Клиник үхлийн тохиолдлууд, олон хэсэгт цувраллын 24-р хэсэг: Технологийн тухай хүүхэд, насанд хүрэгчдэд зориулсан Бурханы сэрэмжлүүлэг

Дэлгэц бүр дээр миний насны, зарим нь надаас бага, зарим нь том хүүхдүүд байсан ба бүгд гар утас, таблет, компьютер руугаа ширтэж байв. Есүс гунигтай харагдаж байсан. “Энэ бол би өдөр бүр хардаг зүйл. Эдгээр нь миний хайртай хүүхдүүд, гэвч тэд одоо намайг сонсохоо больсон.” гэж хэлсэн.

Өнөө үед хүүхэд, өсвөр насныхан, насанд хүрэгчид урьдынхаас ч илүү урт хугацааг электрон төхөөрөмж ашиглахад зарцуулж байна. АНУ-д найман настай болон түүнээс бага насны хүүхдийн ойролцоогоор 80 хувь нь iPad эсвэл таблет ашиглах боломжтой ба өсвөр үеийнхний 95 хувь нь ухаалаг утсанд нэвтрэх боломжтой. Насанд хүрэгчид өдөрт дунджаар хоёр цаг хагасыг нийгмийн сүлжээг гүйлгэн харахад өнгөрөөдөг. Эдгээр технологийн шинэчлэл нь суралцах, зугаацах, хайртай дотнын хүмүүстэйгээ холбогдох шинэ боломжуудыг авчирсан ч шинжлэх ухаанчид бүх насны хүмүүсийн дэлгэцийн өмнө өнгөрөөх хугацаа хурдацтай нэмэгдэж, сэтгэцийн болон бие махбодын ноцтой асуудлууд үүсгэж байгааг тогтоож байна.

Өнөөдрийн дугаарт бид Их Эзэн Есүс Христээс (цагаан хоолтон) эдгээр технологийн хүн төрөлхтөнд үзүүлж болзошгүй хор хөнөөлийн талаар мессеж хүлээн авсан өсвөр насны хоёр хүүхдүүдийн КҮТ-ыг толилуулж байна.

Бид 14 настай Мэдисон Тэйлор Бруксийн клиник үхлийн туршлагаас эхэлье. Аравдугаар сарын нэгэн бороотой өдөр Мэдисоны ээж нь түүнийг волейболынх нь бэлтгэлд хүргэх гээд явж байсан ба Мэдисон арын суудалд гар утсаараа нийгмийн сүлжээг гүйлгэн харж байв. Гэтэл гэнэт хүнд даацын ачааны машин хурдны зам дээр огцом дайрч, Мэдисоны гэр бүлийн унаж явсан жийпийг мөргөжээ. Мэдисон, түүний ах болон ээжийг суулгасан машин зам дээр эргэж өнхөрсөн бөгөөд гар утас нь түүний гараас сугарч унах мөчид бүх зүйл харлан тасарчээ. Мэдисоны сүнс дулаан гэрлийн хонгилоор дамжин аялсан ба хонгилын төгсгөлд Эзэн Есүс Христ (цагаан хоолтон) зогсож байлаа.

Эзэн Есүс Мэдисонд өөрт нь үзүүлэх маш чухал зүйл байгаа гэж хэлжээ.

Тэр над руу гараа сунгалаа. би түүний гараас атгатал гэнэт бид өөр газар очсон байв. Энэ нь агаарт хөвж буй мянга мянган дэлгэцтэй асар том танхим шиг харагдаж байлаа. Дэлгэц бүр дээр миний насны, зарим нь надаас бага, зарим нь том хүүхдүүд байсан ба бүгд гар утас, таблет, компьютер руугаа ширтэж байв. Есүс гунигтай харагдаж байсан. “Энэ бол би өдөр бүр хардаг зүйл. Эдгээр нь миний хайртай хүүхдүүд, гэвч тэд одоо намайг сонсохоо больсон.” гэж хэлсэн.

Эзэн Есүс дараа нь сөрөг хүчнүүд энэ технологийг ашиглан залуусыг хэрхэн удирдаж буйг харуулсан.

Дэлгэц бүрийг над шиг хүмүүс бөгтийж, юу ч бодохгүй гүйлгэн харж байлаа. Харин сонин зүйл нь хүн бүрийн эргэн тойронд хар сүүдэр мэт дүрснүүд байсан ба тэд чихэнд нь ямар нэгэн зүйл шивнэж байв. “Эд бол дайснуудын зарц нар” гэж Тэр хэлсэн. “Тэд дэлгэцээр дамжуулан худал ярьдаг.” Тэр намайг нэг дэлгэц рүү авчирсан бөгөөд миний насны охин Инстаграм-г гүйлгэн харж уйлж байлаа. Түүний хүзүүнд хүнд гинж мэт зүйл зүүлттэй байсан бөгөөд тэр гинжний үзүүрт нь гар утас нь байжээ. Охин хуруугаараа дэлгэцээ гүйлгэх бүрд сүүдрүүд гинжинд өөр шинэ хэлхээ нэмсээр байсан.

Бид өөр нэг дэлгэц рүү шилжив. Арван хоёр орчим настай нэг хүү хүчирхийлэлтэй тоглоом тоглож байлаа. Тоглоомд хүн устгах тоолон түүний эргэн тойрон дахь сүүдрүүд томорсоор байв. Түүний уур хилэн өсөж байна. Түүний энэрэн нигүүлсэхүйг мэдрэх чадвар нь агшиж байна.

Дараа нь Мэдисон нийгмийн сүлжээнд донтож амьдралаа алдаж өнгөрүүлсэн үнэт мөч бүрийг харжээ.

“8,422 цаг” гэж Есүс аяархан хэлсэн. “Чиний амьдралдаа дэлгэцэд зориулсан хугацаа чинь ийм их болсон.” гэв.

Дараа нь Эзэн Есүс хэрэв түүний гэр бүл технологийн хэрэгслээ хойш тавьж, хамтдаа илүү их цагийг өнгөрөөсөн бол амьдрал нь ямар байхыг Мэдисонд үзүүлжээ.

Манай зочны өрөө байсан, гэхдээ арай өөр харагдаж байв. Манай гэр бүл тоглоом тоглож байлаа. Нэг ч гар утас алга. Бүгд инээлдэж байна. Гадаа бороо асгарч байсан нь ослын өдөртэй адилхан байв. Гэхдээ дотор дулаахан, гэгээлэг байсан. Ээжийн жигнэмгийн үнэр бараг хамар цоргиж байх шиг санагдсан. “Хэрэв утсаа хураасан бол өнөө орой ийм байж болох байсан” гэж Есүс зөөлөн хэллээ.

Дараа нь Мэдисоны сүнс бие рүүгээ эргэн оржээ. Тэр КҮТ-ыг эцэг эхдээ ярьсны дараа тэд нийгмийн сүлжээний ихэнх аппликейшнээ устгаж, аав нь ажлынхаа компьютерыг гэртээ авч ирэхээ больж, ах нь видео тоглоомоо багасгасан байна. Тэд гэр бүлийн цагаараа утсаа хайрцагт хийж орхиод тоглоом тоглодог болж эхэлжээ. Өөрийн КҮТ дээр үндэслэн Мэдисон технологийн талаар эцэг эх болон хүүхдүүдэд хандан сүүлчийн яаралтай захиасаа хуваалцсан юм.

Энэ бичлэгийг үзэж буй эцэг эхчүүд ээ, намайг сонсооч. Та хүүхдүүдийнхээ төлөө зоригтой байх хэрэгтэй. Тэд өөрсдөө тогтоож чадахгүй хил хязгаарыг та тогтоох шаардлагатай. Тэд Бурхны дуу хоолой дэлгэцээс ч чанга сонсогдох орон зайг танаар үүсгүүлэх хэрэгтэй. Хэрэв миний насны хүүхэд энэ бичлэгийг үзэж байгаа бол дагагчийн тоо чиний үнэ цэнийг тогтоохгүй гэдгийг санаарай. Сүүдрүүд чамайг “юмнаас хоцроод байна” гэж итгүүлэхийг хүсдэг. Гэхдээ үнэндээ тийм биш. Амьдрал, жинхэнэ амьдрал яг одоо, чамайг тойрон өрнөж байна. Есүс чиний анхаарлыг татахыг хичээж байна. Утсаа тавиад, Дээш хараарай. Тэр чамд юу үнэхээр чухал болохыг үзүүлэхээр хүлээж байна.

Эхний КҮТ өнөөгийн технологийн төхөөрөмжүүдийн аюулын талаар тодруулсан бол, хоёр дахь КҮТ шинээр гарч ирж буй ирээдүйн нэгэн аюултай технологийг онцолно.

2023 оны 10-р сарын 18-нд 14 настай Тайлер Жеймс Моррисон сургуулийнхаа цайны газар өдрийн хоолоо идэж байлаа. Тэр жигнэмэг хазах мөчид хоолой нь хавдаж эхэлсэн бөгөөд сургуулийн сувилагч хурдан сэхээн амьдруулах үйлдэл хийжээ. Дараа нь Тайлерын сүнс биеэс нь хөвөн гарчээ. Гэнэт Эзэн Есүс Христ (цагаан хоолтон) залуу Тайлерын өмнө энэрэнгүй, сайхан инээмсэглэлтэйгээр гарч ирсэн байна. “Надад чамд үзүүлэх маш чухал зүйл байна” гэж Есүс хэлжээ. “Дэлхий бүхэлдээ үүнийг ойлгох ёстой.” гэжээ.

Эзэн Есүс Тайлерыг дэлхийн гадаргаас гаргаж, олон нийтийн сайн мэдэх нэг хүнийг зааж харуулав: Илон Маск. “Чи тэр хүнийг харж байна уу?” гэж Есүс заахад би тэр дүрийг шууд танилаа. Тэр бол Илон Маск байсан. Тэр бүх талаараа дэлгэцээр дүүрсэн асар том удирдлагын өрөө шиг газарт зогсож байлаа.

“Тайлер аа, чи анхааралтай сонсох хэрэгтэй. Энэ хүн удахгүй бүхнийг өөрчлөх зүйл зарлана. Тэр хүн төрөлхтөнд тусалж байна гэж боддог ч тэр гаргаж ирэх гэж буй зүйлийнхээ сүнслэг тэмцлийг ойлгохгүй байна” гэж Есүс хэлэв.

Тайлер дараа нь Илон Маскийг шинэ технологийн талаар олон нийтэд ярьж байх үедээ хар сүүдрүүдээр хүрээлүүлсэн байгаагаар харжээ. “Тэр хүн төрөлхтөнд оюун санаагаа шууд машинтай холбох аргыг санал болгох гэж байна. Энэ нь хүмүүсийг ухаалаг болгож, өвчнийг нь эмчилж, тэдэнд туслах болно гэж хэлэх ч энэ технологийн цаана үнэндээ юу байгааг тэр ойлгохгүй байна.” Гэтэл Илон Маскын эргэн тойрон дахь өрөө гэнэт хүн ч биш, амьтан ч биш хар дүрст зүйлсээр дүүрч, тэд чихэнд нь шивнэж, тэр сонсож байгаа мэт толгой дохиж байлаа. “Тэд бол чөтгөрүүд” гэж Есүс аяархан хэлэв. “Тэд хүмүүсийн оюун санааг өөрсдийнх нь хүлсээр нээлгэж, намайг үүрд алдахад хүргэх зүйлд итгүүлэхийг хүсэж байна.”

Тайлер дараа нь ирээдүйн нэгэн үзэгдлийг харжээ. Дэлхий даяар сая сая хүн эмнэлэг, клиникт тархины чипийн суулгац авах гэж дараалсан байлаа. “Хүмүүс энэ чипийг хүлээн авах үед, тэдний бодол бүрэн өөрийнх нь байхаа болино. Дайсанд оюун санаа руу нь шууд нэвтрэх зам гаргаж өгнө. Тэд өөрсдөө шийдвэр гаргаж байна гэж бодох ч Миний дуу хоолойг сонсох, нүглээ наманчлах, жинхэнэ гэмшлийг мэдрэх чадвар нь бүгд бүрхэг болно.” гэж Есүс тайлбарлав.

Дараа нь Эзэн Есүс Тайлерт энэ суулгацыг хийлгэхээс татгалзсан хүмүүсийг Бурхан шагнана гэж хэлжээ. “Хуурамч технологийн амлах амлалтаас татгалзсан хүмүүс Миний Хүчийг орчин үеийн сүм хэзээ ч үзээгүй хэмжээнд мэдрэх болно” гэж Есүс айлдав. “Би жинхэнэ гайхамшгийг мартсан энэ ертөнцөд Миний хайр болон Хүчийг харуулах үлдсэн хүмүүсийг бэлтгэж байна.”

Тайлерт энэ мэдээг яагаад хүн төрөлхтөнд дамжуулж өгөх ёстойг нь тайлбарлажээ. “Тайлер, чиний үеийнхэн энэ мэхлэлтэд хамгийн их өртөнө. Энэ технологийг танай үеийнхэнд хөгжилтэй, хүн төрөлхтний хувьслын дараагийн алхам мэтээр сурталчилна. Тоглоом, нийгмийн сүлжээ, хийсвэр бодит байдал гээд бүгд эхэндээ гэм хоргүй зугаа цэнгэл мэт санагдана.” “Би чамайг буцааж явуулж байна, учир нь залууст анхааруулга өгөх чиний насны хэн нэгэн хэрэгтэй байна.”

Дараа нь Эзэн Есүс Тайлерт хүн төрөлхтөнд зориулсан сүүлчийн захиас өгчээ. “Тэдэнд хэлээрэй, технологиос айх юм уу дэлхийгээс нуугдах нь хариулт биш. Хариулт нь Надтай ойрхон байх явдал юм. Ингэснээр тэд Надаас ирсэн зүйл, дайснаас ирсэн зүйлийг ялгаж чадна.”

“Тэдэнд би Илон Маскийг хайрладаг гэж хэлээрэй. Түүнийг үзэн ядах биш, түүний төлөө залбираарай гэж хэлээрэй. Тэр мэхлэгдсэн байгаа ч Миний хүрэхгүй газар биш. Хэрэв хангалттай олон хүн жинхэнэ хайраар залбирвал би түүний нүдийг оройтохоос нь өмнө нээж чадна.”

Дараа нь Тайлер эмнэлгийн орон дээр гэнэт амьсгаадан сэржээ. КҮТ-аасаа хойш Тайлер дэлхий дээр урьд өмнө байгаагүй цаг үе рүү орж буй мэдээг хуваалцсан юм.

Хамгийн чухал нь, бүү ай. Есүс бүхнийг удирдсаар байгаа. Тэр ямар ч технологи, ямар ч чөтгөр, дайсны ямар ч төлөвлөгөөнөөс илүү хүчтэй хэвээр байна. Түүнтэй ойр бай, Түүний Үгийг судал, хэрэгтэй мөчид Тэр чамд мэргэн ухаан өгнө гэдэгт итгэ.”

Мэдисон Тейлор Брукс, Тайлер Жеймс Моррисон та хоёрт хувийн технологийн хэрэгслүүд болон ирээдүйн технологийн боломжит хор уршгийн талаар Бурхнаас ирсэн энэ ухаарлыг хуваалцсанд маш их баярлалаа. Манай үзэгчид эдгээр захиаснуудыг хэрэгжүүлнэ гэж найдаж байна! Дэлгэцийн өмнө өнгөрөөх цагаа хязгаарлаж, хор хөнөөлтэй онлайн контентоос хол байгаарай. Үүний оронд Байгальд илүү их цагийг өнгөрүүлж, хайртай хүмүүстэйгээ илүү ихээр холбогдоорой. Хөгшин, залуу үл хамааран хүн бүхэн Бүхнийг Чадагч Бурхантай жинхэнэ харилцааг эрж хайж, гэмшиж, веган болох болтугай. Ингэж сөрөг хүч үүрд устаж, Дэлхий бүгдэд таатай гайхамшигт диваажин болох болтугай!