Дэлгэрэнгүй
Татаж авах Docx
Дэлгэрэнгүй уншаарай
Та Таван (Ариун) Нэрс ямар үнэ цэнтэйг мэдэхгүй байна. Бүгдийг нь санаж байх ёстой! Үгүй байсан бол надад нэгийг л заахад хялбар байх байлаа. Та юу ч мэдэхгүй байна. Бүх Таван (Ариун) Нэрсийг хүртэх гэж гурван удаа төрөл авсан хүн бий, учир нь хоёрхон нэр эсвэл нэгийг нь л заадаг Их Багш нар бий.Гучаадхан жилийн өмнө Энэтхэгт тийм зүйл болж байсан. Нэг хүн Баба Саван Синг хэмээх Их Багш дээр ирж байсан. (Дотоо Диваажингийн) Гэрэл ба (дотоод Диваажингийн) Аялгуу заадаг нэг Их Багш байсан юм, тэр олон жилийн өмнө нас барсан. Нэрийг нь Баба Саван Синг гэдэг. Тэр хүн Баба Саван Синг дээр ирж авшиг хүртэхийг хүссэн. Биасийн номоос би уншсан юм. Тэгтэл Багш нь шавьд хандан өнөөдөр авшиг байхгүй учраас түүнийг хүлээх ёстой гэсэнд шавь доош бөхийн уйлж, “Би гурван удаа ирсэн ч тав дахь Нэрийг хүртээгүй л байна, Их Багш нэг удаад нэг юм уу хоёр л Нэрс зааж байсан бөгөөд дараа нь нэг бол Их Багш, үгүй бол би өөд болсон. Тийм учраас би хоёр дахиа, гурав дахиа ирэх ёстой боллоо. Одоо би хаашаа ч явахгүй, нэн даруй авшиг хүртмээр байна.” гэсэн. Тийм зүйл болсон. Тиймээс үүнд таларх, учир нь бүх Их Багш нар мэдэх чадах зүйлсээ шууд өгчихдөггүй. Эргэж ирмээргүй байвал сайтар эрхэмлэн нандигна. Хэрэв би байгаа зүйлээ өгчихвөл зарим хүмүүс үүнийг нандигнадаггүй, гэвч яалтай билээ? Тэднийг зодох юм уу, дөрвөн жил турших уу? Нандигнаг гээд яг л Мял Богд шиг эсвэл тэр Энэтхэг хүн шиг турших уу?Авшиг хялбар эсвэл хэцүү байх эсэх нь Багшаас хамаардаг. Хэцүү Их Багш бий, тэр нь Түүний зан авир, зан чанар, гэгээрэлтэй ямар ч хамааралгүй. Их Багш бүр өөрийн гэсэн зан чанар, ажиллах систем, арга барилтай. Тэр тийм байлгах биш, ийм байлгахыг хүсдэг ба үүнийг өөрчлөх боломжгүй, гэвч энэ нь түүний гэгээрэлтэй ямар ч хамааралгүй. Жишээлбэл хоёр Их Багш адилхан гэгээрлийн түвшинтэй ч шавь нартаа хоёр өөр арга замаар зааж сургадаг. Тийм учраас зарим шавь нар нь хурдан дэвшиж эсвэл удаан дэвшиж, эсвэл бүр огт дэвшдэггүй, эсвэл маш удаан, хоёр, гурван төрөл. Тийм учраас Буддагийн цаг үед, эсвэл бусад Их Багш нарын үед, тийм ч эрт дээр үед биш 100 орчим жилийн тэртээ энэ Дэлхийгээс гэтлэгдэхэд дөрвөн удаа төрөл авах шаардлага гарсан байна. Дөрвөн төрөл.Бидэн шиг биш, ганц биш, учир нь би өгч болох, байгаа бүх хүчээ өгсөн. Юу ч хадгалаагүй. Хэрэв би маргааш үхвэл та нар үргэлжлүүлэх боломжтой, ойлгов уу? Эсвэл та нар маргааш үхвэл, далд ухамсар, сүнс тань хэдийнээ ийм ухааралтай байх учраас би та нарыг Диваажинд үргэлжлүүлэн замчлах боломжтой. Энэ мэдлэгийг хүлээн авахын тулд энд эргэж ирэх шаардлагагүй. Тиймээс Их Багш нар маш ялгаатай.Тийм учраас Мял Богд Их Багшдаа дөрвөн жил, эсвэл долоон жил үйлчлэх ёстой болсон – мартчихаж. Тэгээд өдөр болгон Түүнийг доромжилж авшиг хүртэх хүртлээ маш шаргуу ажиллах ёстой болсон, гэхдээ яаж! Грект, хуучны системд бол авшиг хүртэхэд долоон жил шаарддаг байв, бүхнийг хүртэх хүртэл долоон жил. Тийм зүйл бий. Будда бас бүгдийг нэгэн зэрэг өгдөггүй байсан. Тийм учраас зарим хүмүүс ердөө дөрвөн төрлийн дараа л бүрэн гэтлэгдэж, эсвэл гэгээрдэг байсан. За. Тийм, тийм.Тийм үү? (Би анагаах сэдвийн тухай ахиад асууя. Таныг би зөв ойлгосон уу мэдэхгүй байна. Бид хүчээ сарниахгүй төвлөрүүлэхийн тулд анагааж болохгүй юу?) Тийм, яагаад гэвэл маш их гарз. (Гарз.) (Гарз.) Гарз. Яагаад тэгж хэлснийг ойлгож байна уу? Жишээлбэл та эмч болъё гэвэл сувилагч бас бий. Сувилагч сувилагчийн ажилтай, эмч эмчийн ажилтай. Эмч сувилагчаас илүү чухал, гэсэн ч сувилагчийн ажил бас маш чухал. Гэвч эмчийн мэдлэг илүү агуу ба тэр өвчтөнүүдийн төлөө илүүг хийдэг. Хэрэв эмч сувилагчийн ажил илүү хийж, жишээ нь цэвэрлэж, дэвсгэр даавуу солиод байвал түүнд өвчтөнүүддээ мэдлэгээ зарцуулах цаг зав гарахгүй. Хэдийгээр аль аль ажил нь чухал ба хоёул өвчтөнүүдэд үйлчилдэг ч эмч эмчийн ажлаа л хийх ёстой. Энэ ялгаварлал биш, ингэж цэгцтэй байх ёстой. (Гэхдээ тэр бол анагаагч шүү дээ?) Тийм, гэхдээ тэр бусдыг анагаадаг. Тэр заавал тариа тарих албагүй, бүхнийг хийх боломжтой: дотор гаднах зүйлс, хагалгаа гэх мэт. Тэр дэвсгэр даавуу солих юм уу бусад жижиг зүйлст санаа зовж цагаа гарздаж болохгүй. Хэн ч тийм зүйл хийж чадна, харин эмч зөвхөн эмч байна. Сувилагч эмч байх боломжгүй ч эмч эмч бас сувилагч болох боломжтой. Гэхдээ тэр үргэлж сувилагчийн ажилд оролцох шаардлагагүй, яагаад гэвэл тэр хэвээрээ л байдаг...Хэрэв эмч үргэлж сувилагчийн ажилд анхаараад байвал юу болно гэж бодож байна? (Тийм ээ, би харьцуулалтыг ойлголоо. Гэхдээ яагаад бидэнд анагаахыг зөвшөөрдөггүйг ойлгохгүй юм. Өвчтэй нэгэнд гэрэл илгээх ч юм уу үйлдэл.) Үнэхээр шаардлагатай бол - гэхдээ маш олон эмнэлгүүд байна, маш их эм тариа, дэвшилтэт анагаахын шинжлэх ухаан байхад бид үргэлж энэ тэрүүгээр явж “би” үзлээрээ би энийг эмчилж, тэрийг эдгээдэг” гэх шаардлагагүй. (За.) Энэ бол бидний ажил биш! Та нар хийх хангалттай ажил бий.(Рок концертын дараа би гэнэт сонсголоо алдсан, тэр мөчөөс хойш өнгөрсөн хоёр жилийн хугацаанд хоёр чих хоёулаа дүнгэнэдэг. Дотоод (Диваажингийн) Аялгууны бясалгал хийж байхдаа үүнийг яаж зохицуулах вэ?) Яагаад? (Баруун болон зүүн талаас чимээ байдаг юм.) Зүүн талдаа анхаарал хандуулах шаардлагагүй. Тэгээд л гүйцээ. Үргэлжлүүлэн бясалга, зүүн талаа битгий тоо.Энд, түүнд хэзээ ч боломж гараагүй. Тийм, та асууж байсан, түр хүлээгээрэй. (Та бидэнд (Таван Ариун Нэрс) өгсөн, таван доод ертөнц. Биднийг Та бас Таван Түвшнөөс дээших илүү өндөр түвшнүүдэд хөтлөх үү?) Таван (түвшнөөс) дээш үү? (Тийм.) Тийм, гэхдээ та нарт би шаардлагагүй болно. Тийм, заримдаа хэдүүлээ хамт алхаж болох ч та нарт намайг дагах шаардлага байхгүй болдог. Хэдийгээр та нар мэргэжлийн нэг их туршлагагүй ч дунд сургуулиа төгсдөг ба улмаар биеэ даадаг. Өмнөх багш нар тань үргэлж хамт байх шаардлагагүй болно биз дээ? (Тийм.)Энд, энд, энд. Та асуугаагүй байгаа, тэгээд явуулаарай. За асуу. (Эдгээр Таван Ертөнцийн (Ариун Нэрсийг) яг таг зөв унших нь чухал эсэхийг асуух гэсэн юм. Үнэндээ ямар нэг зүйлийг зөв хийж, хязгааргүй хэмжээгээр буруу хийгддэг. Тиймээс нэг удаа зөв байх ёстой.) Өчигдөр би тэд бүгдэд дөрвөн удаа давтаж хэлсэн. Ахиад л зөв. Тиймээс дараа асуу. Дараа давтъя. (За, баярлалаа.) За. Магадгүй дараа та тэдэнд ахиад Таван (Ариун) Нэрсийг заагаад өгөөрэй. Би дараагийн зогсоол, дараагийн улсад дуу хоолойгоо хадгалах ёстой. Надад илүү хийх ажил бий. Тиймээс нэг шавь заах болно. Шавь нарын нэг нь та нарт давтаж өгнө. Үргэлжлүүлэн ажилласаар байхын тулд би дуу хоолойгоо амраах ёстой.Тиймээс гуйя. (Ахиад нэг асуулт байна: Та болон адилхан арга заадаг Сант Такар Синг хоорондоо ямар ялгаатай юм бэ, энэ нь Сурат Сабд Йог нэртэй, яг адилхан авшиг хүртээдэг. Би яг адилхан үгс сонсоод их гайхлаа.) Тийм. Яг тийм бол яг адилхан. Хоёр сармагчин(-хүмүүс) нэгнээ харахад адилхан. Ийм зүйл гайхширууллаа гэж үү? Та мэдэж байсан. (Тийм.) Ирэхээсээ өмнө та мэдэж байсан. (Үгүй, яг адилхан гэж мэдээгүй.) Та дээр надтай хамт байгаагүй юу? Үгүй юу? (Өчигдөр үү?) 435-р өрөөнд? Үгүй юу? (Үгүй.) Аан за. Өөр нэг хүн бас асуухад нь би “Тийм байдаг” гэж хэлсэн.(Учир нь би 1991 онд Сант Такар Сингээс авшиг хүртсэн ч...) Тэгвэл тэндээ байж болно. (Үгүй ээ, надад эндэх шиг үр дүн байгаагүй учраас би гурван сар яваад больсон.) Тэр гарах хэрэгтэй юу? Гар гар. Та гараарай. Түүнийг хэрэгтэй газар нь хүргэ. (Гурван сарын дараа би больсон...) Энэ чухал биш. Та эндээ үлдэх эсвэл тэнд очих ялгаагүй. Бид үргэлж бусад их багш нарыг ярих шаардлагагүй. Хийх илүү чухал зүйлс бий. Хийх илүү чухал зүйлс байгаа. Их олон багш нар бий, тэгээд юу гэж? Яагаа вэ? Юу нь тийм чухал юм? Та нар өөр бусад их багш нартай биш нэг их багштай барилдлагатай. Тиймээс нэг бол энд ирж, үгүй бол тэнд оч. Хэлээд байх зүйл үгүй. Хэрэв би танд 90% таалагдаж, харин нөгөө их багш 50% таалагдаж байвал та надтай, энэ бүлэгтэй, энэ сургуультай байх учиртайгаа мэднэ. Хэлээд байх юм байхгүй.(Өчигдөр би (дотоод Диваажингийн) Гэрэл харж, (дотоод Диваажингийн) өнгө, Аялгуу сонсож байна гэж бодтол тийм биш байсан.) Ингэтлээ сэтгэл дундуур байх та юу харсан юм? (Юу ч биш.) Цагаан уу, юу вэ? Хар уу? (Үгүй, үгүй, юу ч хараагүй.) Хар ч биш үү? (Заримдаа би бага зэрэг аялгуу сонсоод галт тэрэгний ч юм уу хөдөлгүүр байна гэж бодсон.) Аан тийм, тэр бол эхний түвшин. Магадгүй та тийм ч өндөрт хүрээгүй байх. Ахиад үз. (Баярлалаа.) Хэрэв ийш харвал, үргэлж Гэрэл байх албагүй. Учир нь хүн бүр өөр. Хэн нэгэн хоёрдугаар түвшинд хүрэхээрээ шар өнгө, шар гэрэл хардаг. Гэвч нэгдүгээр түвшинд байвал магадгүй зөвхөн харанхуйг харна, хар үүлс хөдлөх юм уу, зөвхөн хар барааныг л харна. Заримдаа хоосон, юу ч байхгүй - хоосон дэлгэц, хана л байдаг. Тиймээс тэвчээртэй байж дараа оргил өөд авир. (Баярлалаа.)За, асуугаарай. (Өчигдөр орой би нэг зүйл ойлгосонгүй. Нэг хатагтай Танаас охинд нь туслаач гэж гуйхад та Түүнд...) Би тийм зүйл хийдэггүй. (Үгүй, мэднэ ээ, гэхдээ анагаагчийн тухайд өөр асуулт гарч ирж байна.) Та нар үргэлж материаллаг түвшинг асуух юм! Дээшилж, сүнслэг зүйлсийн тухай асуу - тэгвэл та нарт сайн! (За, гэхдээ... Тийм, хэнд анагаахыг зөвшөөрдгийг мэдэх гэсэн юм? Та нэг анагаагч санал болгосон.) Би юу ч санал болгоогүй. (Та хатагтайд, “Анагаагч дээр очсон уу?” гэж хэлсэн. Тийм, яагаад гэвэл... (Эсвэл би буруу ойлгов уу?) Учир нь олон анагаагч байдаг. Бид бол анагаагч биш, ойлгов уу? Бидний ажил биш, бусдын ажил, тэд хүссэнээ хийдэг.(Тэгвэл... би нухацтай зүйл гэж бодсон. Зүгээр л ойлгоогүй.) Бусад хүмүүст хамааралтай эдгээр зүйлсийг та нар ойлгох шаардлагагүй. (Үгүй, би адилхан асуудалтай болохоор л.) Би тэр ээжийг тайтгаруулах гэж чадлаараа хичээсэн төдий. Эх хүн тайтгараг гэж бид тэр нөхцөлд чадах зүйлээ л хэлсэн. Түүнтэй ямар ч хамааралгүй, тантай ямар ч хамааралгүй. Эдгээр материаллаг зүйлст хэт их анхаарах юм, маргааш энэ нь арилж мэднэ. Үүнд та санаа зовох ямар ч шаардлагагүй. Та сонссон уу? Үнэхээр үзэсгэлэнтэй, царайлаг, залуухан хүү аль хэдийнээ өөд болчихсон. Танд бол огтхон ч хамаагүй. Энэ бие чухал биш. Надад бас өвчин байна, бас ханиад байна, тэгээд юу гэж?Photo Caption: Ногоон Байх Гэж Зүтгэж Байгаад Тань Баярлалаа!!!
