Дэлгэрэнгүй
Татаж авах Docx
Дэлгэрэнгүй уншаарай
2026 оны зургаадугаар сарын 24. Дэлхийн Энх тайвны энерги хуримтлагдсаны улмаас БУРХАН намайг өнөөдөр дахиад бас л майхнаас минь гаргахгүй байна. Өчигдөр бас үдээс хойш мөн адил байсан. Гэвч БУРХАНЫ авралаар би бүтэн өдөр бараг хөдөлгөөнгүй байх шаардлагагүй байлаа. БУРХАН тэгж тушаасан ч би хийх л ёстой. Надад Суприм Мастер Телевизийн нэвтрүүлгүүдийг хянаж, шалгаж, засварлах ажил байна. Энэ өдрүүдэд багийнхан надад тэвчээртэй хандана гэж найдъя. Учир нь заримдаа засварласан, эсвэл шалгасан нэвтрүүлгээ ердийнх шиг эрт илгээхгүй байгаа. Гэхдээ би хугацаанд нь хийдэг. Сүүлийн өдрүүдэд шинээр зохицуулагдсан энх тайвны төлөөх хүсэл зориг нь энхийн үйл явцыг арай хурдан болгоход тусалсан бололтой. Гэхдээ бид тэвчээртэй байх болно. Бид тэвчээртэй байх хэрэгтэй. ЭЗЭН-ийг магтъя ЭЗЭН-д талархъя. Гол нь надад хийх ажил их байна. Би өөрийн санааны зоргоор хурдан, хүссэн цагтаа хийж болохгүй байна. Мөн хооллох цаг маань ч тогтмол байхаа больсон. Өмнө нь ч угаасаа бараг тогтсон цаггүй байсан. Одоо бүр ч тогтворгүй болсон. Заримдаа юм идэх хэрэгтэй юм шиг санагддаг ч, жишээлбэл майхандаа хөдөлгөөнгүй байх ёстой тул чаддаггүй. Зарим өдөр нэлээд халуун байдаг ч гадаа гарч салхилж чаддаггүй. Гэхдээ хийж болохоор, тэвчиж болохоор. Би зүгээр байна. Надад бүү санаа зовоорой. Би та нарыг боломж гарах бүрд бясалгалаа хийхэд анхаараасай гэж хүсэж байна. БУРХАНЫГ магтаж, БУРХАНЫГ үргэлж хайрлаарай. Үүнээс илүү чухал зүйл үгүй. Би хүртэл чухал биш. Би насанд хүрсэн хүн. Би хатуу чанга. Би өөрийгөө арчилж чадна. Бүх юм болоод өнгөрнө. Сайн мэдээ, муу мэдээ, бүх зүйл болоод өнгөрнө. Гэхдээ бид веган дэлхий, энх тайван дэлхийтэй болох ёстой. Эс бөгөөс манай гараг бүхэлдээ устаж үгүй болно. Тэгэх аваас Гэгээрсэн Их Багш болон надаас авшиг хүртсэн, БУРХАН-ы Таалал, БУРХАН-ы Ивээлээр авшиг хүртсэн хүмүүсээс бусад бүх сүнс цааш ахиж чадахгүй. Авшигтнууд өөр гараг, сүнслэг оршихуйн бусад түвшнүүдэд үргэлжлэн оршино. Харин бусад нь үйлийн үрийнхээ дагуу явах ёстой болно. Тиймээс тэд Гурван Ертөнц буюу устаж болох Гурван Ертөнцийн доторх доогуур диваажингуудад очно, эсвэл тамд унаж богино хугацаагаар ч бай, мөнхөд ч бай зовлон эдэлнэ. Гэхдээ тэдэнд дахин боломж олдохгүй. Хэрэв энэ гараг устгагдчихвал тэдэнд туслахаар энэ гараг дээр ямар ч Их Багш ирэх боломжгүй болно. Тэдний сүнс олзлогдохгүй ч гэлээ тэд мөнхөд зогсонги байдалд байх хэрэгтэй болно. Эрх чөлөөтэй болох, эрх чөлөөг сонгох боломж дахин гартал хэчнээн эрин галав өнгөрөхийг мэдэхгүй. Авшиг хүртэж чөлөөлөгдөхийг сонгох боломж тэдэнд одоохондоо байсаар байна. Гэгээрсэн Их Багшаас авшиг хүртэхэд, Их Багшийн гэгээрлийн түвшин өндөр байх тусам та нарт мэдээж илүү сайн. Гэхдээ та ямар нэг хэмжээгээр мэргэн ухаантай, эсвэл үнэхээр чин ариун зүрх сэтгэлтэй биш л бол сайн мэдэхгүй. Чин сэтгэлтэй бол таны хувьд энэ гараг дээр боломжит хамгийн дээд Их Багш хэн болохыг мэдэж, мэдэрч магадгүй. Эс бөгөөс та БУРХАН-д, бидний Эцэг Эх МАПА-д чин сэтгэлээсээ дахин дахин залбирч, зам мөрийг заан, баталгаажуулахыг гуйх хэрэгтэй. Заримдаа Их Багшийг танд дотоод үзэгдлээр, эсвэл бусад Их Багш нараар баталгаажуулж өгдөг. Заримдаа бусад Их Багш нар, өөд болсон Их Багш нар танд амьд Их Багшийг санал болгодог. Гэрээс гарсан нэг шавьд минь ийм зүйл тохиолдсон. Тэр цөхрөнгөө барчихсан байсан. Тэр оюутан, энгийн ажилчны амьдралаар, ганц бие амьдарч, ойр хавьдаа эцэг эх, төрөл садан, найз нөхөдгүй, хэнтэй ч хамаагүй үдэшлэгт явж, архи ууж, тамхи татаж, ийм уур амьсгал, нөхцөлд охидтой танилцаж, өвчин тусаж, тэднийг жирэмсэн болгож, хариуцлага хүлээх, эсвэл үр хөндүүлэх шийдвэр гаргах гэх мэт зүйлстэй тулгарч байжээ. Тиймээс тэр аргаа бараад Их Багш Парамаханса Йоганандад сэтгэлээсээ залбирсан. Үнэхээр цөхрөнгөө барж, их чин сэтгэлээсээ залбирсан. Тиймээс Их Багш Йогананда түүнд Төгс Гэгээрсэн Их Багш Чин Хайг олж оч гэж хэлсэн. Энэ бол авшгийн дараа түүний надад ярьсан түүх. Гэхдээ тэр авшгийнхаа дараа шууд надад хэлээгүй. Надтай биечлэн ярих боломж гарах хүртэл нь олон арван жил өнгөрсөн. Тэгээд тэр надад энэ түүхийг ярьсан. Бид даяанд байхдаа надтай ярих, захидал бичихийг хэнд ч хэзээ ч хориглож байгаагүй. Гэвч тэр энэ бүх арван жилүүдэд, бид бусад олон Барууныхантай хамт ашрамд амьдарч байх үед ч үүнийг өөртөө хадгалсаар байжээ. Тэр магадгүй дотогшоо, маш ичимхий, үг дуу цөөтэй хүн байх. Иймээс авшиг хүртсэнээсээ хойш хорь гаруй, бараг гучин жил өнгөрсний дараа энэ явдлыг надад ярьсан юм. Та зөн совиндоо итгэх, эсвэл залбирах хэрэгтэй. БУРХАН-д залбир, тэгвэл БУРХАН танд ямар Их Багш тохирохыг, эсвэл хэн таны Их Багш болохыг илчлэхийн тулд ямар нэг арга хэрэгслийг ашиглана. Ямар ч байсан та бүхэнд аз хийморь хүсье. Их Багшгүй, Гэгээрсэн Их Багшаас авшиг хүртээгүй хүмүүс залбир, чин сэтгэлтэй бай. Итгэлтэй болох хүртлээ залбир. Мөн ядаж веган бай, тэгвэл Диваажин эсвэл БУРХАНААС ирэх захиас танд илүү амар хүрнэ. БУРХАН-ы багаж хэрэгсэл олон. Та ердөө л анхаарал, сэрэмжтэй байж, залбирал ба тэмүүлэлдээ чин ариун сэтгэлээсээ хандах хэрэгтэй. “Ертөнц” гэж нэрлэдэг энэ асар том шоронгоос гарахыг, Гэртээ харихыг чин сэтгэлээсээ хүсэж тэмүүл. Бид үнэхээр сонголтоо хийх эцсийн цаг үед ирээд байна. Хэрэв бид одоо зөв сонголтоо хийхгүй бол манай гараг, манай дэлхий хэмээн нэрлэдэг Ертөнцийн энэ хэсэг, энд амьдарч буй бүх оршихуйн хамтын ухамсраас бүрддэг энэ дэлхий, хэрэв бид цаг үеэ гүйцэж, өөрсдийгөө үнэхээр илүү эрхэм ариун сэтгэлгээ, бодол, үйлдлийн түвшинд өөрчилж чадахгүй бол Ертөнцийн энэ хэсэг нөхөн сэргээх аргагүйгээр сүйрэх болно. Уучлаарай, би муу мэдээ дуулгах дургүй. Гэхдээ энэ нөхцөл байдал аль хэдийн сүйрлийн ирмэг дээр байна. Хэрэв би яг одоо л хэлэхгүй бол та нарт дахин хэлэх цаг олдохгүй. Би эртхэн хэлэх ёстой байж. Хааяа цухас дурдаж байсан байж магадгүй. Харин та нар надад итгээгүй. Та нар надад итгэх үгүй нь хамаагүй би үүнийг одоо ч хэлсээр байна. Та нарын төлөө зүрх шимширч байгаа болохоор хэлэхээс өөр арга алга. Учир нь энэ боломжийг алдвал та нар үүрд, бараг л мөнхөд төөрч, дараагийн боломж гартал аврагдашгүй, сэргээшгүй болно. Тэр нь олон, олон, олон галавын дараа л гарч ирнэ. Та өөрийгөө чөлөөлж, Жинхэнэ Ертөнц рүү, таны үнэхээр харьяалагддаг тэр Ертөнц рүү, БУРХАН-ы Сүр жавхлан дахь жинхэнэ Гэрт тань буцах боломжийг дахин олгох тэр өндөрлөг дээр дахин зогсох хүртэл хэдэн үй түмэн, үй түмэн, үй түмэн төрөл өнгөрөхийг би мэдэхгүй. Тэрхүү адислал, аз жаргал, амар амгалан, гэгээрэл нь бүгд таных, таны төрөлхийн эрх билээ. Гагцхүү сөрөг болон хамтын үйлийн үр танд нөлөөлж, бараг л өдөр ирэх тусам улам чангаар хүлж байна. Бид бүх Ертөнцийн агуу, агуу, агуу төлөвлөгөөнд харьяалагддаг гэдгийг та ойлго. Бид бол ердөө л өчүүхэн жижиг хэсэг. Энэ дэлхий одоо танд хэдий уудам санагдаж байж болох ч танд хэвийн гэгдэх амьдралыг үргэлжлүүлэх хангалттай хөрөнгө бололцоо байгаа учраас л амьдрал урьдынх шигээ хэвийн харагдаж, та одоог хүртэл хэвийн мэт амьдарч байна. Гэвч энэ байдал цаашид ингэж үргэлжлэхгүй. Дэвшин хувьсгах энэхүү агуу төлөвлөгөө нь маш олон газарт хамаарна. Би “газрууд” гэж хэлж байгаа ч угтаа энэ нь Ертөнцийн асар, асар, асар уудам орон зай юм. Энэхүү орон зайн дийлэнх нь, өөр өөр түвшний оршихуйнууд, мөн бүлэг бүлгээрээ, эсвэл ганцаараа буй бие даасан төрөлтнүүдийн гэгээрэл болон буянаар хэдийнээ өргөгджээ. Тэд нэг ёсондоо аврагдаж, улам дээд гэгээрэлд хүрэх замдаа орчихсон байгаа. Одоогийн байдлаар тэд аюулгүй байна. Тэд Ертөнцийн сүйрлийн орон зайд цаашид үлдэхгүй. Тэдний хувьсал хөгжил үргэлжилж, нэгэн өдөр аль нэгэн аугаа Гэгээрсэн Их Багш тэднийг дахин хэзээ ч унахгүй байх, бидний одоо амьдарч буй шиг ийм доод түвшний ертөнцөд дахин хэзээ ч боолчлогдохгүй байх тэрхүү төлөв байдалд өргөн дэвшүүлж төгс гэтэлгэх хүртэл улам улам ухаажиж, улам гэгээрсээр байх болно. Photo Caption: “ГЭРЭЛ Хэзээд Нэвт Гэрэлтэнэ”
