүхнийг буцааж авах ёстой, учир нь ертөнц бүхэлдээ бидэнд харьяалагддаг. Гэгээнтэн байхын зэрэгцээ энэ ертөнцийг таалан баяс. Үзэсгэлэнтэй, чинээлэг Гэгээнтэн бай.

Бага зэрэг гэгээрсэн үедээ би олон эртний Гэгээнтнүүдийн алхмуудыг дагадаг байсан. Би бүх зүйлийг огоорсон. Би юуг ч хайхраагүй; Би юуг ч хүсээгүй учир нь миний сэтгэлийг татахаа больсон байсан. Гэтэл тэр үед Бурхан надад ингэж хэлсэн, “Танд бүх зүйл байх ёстой. Би Танд бүгдийг өгнө, бүгдийг, хүссэнээс Тань ч илүүг, хэрэгтэйгээс Тань ч илүүг. Намайг Эцэг болохыг Та дэлхийд харуулах ёстой, Би Танд юуг ч өгч чадна, сүнслэг сэрэлтийг ч бас. Намайг хайрлахын төлөө Та бүгдийг огоорох хэрэггүй, учир нь Та хэн ч байсан Би Танд хайртай”. Тэр намайг үүнийг хийх ёстой гэж хэлсэн; Би үүнийг сүр жавхлантай замаар хийх ёстой. “За, Эцэг минь, Таны хэлснээр хийе” гэж би хэлсэн. Энгийн байхыг би илүүд үзнэ; арай ажил багатай. Гэхдээ ийм байхад Тэр дуртай. За яах вэ! Тэрчлэн, намайг үзэсгэлэнтэй байхад та нар дуртай, үгүй гэж үү?

Түүнд би хэлсэн, “Гэхдээ Эцэг минь, Будда, Есүс зэрэг эртний Гэгээнтнүүд хөл нүцгэн явдаг байсан. Тэд энгийн хувцас өмсөж, бадар барихаар явдаг байсан. Юуны учир Та энэ бүх зүйлс надад байхыг хүснэ вэ? Энэ болно гэж үү? Учир нь энэ ертөнцийн ихэнх хүмүүс бүх зүйлийг огоордог, юу ч үгүй, ядуу харагддаг, хөл нүцгэн явдаг Гэгээнтнүүдийг хүлээдэг эсвэл дассан байдаг. Тэр хэлэхдээ, “Үгүй, үгүй! Энэ өөр цаг үе! Орчин үеийн болго! Цаг үетэйгээ хөл нийлүүлэхийн тулд чи орчин үеийнх байх ёстой” гэсэн. Иймд, надад миний хайхардаггүй олон зүйл байдаг”.

“Бурхантай шууд холбогдох нь – Энх тайванд хүрэх зам мөр” хаягаар төлбөргүй татан авч болно SMCHBooks.com англи болон аулак (вьетнам) хэлээр хэвлэгдсэн.