Дэлгэрэнгүй
Татаж авах Docx
Дэлгэрэнгүй уншаарай
Нар жаргасны дараа цонх, хаалгаа хаахыг яагаад зөвлөдөг вэ? Ариун Библид дурдсан “сувдан хаалга” үнэхээр байдаг уу?
Австралиас манай Нийгэмлэгийн нэг гишүүн бидний Хамгаас Хайрт Төгс Гэгээрсэн Их Багш Чин Хайтай хамт Арьяабалын зам мөрөөр явахдаа олж авсан ухаарал, дотоод ахуй ойлголтуудаасаа хуваалцахыг хүсжээ.VO: Би бясалгалын нэлээд онцгой, сэтгэл догдлуулсан ахуй ойлголтоо дэлгэхийг хүсэж байна. Энэ явдал Төгс Гэгээрсэн Их Багш Чин Хай дэлхийн хүн төрөлхтөнд эрхэм ариун, веган байхыг уриалан, дэлхий нийтэд сэрэмжлүүлэг хүргэж байсан 2025 оны 6-р сараас 11-р сарын хооронд болсон юм.Master: Би БУРХАНААС, Бүхнийг Чадагч БУРХАНААС “Веганизм энэ гаргийг аварна гэдгийг хүмүүст яаж тайлбарлах вэ?” гэж асуусан. Та нар бүгд Аврагчийг ирэхийг хүлээж, найдаж байгаа шүү дээ. […] Аврагч ирнэ гэж бүү хүлээ, та нар өөрсдөө аврагч юм шүү дээ. Та нар бүгд аврагч байх боломжтой. Хүн нэг бүрд энэ гаргийг, олон тэрбум хүнийг аврах Аврагчийн хүч бий. Бүр олон тэрбум, их наяд амьтан-хүнийг ч аврах хүч бий.VO: Их Багш авшигтнуудад ялангуяа шөнө дундаас хойш сөрөг оршихуйнуудаас сэргийлэхийн тулд шөнөдөө цонхоо хааж, боломжтой бол гэрлээ асаалттай байлгахыг мөн онцлон захисан билээ.Master: Гарцаагүй шаардлага гараагүй л бол шөнийн цагаар гарах хэрэггүй. Ялангуяа харанхуйд ганцаараа битгий гараарай гэж сануулъя. Яагаад гэвэл шөнийн цаг бол сувдаг чөтгөр, сувдаг сүнс гэх мэт сөрөг төрөлтнүүдийн цаг. Тэд нээлттэй цонх, хаалгаар тань хүртэл орж чадна. Иймд гэртээ гэрэл асаах хэрэгтэй, эсвэл нар жаргасны дараа хаалгаа хаалттай байлгах хэрэгтэй. Өглөөгүүр, өдрийн гэрэлтэйд, юмс тодорхой харагдах гэрэлтэй цагаар нээгээрэй. Тэд маш жаахан зай завсраар ч орчихдог. Томхон нээсэн хаалга цонхыг бүр ярих ч юм биш.VO: Цонхны тухайд, би 18 настайдаа бясалгалын нэгэн аргыг сураад, гэхдээ бясалгалын өмнө хамгаалалтын залбирал хэлэхээ мартчихсан үед минь тохиолдсон явдлаас үүнийг мэддэг болсон юм. Шөнө орой болсон хойно бясалгаж байхдаа би унтчихсан. Тэгтэл хар сүнс сүг цонхоор орж ирээд, намайг айдаст автуулахыг би “билгийн мэлмий”-гээрээ харсан. Би Есүсийн нэрийг чангаар дуудахад бүх зүйл цав цагаанаар гэрэлтэж, тэр оршихуй алга болсон. Гэхдээ тэр оршихуй биегүй атлаа яагаад цонхоор орж ирснийг би олон жилийн турш гайхаж ирсэн юм. Их Багш энэ сэрэмжлүүлгийг айлдахад үнэн болохыг нь би мэдсэн.Аз болоход манай Нийгэмлэгийн гишүүн Эзэн Есүс Христ (цагаан хоолтон)-ийн ариун нэрийг дуудан, сөрөг сүнсийг зайлуулж чаджээ. Түүнд тохиолдсон явдал Төгс Гэгээрсэн Их Багш Чин Хайн сэрэмжлүүлгийг дагахын чухлыг батлаад зогсохгүй БУРХАНЫ Хүүгийн нэр хамгаалах Хүчтэйг нотолж байна.Одоо манай Нийгэмлэгийн гишүүн Австралийн Квинслэнд мужийн Моретон булан дахь Хойд Страдброк аралд майхантай аялж байхдаа харсан дотоод ахуй ойлголтоо дурсан ярина. Дэлхийн хоёр дахь том элсэн арал гэгддэг Страдброк нь жуулчдын амарч, эрч хүчээ сэргээдэг дуртай газар нь юм. Гэхдээ уламжлалт нэрээр Минжерриба гэгддэг диваажин мэт энэ арлын өнгөрсөн түүх ээдрээтэй. 1800-аад оны эхээр европ суурьшигчид ирэхээс өмнө Куандамукагийн уугуул иргэд тус аралд хэдэн арван мянган жил нутаглаж байжээ. Эдгээр дөлгөөн хүмүүсийн газар, далайтайгаа зохицон амьдарсан амгалан ахуйг харгис хэрцгийгээр сүйтгэсэн юм. Гаднаас тархсан өвчнөөр олон хүн амиа алдаж, түүнээс ч олон хүнийг албадан нүүлгэжээ. 2011 онд Австралийн Холбооны шүүх Куандамукагийн уугуул иргэдийн Минжеррибагийн газар, усан дахь эрхийг хуулиар хүлээн зөвшөөрсөн ч тэдний шархалсан зүрх сэтгэлийг анагаах зүйл их хэвээр байна.Манай Нийгэмлэгийн гишүүн энэхүү үзэсгэлэнт аралд майхантай аялахаар төлөвлөсөн ч санаандгүй явдал тохиолджээ.VO: 2025 оны дунд үед би уугуул иргэдийн дөрөв, тав дахь үеийнхний эзэмшил газарт нэг шөнө буудалласан юм. Майхнаа барьж байхад минь одоогийн эзэмшигч нь удмынхаа талаар ургийн модны зургаар тайлбарласан. Оройн 11 цагт би майхандаа Дэлхий Веган болохын төлөөх Залбирал Бясалгалаа эхлүүлэв. Цаг баримжаалахаар бугуйн цагаа цухас харахад шөнө дунд болоход арав орчим минут дутуу байсныг санаж байна. Бясалгалаа үргэлжлүүлж байхдаа шөнө дунд болсныг мэдсэн бөгөөд тэр үед эргэн тойрны моддоос тав орчим эр над руу ойртон ирэв. Нэг нь орчин үеийн регбигийн улаан өмсгөлтэй байлаа. Өөр хоёр эр ч регбигийн хувцастай байсан ч хуучны үеийнх байсан. Харин ганц хоёр эр бүр эртний үеийнх байсан бөгөөд нэг нь амьтан-хүний арьсаар хийсэн лап-лап (уламжлалт хувцас) өмссөн байв.Регбигийн лигийг Квинслэндийн австраличууд ихэвчлэн хөл бөмбөг гэж нэрлэдэг бөгөөд энэ спорт уугуул иргэдийн дунд олон үеийн турш алдартай байсаар ирсэн юм. Тус аралд жил бүр Уугуул Иргэдийг Хүндэтгэх Тоглолт болдог бөгөөд Страдди Шаркс хэмээх олон нийтийн клуб энд байрладаг. Эдгээр биет яагаад шөнө дунд майхантай аялагчийн өмнө гэнэт гарч ирэв?VO: Тэд намайг өөрсдийн газар дээр байгаад ихэд бухимдсан бололтой байсан. Тэгээд нэг нь намайг барьж авсан. Бие минь хүчтэй дарагдаж, няцлагдаж байгаа мэт санагдан, амьсгалж чадахгүй болсон. Тэр намайг улам чанга базаж, шахаж эхлэх үед хажуугийн майханд байсан нохой минь зогсолтгүй хуцаж, дуу нь урьд өмнө нь хэзээ ч байгаагүйгээр сөөнгөтөхийг нь би сонссон. Бүх итгэл бишрэлээ дайчлан Төгс Гэгээрсэн Их Багш Чин Хайг дуудахад би тэр даруй Их Багштай хамт нэгэн газар руу нисэж байлаа. Нохойныхоо дууг би дахин сонсоогүй. Юу болж буйг ухаарч амжаагүй байтал бид алтан шаргал өнгөөр гэрэлтсэн, алсад үргэлжлэн сунасан нэгэн хашааны дагуу явж байв. Хашааны дээд ирмэгийг урилгагүй ямар ч оршихуй нэвтэлж үл чадах цахилгаан хүч хамгаалж байлаа. Хашааны дагуу явж байхдаа дээгүүр нь өнгийж хартал сэтгэлийг минь татахуйц гайхалтай үзэсгэлэнт цэцэрлэг харагдсан. Өнгө будаг нь үнэхээр хурц тод, нүд гялбам агаад цэвэр ариун баяр хөөрийн энергийг цацруулж байв. Тод ногоон зүлэг, доворхог толгод цэцэрлэгийн дундуур уран гоёмсгоор сүлжилдэн үргэлжилж, намайг цэвэр баяслаар дүүргэлээ.Урд яваа Их Багш руугаа харахад Тэрээр тухайн газар нутгийн эзний өвөг дээдсийг Диваажинд хүргэх нь Өөрийнх нь Эрхэм Зорилго болохыг надад ойлгуулсан юм. Тэд олон жилийн турш астрал ертөнцөд гацаж, тэндээс хэрхэн гарахаа мэдэхгүй байсан ажээ. Өвөг дээдсийг туйлын амар амгалан, баяр баясал, сүр жавхлант энэ Тэнгэрлэг ертөнцөд хүргэхэд Их Багштай хамт ажиллах болсондоо би хэмжээлшгүй их баярласан. Майхандаа нүдээ нээхэд нохой минь туйлын нам гүм, тайван болсон байлаа. Харин би болсон явдлыг оюундаа дахин сэргээж, дэлхийн үгээр дүрслэхийг хичээв. Тэдгээр өвөг дээдэс намайг тэнд байсанд уурлаагүй, харин хаашаа хандахаа мэдэхгүй өнөөгийн дэлхийн олон амьд сүнс шиг цөхөрч, бухимдсаныг би ойлгосон юм. Цэцэрлэгийг хүрээлсэн хашаа сувд мэт нууцлаг өнгө аястай байжээ гэж би өөртөө хэлсэн. Би “сувдан хашаа”, дараа нь “Сувдан Хаалга” гэж давтан хэлэв. Энэ бол Библийн түүхүүдэд дүрсэлсэн “Сувдан Хаалганууд” байлаа.Ариун Библийн Илчлэл 21:21-д Гэгээн Иохан (цагаан хоолтон) ариун хотын тухай ахуй ойлголтоо ийн дүрсэлсэн байдаг.VO: “Арван хоёр хаалга нь арван хоёр сувд байв. Хаалга бүр нэг цул сувдаар хийгджээ. Хотын гудамж нь тунгалаг шил мэт шижир алт байлаа. Би тэнд сүм харсангүй. Учир нь Төгс Хүчит Эзэн БУРХАН, Хурга бол тэндхийн сүм юм. БУРХАНЫ алдар үүнийг гэрэлтүүлдэг тул тус хотод дээрээс нь гэрэлтүүлэх Нар, Сар хэрэггүй. Хурга бол үүний гэрэл юм. Аврагдсан үндэстнүүд гэрэлд нь алхаж, Дэлхийн хаад алдар, хүндэтгэлээ тийш авчирна. Өдрийн цагаар хаалганууд нь огт хаагдахгүй. (тэнд шөнө гэж үгүй.) ”VO: Тэнгэрлэг Сувдан Хаалга, Цэцэрлэгүүдийг үзээд зогсохгүй зөвхөн Жинхэнэ Их Багшийн хүргэж чадах эрх чөлөөнд өвөг дээдэс хүрэн гэтлэгдэхийг өөрийн биеэр харсан нандин тохиолдолтой учирсандаа баярлан, нулимс минь урслаа. Их Багш минь, энэхүү гайхамшигт тохиолдол болон өдөр бүр хүртээдэг бүх гайхамшиг, адис ивээлд Тань баярлалаа. Суприм Мастер Телевизийн ажилд хувь нэмрээ оруулдгийн төлөө нэмэлт адис хүртдэгээ би мэднэ. Гэхдээ энэ ажил үнэхээр өгөөжтэй. Сэдвүүдээ судлахдаа олж авсан их мэдлэг минь эрүүл мэндийн асуудлаа шийдэхэд тусалж, оюун санааг минь эрхэм ариун зорилгод төвлөрүүлэн, энэ амьдралын аяллын минь хором бүрийг улам сайжрах өлзийт учралаар дүүргэдэг. Их Багш Эрхэм Зорилгоо Туйлын Бүрэн дүүрэн биелүүлэхийн зэрэгцээ аз жаргалтай, эрүүл энх байх болтугай гэж залбиръя. Их Багш аа, баярлалаа! Гэгээнтнүүд болон Төгс Хүчит Ариун Гурвалд талархъя!Гэгээрсэн Их Багшийг дагавал Тэнгэрлэг Сувдан Хаалга зөвхөн авшиг хүртсэн хүмүүст төдийгүй тэднээр дамжин Их Багшийн Хүчтэй холбогдсон хүмүүст ч ойрхон байдаг. БУРХАНЫ Өршөөл үнэхээр хязгааргүй! Манай Нийгэмлэгийн олон гишүүн Их Багшийн Адислах Хүч орчин тойрон болон ойр дотнынхныг нь дээш татахыг мөн гэрчилсэн билээ. Их Багш Суприм Мастер Телевизийн багийнхантай хийсэн хурлын үеэр эдгээр үзэгдлийг тайлбарласан юм.Master: Саяхан, Монголын хэдэн шавь нар Чингис Хааны мэндэлсэн ууланд очсон тухай бид уншсан. (Тийм.) Тэндхийн бүх хамгаалагч, мэдээж бусдын нүдэнд үл үзэгдэх ч, тэднийг тэнд очоод бясалгахад тэдгээр хамгаалагчид гарч ирэн мэндчилж, тэдэнтэй уулзаад баяртай байгааг харсан байсан. (Хөөх!)VO: Даяан дууссаны дараа Монголдоо буцаж ирсэн даруйдаа Эзэн Хаан (Чингис Хаан)-ы олон хоногоор, томоохон аян дайны өмнө бясалгал залбирал хийдэг Бурхан Халдун тахилгат уул уруу аялахаар болов. Бурхан халдун уулын оргилд гарах үед өөдөөс олон зуун жил хүлээсэн сүнслэг хамгаалагчид угтав. Тэд эртний Монгол цэргийн хувцастай сүрлэг харагдаж байсан. Тэд Их Хааныгаа хэдэн зуун жилээр хүлээж байгаагаа хэлж, илэрхийлж байлаа. Тэдэнтэй тэврэлдэн золгох тэр агшинд Их Багш буюу Чингис Хааны илгээсэн ивээл хайр, сүнслэг илгээмжүүд надаар дамжин урсаж, тэдэн лүү шингэж байлаа. Тэд Их Хааныгаа энэ олон жил хүлээж байсныг, одоо Их Хаан нь Их Багшийн дүрээр эргэн ирснийг тэд мэдсэн.Master: Яагаад гэвэл тэд өөрсөдтэйгөө хамт Гэрэл аваачсан, Их Багшийн Адис, Хайрыг хамт аваачсан. Гэвч ингэхийн тулд тэд сайн багаж байх ёстой. (За, Их Багш аа.) Ариун байх тусмаа Их Багшид илүү итгэж, Их Багшийн хүчтэй илүү нэг болдог. Их Багшийн Хүч гэдэг нь хэн ч ашиглахад бэлэн бүхэл Ертөнцийн Хүч юм. Та нар Их Багштай нэг байвал Ертөнцтэй нэг байх ба бүх хүчийг ашиглах боломжтой байх болно. Ойлгов уу, үгүй юу? (Тийм ээ, Их Багш аа.) (Ойлгож байна, Их Багш аа.) (Ойлгосон.) Тэгэхээр өөртөө болон бусдад туслах энэ бүх гайхалтай хүчийг хэрэгжүүлэхэд саад болж болох цорын ганц хүн нь та өөрөө юм. Хэрвээ Их Багшид итгэж, сайн бясалган дадуулдаг бол Их Багштай нэг мэт болно. Тэгвэл Их Багшийн хийж чадаж байгаа бүхнийг та нар бас тодорхой хэмжээнд хийж чадна.Тиймээс Есүс “Миний хийж буй бүхнийг та нар хийж чадна, эсвэл бүр ч сайн хийж чадна.” гэж хэлсэн. Санаж байна уу? (Тийм, Их Багш аа.) Илүү сайн биш, магадгүй олон хүн байгаа болохоор тэд өөр өөр газар очиж, Есүсийн нэг газар хийх байснаас илүүг хийж чадах байх. (За.) Гэвч Есүс бас даруу байсан. Тэр шавь нартаа урам өгсөн. Гэвч бас тийм байх боломжтой. Учир нь та нар илүү хол хүрэх боломжтой. Та нартай барилдлагатай олон хүн байж болох ба тэдэнд Их Багшийн Хүчээр тусална. Учир нь та нар Их Багштай нэг болдог. (За, Их Багш аа.) Ариун багаж байхуйц хангалттай даруу бол Их Багшийн Хүч та нар руу урсаж, улмаар өөрсөдтэй тань барилдлагатай хүн бүхэнд туслах боломжтой, эсвэл та тэнд байснаараа тэдэнд туслахад Их Багшид та хэрэгтэй байдаг. Ойлгов уу? (Тийм.) Энэхүү биет ертөнцөд биет багаж хэрэгтэй. Их Багшийн Хүчинд бас дэлхийг адисалж, дэлхийд туслах юмс хийхэд шавь нар хэрэгтэй байдаг. Яг л Суприм Мастер ТВ-д та нар ажиллах хэрэгтэй байгаа шиг юм.Манай Нийгэмлэгийн гишүүд амьдралынхаа хугацаанд Их Багшийн Хүчний дамжуулагч болох боломжтой байна гэдэг ямар гайхамшигтай вэ! Дэлхийд илүү их Тэнгэрлэг Адислал авчрахын тулд хүн бүр улам ариун, аминч бус болж, дотооддоо БУРХАНД илүү төвлөрөхийг эрмэлзэх болтугай.Арьяабалын бясалгалын талаар дэлгэрэнгүй мэдээлэл авахыг хүсвэл энэ хаягаар зочилно уу: SupremeMasterTV.com /Meditation
