Дэлгэрэнгүй
Татаж авах Docx
Дэлгэрэнгүй уншаарай
Өнөөдрийн мэдээнд, Европын Холбоо дэлхий нийтийн хямралыг шийдвэрлэхэд 710 сая еврогийн тусламж үзүүлэхээ зарлалаа. Эль Ниньо-гийн улмаас муссоны бороо багасаж, Энэтхэгийн Махараштра мужид ган зарлалаа; шим тэжээлтэй ургамлын хүнс түлхүү хэрэглэх нь хүүхдийн цусны даралт, холестериныг бууруулахтай холбоотойг Нидерландын судалгаа тогтоожээ; Сингапурын физикчид дэлхийн өндөр нарийвчлалтай атомын цаг бүтээв; Өмнөд Африкийн оршин суугч жолооч нарын аюулгүй байдлын төлөө замын нүх, эвдрэлийг нөхөж засдаг; АНУ-ын гол үйлдвэрлэгч веган сүү, цөцгийн үйлдвэрлэлээ өргөтгөв; нохой-хүн хүнийхтэй адил яриаг ойлгох чадвартайг Унгарын эрдэмтэд илрүүллээ. Дуулах, ярих сайхан хоолой бол Диваажинг магтан алдаршуулах гайхалтай арга юм. Хоолойгоо арчлах зөвлөгөө өгье. “Чимээгүй сөргөө” гэж түгээмэл нэрлэдэг төвөнх-залгиурын сөргөө (ТЗС) ердийн шинж тэмдэггүйгээр илэрч болно. Шинж тэмдгийг нь дууны хөвчний ердийн ачаалалтай андуурч мэднэ. Өгүүлбэрийн төгсгөлд дуу хоолой тань байнга муудах мэт санагдах, дуу гаргахын тулд хүчлэх шаардлагатай болох, эсвэл дуу гаргах зөв техник хэрэглэсэн ч сөөнгө хэвээр байвал мэргэжлийн эмчид үзүүлж, үнэлгээ хийлгэх нь зүйтэй. Амьдралын хэв маягийн хэд хэдэн өөрчлөлт сөргөөний шинж тэмдгийг багасгаж, дуу хоолойг тань хамгаалахад тустай байж болно. Ходоодны даралт, сөргөө үүсэх магадлалыг багасгахын тулд хооллох бүрдээ бага идээрэй. Мөн хооллох үедээ биш, хоолноос нэлээд өмнө эсвэл хэдэн цагийн дараа шингэн уугаарай. Шөнө орой, ялангуяа хэвтэх, унтахын өмнө хоол идэхээс зайлсхий. Халуун ногоотой, тос ихтэй, мөн шинж тэмдгийг тань сэдрээдэг бусад хоолыг хязгаарлаарай. Кофеинтой ундаа, архи дарсыг бага хэрэглэ, огт хэрэглэхгүй бай. Унтахдаа толгойгоо өндөрлөх нь сөргөөг багасгахад тустай байж болно. Илүүдэл жин мөн нөлөөлдөг тул жингээ зохицуулах нь тустай эсэхийг өрхийн эмчтэйгээ зөвлөөрэй.
