Дэлгэрэнгүй
Татаж авах Docx
Дэлгэрэнгүй уншаарай
Өнөөдөр Христийн Эссенийн хүмүүнлэг сургаалаас, “Жинхэнэ Сүм: БУРХАНЫ Сүнс оршдог Хүмүүний лагшин бие”-ээс түүвэрлэн үргэлжлүүлэн хүргэе. Жинхэнэ Сүм: БУРХАНЫ Сүнс оршдог Хүмүүний лагшин бие. Есүс тэдэнд хэлэв: ‘Зөнч нар бичсэн байдаг, байшин минь магтаал, талархлаар тахилга өргөх бүх үндэстнүүдийн мөргөлийн байшин гэж нэрлэгдэх болно. Гэтэл та нар Ариун Тахилгыг мэдэхгүй, мэдэхийг ч хүсэхгүй, үүнийг нядалгаа, цус урсагдаг байшин, олон хорон муугаар дүүрэн байшин болголоо’”. Ахин хэлье би, бичигдсэн байгаа, Нар мандахаас жаргах хүртэл Нэр минь Олон шүтлэгтнүүдийн дунд агуу болно, хүж сан бүхий Ариун Өргөлөөр надад өргөл барина. Гэтэл та нар үүнийг мах, цусан өргөлөөрөө сүйрүүлж муухай үнэрийг нь далдлахад гагцхүү анхилам хүж ашигладаг. Мэдэгтүн, хуулийг сүйтгэхээр би ирээгүй, харин тайлбарлахаар, ярьсан бүхнээ биелүүлэхээр ирсэн. Юу бичигдсэнийг та нар мэдэхгүй юу? “Дуулгавартай байх нь тахилгаас илүү сайн, анхааран сонсох нь хонины өөхнөөс илүү сайн. Эзэн Бурхан, Би, та нарын шатсан өргөлөөс, тусгүй тахилгаас ядарч байна; та нарын гар цусаар дүүрчээ”. Энэ бас бичигдээгүй юу, “Тахилга гэж юу вэ? Өөрийгөө угааж, цэвэрлэ, нүднээс минь хорон муугаа далдруул, хорон муу үйлдлээ зогсоож, сайныг үйлдэхэд суралц. Өнчин, бэлэвсэн, хавчигдсан хүмүүст шударга үнэнийг тогтоогтун. Тэгснээр та нар хуулийг биелүүлнэ... Мөнхийн Сүнсийг цэвэр ариун сүсэг бишрэлтнүүд цэвэр ариун, үнэнээр шүтэн биширдэг...” […] Мөн Есүс […] үргэлжлүүлэн тэдэнд хэлэв: ‘Та нараас асууя, биет зүйлсийг ойлгоогүй та нарт БУРХАНЫ сүнслэг зүйлийг хэрхэн заах билээ? Харж, хүрэлцэж чаддаг БУРХАНЫ бүтээлүүдэд өршөөл энэрэлгүй ханддаг та нар, харж, хүрэлцэж чаддаггүй БУРХАНЫ сүнслэг зүйлсийг хэрхэн ойлгох билээ?’ Фарисей, бичээч нар Есүс рүү басамжилсан харцаар харж, дуугаа хураацгаав. Есүс шавь нартаа ийнхүү хэлэв: ‘Оршихуй бүрийн сүнсний тухайд ийм байдаг, мах, цусан өмсгөлөөр далдлагдсан тул хүний нүдэнд харагддаггүй. Оршихуй бүр байгалиасаа хоёрдмол чанартай, сүнслэг талгүйгээр биет илрэл гэж үгүй. Иймд та нарт хэлье, бие бол тоос, харин сүнс бол БУРХАН. Бие махбодыг сүйтгэдэг ч, сүнслэг сүнсийг хөнөөж чаддаггүй тэдгээр нүгэлтнүүдээс бүү ай. БУРХАНЫ хүмүүн БУРХАНЫ оршихуй болох өөрийн үндсээ тэр мэднэ, сүсэгтнүүдэд нь харьяалагдах түүнийг БУРХАН мэднэ. БУРХАНЫ хамгийн жижиг эдгээр сүнсэнд басамжилсан хандлагаар хандвал, надад ч бас тийнхүү хандаж буй юм; тэдгээр хоёр нүүртнүүд бүх зүйлсийн доторх амьдралын гайхамшгийг үл хүндэлдэг. Тийм ээ, тэд юмсын үхлийг эрж түүнд баясдаг. Та нар мэдэгтүн тэд долоон хортны эхээс гаралтай, зовлон зүдүүр, цус урсалт хаана байна тэнд Сатан мөн байна. […] Ариун Хууль, Миний зам мөрийн хайр, өршөөлийг эрэгтүн, мөнхийн амьдрал, амар амгаланг та нар олно. Өөрсдийн шунал, зугаагаа хангахын тулд ариун судруудыг мушгин гуйвуулдаг хорон муу хүмүүсээс өөрийгөө тусгаарла. […] Иеремия мөн цусан өргөл, тахилгын талаар хэлэхдээ мөн гэрчлэн хэлсэн: “Би, Жинхэнэ БУРХАН. Египетээс та нарыг гарч ирэхэд эдгээрийн алийг ч би тушаагаагүй, гагцхүү үүнийг би та нарт тушаасан: Зөв сайныг үйлдэхийн тулд Миний хуулийн эртний замаар явагтун, зөв шударгыг үйлдэх, өршөөл энэрлийг хайрлах, БУРХАНТАЙГАА хамт эгэл даруу явах тухайд ч адил. Гэтэл анх бүх төрлийн үрийг та нарт өгсөн Намайг та нар сонсоогүй, модны үр, жимс нь хоол хүнсэнд, хүмүүс, бүтээлүүдийг анагаахад зориулагдсан байсан’”. Бичээчид Есүст хэлэв: ‘Та хуулийн эсрэг ярьж байна! Нүгэл тань их юм!’ Тэд өршөөл энэрэлгүй, буюу сайн чанаргүй байсан тул зүрх сэтгэлийнх нь хатуу, хорон муу арга замынх нь мугуйдыг ойлгоод Есүс тэдэнд хэлэв: ‘Үгүй, Мозесийн эсрэг яриагүй би, үргэлж оршин байсан эртний хуулийн эсрэг ч яриагүй; харин хуулийг балласан тэдний эсрэг би ярьж байна! Хатуу зүрх сэтгэлээс чинь болж хууль гуйвуулагдан, завхарсан. Гэхдээ харагтун, Мозесоос ч агуу нэгэн энд байна! Номхон хүмүүс амьдарч, хорон муу хүмүүс шүүгддэг байхын тулд хөшөө дурсгалд бус зөөлөн махбод зүрхэнд хуулийг бичихээр би ирсэн. Та нар гэмт зангаараа ярьж, хорон муугийн хэмжүүрээр Мозесийг шүүж байна. Миний албат Мозес Жинэхэнэ БУРХАНЫ Үнэнээр ярьж буйг мэдэгтүн, харин та нарын өвөг эцэг нарын арга зам хорон, үнэнийг худал гэнэ, худлыг үнэн болгоно. Үргэлж та нар энэ худал үгэнд итгэдэг, учир нь та нараас ямар ч үнэн олдохгүй. Та нарын хууль худлыг бүтээгч, та нарын итгэл үнэмшил үнэнийг бус гагцхүү худлыг мэддэг та нарын бурхны бүтээл. Байх боломжгүй бодлыг Мөнхийн Сүнс гэж бодсон, гэрэл рүү бус харанхуй руу тэмүүлсэн энэ хүнээс үнэнийг олохгүй. Та нарт гэрэл байхгүй, өмнөх Гэрлийг хардаг ч хардаггүй тул та нар харанхуйн ажилтнууд болохоо мэдэгтүн. Хэрэв та нар жинхэнэ Мозесийг мэдэхгүй бол агуу Мозесийг ч мэдэхгүй.’ Өөрсдийг нь хорон муу, мугуйд гэж хэлж байна гэж ойлгосон ахмадууд, бичээчид Есүсийн үгэнд уурсав, Түүн рүү шидэхээр тэд чулуу авав, гэвч Есүс хүчирхийллээс нь далдлагдсаар тэдний дундуур явж өнгөрөв”.
